شباب
انا اشتريت كارينز هاى لاين بقالى 3000 كم بس العفشة ناشفة قوى
هو دة عادى لانى نازل من يابانى ولا فى حاجة ممكن ازبطها ولا هى كدة اصلا:_Alshmokh11:
عرض للطباعة
شباب
انا اشتريت كارينز هاى لاين بقالى 3000 كم بس العفشة ناشفة قوى
هو دة عادى لانى نازل من يابانى ولا فى حاجة ممكن ازبطها ولا هى كدة اصلا:_Alshmokh11:
متابع وهى عربيه مشهوره .... انها كويسه .
انا اشتريت الكارينز من سنه و نص و العفشه شايفها كويسه و ناس ركبت سيراتو قالتلي ان الكارينز احسن من السيراتو بكتير بس علي كل حال دي اول عربيه ليا و مش هاقدر افيدك اوي
ضغط الكاوتش مظبوط ولا لأ
الكارينز المفروض ان عفشتها مش ناشفة, بس لو هتقارنها بالعربية اللي كنت راكبها قبلها يبقى ممكن تحس بفرق اكيد سواء للأفضل او للاسوأ و ده طبيعي لحد ما تتعود عليها.. انما بشكل عام هي عربية عفشتها مش ناشفة.
راجع ضغط الكاوتش حسب المكتوب على القائم بتاع الباب بتاعك و اظبط عليه...
و لو سمحتلي.... هو مقاس الجنط عندك كام..؟؟ و كنت راكب قبل الكارينز ايه في الياباني..؟؟؟
العربية مع واحد صاحبى وبيسافر بيها كتير وبيشكر فى عفشتها
ربنا يباركلك فيها
العربية دية لو ارتفعت من الأرض 3 سم يسلام ..................تفرق جامد جدا
انا ضابط العجل على نتروجين 30 و انا كنت راكب يارس قبل كدة و الجنت 16
ممتاز.. ان شاء الله هتحس بالفرق ده بخلاف انك هتتعود عليها اكتر مع الوقت...
اللي اقدر اقولهولك بلاش تقارن بينها و بين الياريس لان في فرق اكيد, الياريس انعم من حيث العفشة
ده بخلاف ان مقاس الكاوتش مختلف و ده بردو هيفرق... لكن بعد ما تتعود عليها ان شاء الله هتلاقي
الكارينز احسن من الياريس بشكل ملحوظ من حيث الحجم و الركوبة و الراحة و الكماليات و الثبات و العزل...
اتمنى اكون قدرت افيدك, و ربنا يباركلك في العربية و يديك خيرها و يكفيك شرها.... تحياتي