أيهما أفضل و يستحمل مطبات الإسكندرية و ينفع أبقى أصب لها جلب لما يبوظ قدام
عرض للطباعة
أيهما أفضل و يستحمل مطبات الإسكندرية و ينفع أبقى أصب لها جلب لما يبوظ قدام
انا عاوز ازبط العافشه الاماميه ومش عارف اشترى قطع ايه لانى احترت بين ال gm والكورى والاسبانى والماركات الكتيره اللى ملهاش اول من آخر
اعضاء كتير بيشكروا فالاسبانى
kyb made in japan
طيب و دول منين؟؟؟؟ أنا أول مرة أسمع عنهم
و سعره بكم
الجي ام سألت عليه قالوا لي في الزراني في شارع جمال عبد الناصر في الإسكندرية 600 جنيه
الأسباني واحد صاحبي في القاهرة قال لي كان جايبهم ب 600 برضو من 5 شهور
عشان كدة محتار بينهم مع العلم إني سأضطر أجيبهم من القاهرة عشان معرفش حد في الإسكندرية يعرف عن المقصات الأسباني حاجة
فكك من الجى ام دة مساعدين ميه
هات مونرو الطقم ب 1350 ضمان سنه من ابو الحسن لو انت فى الجيزه
او هات طقم kyb يابانى...الامامى ب 650 والخلفى ب 600 من اى محل قطع غيار
وابعد عن الكورى وهات المتجرب فقط
المساعدين المونرو كويسين جدا بس ناشفين اما المقصات الاسباني انا لسه مركبهم بس مش مبسوط منهم حاسس ان فيهم نفس عيب الجلب عموما انا هروح للعفشجي يشوف العيب فين
جلب مقصات يعنى جى ام
وخلص الكلام
فعلا جلب المقصات يبقى جي إم و انساااااااااااااااااا
وجلب العيون ممتازة
فهمت من الكلام إن المقص ال جي إم أحسن من المقصات الأسباني
النهاردة سألت و قالوا لي إن ال CTR الكوري هو نفسه ال GM و موجودين ب 380 جنيه
و كان المقص نفسه مكتوب عليه made in korea
يا ريت المساعدة بسرعة عشان عايز أركبهم قبل العيد
نصيحة من كتر ما شفت : ماتسترخصشي عشان متعملشي الحاجة اكتر من مرة
هات الاصلي حتي لو اغلي
ده راي شخصي من خلال تجربة
المشكله ان الدايو اوقات كتير بيبقى الاصلى مش احسن الموجود
زى مثلا المساعدين الاصلى والمنرو والرشاشات
اليوم مريت على عفشجي واحد صاحبي قال لي عليه..................و قال لي متغيرش المقص و هو هيغير لي الجلب بجلب أصلي جي إم ب 160 جنيه و قال لي أضمنها لك سنين.............
أنا المقص اللي في العربية كان صيني ملوش نوع تقريباً كان واحد صاحبي في ليبيا جابهولي بما يساوي ال 150 جنيه تقريباً
معرفش أعمل الجلب بس و خلاص و لا إيه الكلام.............
و كدة هبقى وفرت و ممكن أعمل الفرامل كمان عشان فيها رعشة لما بدوس عليها فعايزة طنابير ( أو خراطة ) و تيل
و لا خاب من إستشار
يص ياباشا انا كان معايا نوبيرا ودوخت على المقصات وجلب وفى الاخر جبت مقصات اسبانى بعد ما صرفت 1500 جنيه فى الهوا والحمد لله بقت تمام وبعتها بعد كده وجبت واحد تانية وكان فيها جلبة واحدة عاوزة تتغير وبالصدفة لقيت الجلب الجى ام الواحدة 40 جنيه بس لازم تتاكد انها جى ام ومن يوم ماركبتها والعربية تمام التمام وعلى فكرة انا روحت جايب طقم كامل وركبته لانها بصراحة جلبة محترمة جدا واللى عندى كانوا بيشاوروا عقلهم فقمت جايب الطقم وركبته والحمد لله زى العسل هاتهم واتكل على الله ومش هتندم ان شاء الله بس اتاكد انهم جى ام بس وربنا يوفقك ان شاء الله لانى انا تعبت فى موضوع المقصات ده فترة كبيرة وبالنسبة للطنابير انا لسه جايبهم استيراد وحالتهم تمام اوى وخدن عليهم التيل بتاعهم كمان علشان الراجل لسه فاتح وخدتهم 125 جنيه وده سعر كويس وعلى فكرة فكهم لى من جنب عربية من عنده
إن شاء الله بعد العيد على طول هغير الجلب بجلب جي إم و بعدها هشوف الفرامل