العربيه بتسخن اوى..؟

**DESIGNER105** · 14-08-2012 10:30 AM

العربيه بتسخن اوى ...مبتمشيش ربع ساحه غير لما عداد الحراره يتأفل ....مع ان مفيش تسرب فى الريداتير والمراوح شغالة تمام..بس الميه بتنقص معرفش بتروح فين ...؟؟؟ العربيه بتاكل الميه ؟ بس حتى لو لسه ماليها ميه ومشيت بيها بردو بتسخن ...؟؟؟ايه ممكن يكون السبب ...؟؟؟؟؟

**Ahmed_Ramadan** · 14-08-2012 11:43 AM

أولا : تبص على زيت الموتور علشان نستبعد إن المياه بتدخل على الزيت أو جوان بايظ
ثانيا: تتأكد إن غطاء القربة محكم الغلق و مش بيسرب
ثالثا: تروح عند حد بتاع ردياتيرات يكبسلك الدورة علشان لو فيه تسريب يبان

**Raul_7** · 14-08-2012 11:52 AM

خدها علي ونش لحد التوكيل أو مركز عصام صفا و خليهم يشوفوا العيب من ايه, و ان شاء الله خير.

**DESIGNER105** · 14-08-2012 11:59 AM

المشاركة الأصلية كتبت بواسطة ahmed_ramadan

أولا : تبص على زيت الموتور علشان نستبعد إن المياه بتدخل على الزيت أو جوان بايظ
ثانيا: تتأكد إن غطاء القربة محكم الغلق و مش بيسرب
ثالثا: تروح عند حد بتاع ردياتيرات يكبسلك الدورة علشان لو فيه تسريب يبان

طيب ازاى اقدر اعرف ان المايه دخلا على الزيت ؟؟ يعنى الزيت بيبقو شكلو عامل ازاى ؟؟؟
ولا الجوان بايز بردو ازاى اقدر اعرف ؟؟؟؟
وهل فى حاجه ممكن اعملها اتا:د بيها ان طلبمة المايه سليمه ؟؟؟

وشكرا على ردك على الموضوع

**m_marmoush** · 14-08-2012 01:27 PM

ترموستات الكوعة علق، هات ميكانيكى تحت البيت يلغيهولك و ماتمشيش بيها أكتر من كدة عشان ماتجبش جوان وش سلندر

**ghoneim** · 14-08-2012 02:39 PM

المشاركة الأصلية كتبت بواسطة m_marmoush

ترموستات الكوعة علق، هات ميكانيكى تحت البيت يلغيهولك و ماتمشيش بيها أكتر من كدة عشان ماتجبش جوان وش سلندر

احتمال كبير جدااااااااااااااااااا

**DESIGNER105** · 14-08-2012 03:33 PM

المشاركة الأصلية كتبت بواسطة m_marmoush

ترموستات الكوعة علق، هات ميكانيكى تحت البيت يلغيهولك و ماتمشيش بيها أكتر من كدة عشان ماتجبش جوان وش سلندر

ترموستات الكوعه انا شايلو اساسا ..؟؟ وكشفت عالزيت مفهوش مايه ...امال الميه الى بتنقص دى بتروح فيين ؟؟ ومفيشس اى تسريب خارجى نهائى !!!؟؟؟؟؟؟؟؟؟؟

انا بمشى بيها مشواير صغيره ولما تبدى تسخن ببطلها واركن لحد متبرد ولا ممشيش بيها خالص احسن ؟؟؟

**yaseenmohamed** · 14-08-2012 04:03 PM

أفضل حل فعلا تحملها علي ونش وتروح لمركز عصام وصفا لان ممكن يكون سبب نقص المياه تسريب في مكان ما غير واضح
وان شاء الله بسيطه

**yaseenmohamed** · 14-08-2012 06:14 PM

علي فكره غالبا جوان وش السلندر فيه مشكله والجوان بيهرب كبس الموتور لدورة المياة وبالتالي بيزيد الضغط فيها والضغط بيدفع المياة للردرياتير وطبعا الضغط دة ناتج من الاحتراق بغرف الاحتراق وبتكون درجه حرارتة مرتفعه جدا وبالتالي بيخلي حرارة العربية ترتفع جدا وبيبخر المياه من الريدياتير
زي ما قلت لك حمل العربيه وروح مركز عصام وغالبا لازم حيعملولك اختبار كبس دوره التبريد

وربنا يوفق

**Ahmed_Ramadan** · 14-08-2012 06:31 PM

المشاركة الأصلية كتبت بواسطة Ahmed_Ramadan

[S]أولا : تبص على زيت الموتور علشان نستبعد إن المياه بتدخل على الزيت أو جوان بايظ
ثانيا: تتأكد إن غطاء القربة محكم الغلق و مش بيسرب[/S]
ثالثا: تروح عند حد بتاع ردياتيرات يكبسلك الدورة علشان لو فيه تسريب يبان