الموضوع: قررت أبيع عربيتى هل من مشترى

المشاركة الأصلية كتبت بواسطة harizy

ما قصدته باستعمال قاضى هو:-
أن العربية من البيت للمحكمة ومن المحكمة للبيت يعنى مش استعمال شاب أهوج مبيقدرش قيمة النعمة التى سيسأل عنها يوم القيامة ولا شك؛ أو بمعنى أخر أن العريبة ملهاش فى اللف والدوران لأنها مركونة فى الجراج أغلب أيام الأسبوع لأنى مش بخرج كتير من ضغط الشغل والدليل على كده عدادها.

دى حاجة، الحاجة الثانية أن القضاة ليهم دعوة بالقانون ونص يعنى إنت بتتجنب الغرامات بقدر الإمكان عشان متحرجش نفسك ولا تهين مركزك مع ضابط (مع احترامى لبعضهم)، وعشان أريحك العربية مفيش عليها غرامات فعلاً بس لأن المرور كان محروق بعد الثورة يعنى العربية تعتبر مولودة من أول وجديد، ده غير أن مفيهاش أى مظاهر للمخالفة يعنى ملصقات أو فامية وخلافه ........... بس ده اللى قصدته من استعمال قاضى بالإضافة طبعاً إلى أنى عاوز أتعامل مع إنسان محترم ميتعبنيش وأضايقه

هو للحق انا فى حيانى ما قابلت قاضى محترم وشاكى البعض منهم لله ثم للقانون وموضوع من المحكمه للبيت ده مش منطقى ممكن يكون عندو ابن او سواق والخ... بصراحه قصة قاضى دى ملهاش اى لازمه فى الاعلان لأنو مش كماليه فى العربيه بالعكس تعتبر عيب لكتير وانا واحد منهم مستحيل اشتري عربيه من قاضى او ظابط وان شاء الله عربيتك فى ناس بتدور عليها لأن وقف انتاجها ...

هو للحق انا فى حيانى ما قابلت قاضى محترم وشاكى البعض منهم لله ثم للقانون (مش عارف لو رديت مفروض أقول إيه)

وموضوع من المحكمه للبيت ده مش منطقى ممكن يكون عندو ابن او سواق والخ... (طيب إيه المنطقى برضه مش عارف، وإيه المشكلة إنه يكون عنده أبن أو سواق وده تأثيره إيه على السيارة !!!؟؟؟؟)

بصراحه قصة قاضى دى ملهاش اى لازمه فى الاعلان لأنو مش كماليه فى العربيه بالعكس تعتبر عيب لكتير وانا واحد منهم مستحيل اشتري عربيه من قاضى او ظابط (برضه دى حاجة ترجعلك وده رأيك وإنت حر فيه بس دى مش أول عربية أبيعها وتذكر إنى لم أعرض العربية عليك وإنك من قمت بالرد على الموضوع بهذا الشكل).)

وان شاء الله عربيتك فى ناس بتدور عليها لأن وقف انتاجها
(شكراً مع إن الكلام ده أنا عارفه كويس)[/font][/size][/color]...

١- رود براحتك وانا هرود لا تقلق
٢- يعنى لو صاحبها هنفرض انو قاضى والقضاه تمام مثلاممكن يكون حد تانى بيركب العربيه واستخدامه مش تمام وعلى فكره فى عربيات عامله كيلو متر اقل من كده وتم استخدامها بشكل سئ جداً لدرجة ان حصل مشاكل كتير فى البساتم والفتيس عادى هات عربيه زيرو وافوتهالك فى ٢٠٠٠ كيلو وهى لسه بشحم المصنع
٣- موضوع قاضى ده رأى الكل عدا سيادتك اللى بتفكر فى اسلوب الزمن القديم
٤- ايوا انا وضحت فى ناس بتدور عليها بس مش هيدفعو الرقم الموضح وكما وضح الاخوه عربيات عامله كيلو متر اقل وسمعو ٨٥ من تجار وغير التجار ممكن تزيد الفين او حاجه للى محتاجها
واخيراً انت فعلاً معرضتهاش عليا ولا انا بركب عربيات تجميع محلى بتكتولجيا التسعينات انا كنت بوضح وجهة نظر