اين الواجا

**grnada** · 28-06-2008 12:24 AM

يا جماعة هو ما فيش واجا جديد ولا ايه
ياريت تسعفونا

و جزاكم الله خيرا

**fahd_628** · 28-06-2008 01:00 AM

لأ يا باشا مفيش واجا زيرو

انتظر الموديل الجديد لو عاوز يقال انة حينزل فى شهر 8 او 9

**MohabSaeed** · 28-06-2008 01:58 AM

بالظبط زى ما قال فهد . احتمال تنزل فى شهر 9 بموتور ال سى بى اس مع تغير شكلها من الامام .
لكن حضرتك ممكن تلاقى واجا زيرو موديلات 2006 , 2007 عند بعض المعارض .

**grnada** · 28-06-2008 06:05 AM

متشكرين يا رجالة بس ايه اخبار الموديل الجديد

**MohabSaeed** · 28-06-2008 01:05 PM

الموديل الجديد 125 حصان " فعلى مش كلام جرايد زى الكورولا و الانسر و كلام الفارغ ده " - و عزم 150 نيوتن , و متوقع سعرها يكون فى حدود 100 الف جنيه . تحسين واضح فى جوده المواد المستخدمه فى الصالون .
منتظرين نشوفها على ارض الواقع علاشان نحكم عليها اكتر بس فعلا من الصور ..

**Migo123** · 29-06-2008 12:11 PM

الموديل الجديد 125 حصان " فعلى مش كلام جرايد زى الكورولا و الانسر و كلام الفارغ ده " - و عزم 150 نيوتن , و متوقع سعرها يكون فى حدود 100 الف جنيه . تحسين واضح فى جوده المواد المستخدمه فى الصالون .
منتظرين نشوفها على ارض الواقع علاشان نحكم عليها اكتر بس فعلا من الصور ..

طيب على ما الموديل الجديد ينزل يا باشا ما تحاول تعملنا تقييم شامل للعربيه من وجهة نظرك .... على فكره انا عارف انك معاك العربيه من زمان بس ملقيتش تقييم ليها من خلالك الا في مشاركات متفرقه مش موضوع كامل

انا آسف لو كنت بتعبك ... بس ناس كتيير محتاجه الموضوع ده عشان تحدد موقفها من العربيه وانت اكيد ادرى واحد بمميزاتها وعيوبها ... بدل ما نمشي ورا كلام الجاريد والاعلانات

**MohabSaeed** · 29-06-2008 05:57 PM

المشاركة الأصلية كتبت بواسطة Migo123

طيب على ما الموديل الجديد ينزل يا باشا ما تحاول تعملنا تقييم شامل للعربيه من وجهة نظرك .... على فكره انا عارف انك معاك العربيه من زمان بس ملقيتش تقييم ليها من خلالك الا في مشاركات متفرقه مش موضوع كامل

انا آسف لو كنت بتعبك ... بس ناس كتيير محتاجه الموضوع ده عشان تحدد موقفها من العربيه وانت اكيد ادرى واحد بمميزاتها وعيوبها ... بدل ما نمشي ورا كلام الجاريد والاعلانات

الحقيقه انا مش معايا الواجا من زمان , هما يادوبك كام شهر و شاريها مستعمله , لانى ملقتهاش زيرو , وفعلا انا ناوى اكتب تقيمى ليها " على ارض الواقع " .... ان شاء الله فى القريب العاجل .

انما بالنسبه للموضوع الى كتبته عن الواجا ومواصفاتها الفنيه " انا كنت كاتب الموضوع ده اساسا من سنه 2006 , لانى مالقيتش فى اى حد عارف عنها حاجه ولما حاولت ادور على معلومات برده مالقيتش حد بيتكلم عليها .

**meramor81** · 30-06-2008 02:36 AM

اخر معلومات وصلتنى من محسن صالح عن الواجا لانى كنت بسأل عليها لوالدى هاتنزل اخر شهر 7 والحجز من دلوقتى عليا وبتتدفع الف جنيه وسعرها فى التسعينات زى الجين تو بس والله نسيت قالى كام بالضبط لانى كنت مهتمه بالبيرسونا اكتر

**eng_elnaggar** · 30-06-2008 12:36 PM

انا معايا الواجا من سنه تقريبا وعملت بيها حوالي 40 الف كيلو متر وكنت شاريها زيرو من عز العرب في اسكندرية ...

العربية بفضل الله جيده جدا .... الموتور بتاعها ميتسوبيشي 1600 سي سي 102 حصان و العربية الحمد لله شغاله معايا كويس ما عدا كان فيها مشكلة في التكييف عملوها ليا في الضمان وهى الحمد لله ماشية كويس برغم اني باقسى عليها جامد لان انا استعمالي جامد للعربية يعني مشاويري كتير وطويله وده واضح من الكيلومتري اللي انا عملته خلال المده من ساعة ما اشتريتها...

قطع الغيار معظمها متوفر في محلات معروفة في شارع دمشق وفي الجيزة... وعفشة العربية تقريبا هى هى اللانسر وبالتالي المقصات والمساعدين هم هم اللانسر وهم متوفرين في كل مكان...

الفوانيس اسعارها معقوله بره التوكيل يعني مثلا الفانوس الخلفي ب 180 جنيه والفانوس الامامي 320 والشبوره 280 ... وهكذا ..
الماتور والفتيس زى ما قلت هم هم بتوع الميتسوبيشي لانسر وبالتالي نفس فلتر الزيت...

التكييف ياباني بس مش فاكر نوعه وهو كويس ما عدا العيب اللي كان فيه وصلحوه في الضمان..

الخامات المستخدمه جوه العربية معقوله وجيده ولا مقارنه بين خامات الواجا وخامات الجين تو ... خامات الواجا انضف كتير..

دي تقريبا الحاجات الرئيسية في العربية ولو عزت اى معلومة اضافيه انا تحت امرك

**Migo123** · 30-06-2008 12:59 PM

ياريت يا باشا تقييم لنا العربيه من حيث :

- العزل وصوت الموتور عالي ولا معقول ولا كويس
- انا اعرف ان العربيه استيابل مظبوط ولا ايه ....
- استهلاك البنزين
- وضعية القياده مريحه في المسافات الطويله ولا ايه ؟
- العفشه مريحه ولا ناشفه
-وسع الاصالون والشنطه

و مشكوور يا باشا

الموضوع: اين الواجا

LinkBack

أدوات الموضوع

عرض

-

-

-

-

المواضيع المتشابهه

الواجا vs جين 2

استفسار فى الواجا

الواجا ولا السيراتو؟

مشكلة في الواجا

سعر الواجا

الكلمات الدلالية لهذا الموضوع

المفضلات

المفضلات

ضوابط المشاركة