لانسر أم كورولا أم سيفيك 2008

**Abdelmoneem** · 14-08-2012 08:35 AM

السلام عليكم،

ما هي أفضل عربية مستعملة في حدود 80ـ110 ألف، وتكون حديثة موديل 2008-2010؟

أنا بفاضل بين لانسر شارك وكورولا و هوندا سيفيك

أنا عارف إن الكورولا والسيفيك في رينج سعري أكبر من اللانسر، بس هل فرق السعر ده مبرر؟
العوامل اللي تهمني:
- أنا عايز الموتور يكون قوي وسحبه وعزمه قوي (أنهي موديل في التلاتة أقوى؟)
- وتكون عالية عن الأرض وعفشتها متينة تستحمل المطبات (معايا دلوقتي لانوس بحس إنها بتزحف على الأرض وشبعتني مطبات، عايز في العربية الجديدة أحس بالفرق)
- الصيانة وقطع الغيار (أنهي موديل في التلاتة قطع غياره رخيصة وصيانته سهلة؟)

**oshy** · 15-08-2012 11:56 AM

c i v i c لكن بالنسبه لاحتياجاتك l a n c e r

**mahamede** · 15-08-2012 12:23 PM

بص أنا هرد عليك من حيث حاجتين :-

أولا : (( من حيث متطلباتك ))
يبقى لانسر شارك ومتكونش بوما

ثانيا : (( من حيث ترتيب ال 3 انواع فى الصناعة اليابانية وكتقييم ليهم ككل ))
الهوندا ثم التويوتا ثم الميتسوبيشى
يعنى زى ما قال لسيادتك الأستاذ oshy بس انا فسرتهالك بالتفصيل عشان تبقى الأمور واضحة بالنسبالك ...

**حماده المصري** · 15-08-2012 04:02 PM

بص بقى

لانسر بومه اقل منهم في كل شيئء

لانسر شارك متورها ضعيف وثباتها مش زي الاتنين وبرضو قطع غيارها بقت قريبه منهم لانها بصراحه جودتها زييهم بس متورها ضعيف سنه

كورولا ياباني ممتازه عفشه حريييييييييييييير ثبات ممتاز ل 160 بعد ال 160 بيقل الثبات بفرق ملحوظ بصراحه عاليه عن الارض بس بتحك في المطبات الغشيمه برضو بس دي اكتر عربيه تستحمل ومعمره لابعد الحدود

السيفيك اغلاهم قطع غيار على ما اعتقد اكترهم ثبات اوطاهم ومعمره جدا جدا جدا في غالبا مشكله في علبه الدركسيون ظهرت مع ملاك كتير بس مش كلهم والله اعلم في المودلات بعد 2006 اتزبطت ولا لا بس برضو عربيه ممتازه جدا جدا جدا بس واطيه ف ممكن متنفعلكش

انا في رايي الكورولا الياباني ولا تتنازل عنها ماشاء الله عليها وربنا يبارك لملاكها ويكفيهم شرها ويديهم خيرها