هيونداي ماتريكس - نجاح ال 1000 ميل يبدأ بخطوة

الأخوة و الاخوات الكرام / نجوم هيونداي

كل عام و حضراتكم بخير

يسعدني أن اقدم اليكم اليوم موضوع جديد عن سيارة اخري من سيارات هيونداي التي نجحت بمصر و عشقها المصريون

هيونداي ماتريكس
Hyundai Matrix

http://upload.wikimedia.org/wikipedi...1-18%29_01.jpg

بدأت شركة هيونداي موتورز أنتاج و تسويق هيونداي ماتريكس عام 2001 و التي صنفتها علي أنها سيارة ميني فان minivan أو سيارة متعددة الاستخدامات MPV و التي تم تصميمها بواسطة شركة تصميمات السيارات الايطالية Pininfarina

و قد عرفت الماتريكس بهذا الأسم في الاسواق الاوروبية بينما تعرف في كوريا و اليابان و تايوان باسم هيونداي لافيتا Hyundai Lavita بينما في أستراليا عرفت بأسم هيونداي النترا لافيتا

الماتريكس مزودة بمحرك بيتا سعات 1500 , 1600 , 1800 سي سي و في أوروبا نزلت الماتريكس بمحرك 1800 سي سي تربو ديزل

في عام 2008 قدمت هيونداي موتورز تعديلا في الماتريكس عندما غيرت شكل المقدمة و الفوانيس الامامية لتصبح مشابهة الي حد كبير للهيونداي أي 30

تجميع و انتاج الماتريكس :
- كوريا (أولسان)
- تركيا (ايزميت)
- ماليزيا (كوليم)

Hyundai Matrix Facelifted
http://upload.wikimedia.org/wikipedi...iligenhaus.jpg

المواصفات الفنية للماتريكس في مصر

(1).. المحرك :
- سعة المحرك : 1600 سي سي
- عدد السلندرات : 4
- قدرة المحرك : 104 حصان عند 5800 لفة/ دقيقة
- عزم المحرك : 141 نيوتن.متر عند 5400 لفة/ دقيقة
- السرعة القصوي : 166 كم/ساعة
- التسارع من 0 الي 100 كم/ساعة : 14.2 ثانية
- أستهلاك الوقود : 7.9 لتر/ 100 كم (مانيوال) - 8.82 لتر / 100 كم (اوتوماتيك)

http://1.bp.blogspot.com/-LAvDGjNw_T...llpaper_11.jpg
Hyundai Matrix Engine

(2).. الابعاد :
- الطول الكلي : 4025 مم
- العرض : 1740 مم
- الأرتفاع : 1685 مم
- قاعدة العجلات : 2600 مم

http://www.the-blueprints.com/module...atrix_2010.jpg

(3).. السعر في عام 2011:
- المانيوال : 96000 جنيه
- اوتوماتيك : 103000 جنيه

Hyundai Matrix Interior
http://autopistonmagazine.com/wp-con...x-interior.jpg

تسلم ياغالى ع الموضوع الجامد

ألف شكر يا باشمهندس علي الموضوع
و أحب أتكلم عن العربيه شويه من واقع الإستخدام من 2008
أولا : المميزات
1- وسع الصالون سواء للراكبين الأماميين أو في الخلف
2-إرتفاع وضعية القياده عن الأرض مما يساعد علي كشف الطريق
3-مساحات زجاجيه واسعه تتيح رؤيه جيدا جدا
4-عفشه ممتازه ناشفه لكن بتدي ثبات و إتزان رهيب و بالأخص في المنحنيات تحس إنك راكب هاتش باك عادي و العفشه بتستحمل جدا و العفشه الخلفيه ثنائية الوصلات
5-صاج العربيه تقيل في بعض المناطق
6-العربيه مزوده بعزل جيد سواء بين الموتور و الصالون أو بين الصالون و الشارع
7-الموتور مكفي العربيه و بيعمل رقم تسارع أقل من المعلن بثانيتن أو ثلاثه
8-الفتيس بدون مشاكل ود الأبواب و فرش الأرضيه
9-أماكن التخزين رائعه و منتشره في جميع أنحاء العربيه
10-الوصول للأزرار و مفاتيح الخيارات سهل
11-جلود الأبواب و الشنطه متينه جدا
12-فرش الأرضيه متين و قوي و متقفل جيدا لكن صعب التنضيف
13- مريحه في السفر
14-التكييف طبعا ممتاز في عز الحر بالنهار أخرك معاه السرعه التالته و الماكس بالليل أخرك واحد علي الماكس أو أتنين بدون الماكس
15-العربيه بتنزل بكاسيت دابل دن و ساوند سستم جيد و نقي إلي حد ما مع USB, Aux
16- المرايات ممتازه بتكشف جانبي الطريق بأقل ما يمكن من مساحات المناطق العمياء
17-الأضواء الأماميه ممتازه و الخلفيه واضحه و الفوج لايت بيقوم بدوره و أضواء التابلوه جيده و واضحه
18-أكثر سرعه جبتها كانت 165 و الثبات كان بيسمح بالتجاوز و الغرز المتوسطة الصعوبه دون شعور الركاب بالقلق
19-الصيانات حتي الأن من 2008 زيوت وسيور و طرمبة باور (طرمبة باور بسبب عبقرية مهندس أو فني الصيانه ركب سير أصغر من المقاس الموصي به)
20-سعر إعادة البيع جيد جدا جدا جدا
ثانيا العيوب :
1-خامات التابلوه و الأبواب من البلاستيك الخالص (غبور فقط _ لافيتا أفضل في الجزئيه دي)
2-وضعية التابلوه بالنسبه لي صعب معها متابعة جميع الوظائف إلا بالتعود
3-إستهلاك البنزين تحت الجيد مع التكييف بالنهار
4-الشنطه يادوب بتاخد شنطتين سفر من الحجم الصغير
5-الموتور كان المفروض يبقي عزمه أعلي من كده و بيخرج علي أر بي أم أقل من كده
6-العربيه بتنزل من غير مساند يد للركاب الأماميين
7-بدون خيار لوسائل الأمان
8-مش ممتعه في السواقه مريحه بعض الشئ لكن مش العربيه اللي تنده عليك علشان تسوقها
9-الشكل العام يميل إلي الحريمي أو البيتي (عربية بيت و أسره)
10- إنذار ملوش أي لازمه (تقريبا إنذار من شركة غريب) مفاتيحه بتتلف
11-بتنزل من غير جنوط اللافيتا و كاوتش سئ (غيرت لبريدجستون علي 45 ألف


مجملا العربيه جميله جدا لمن لديه أسره هايحبها و هاتريحه و ملهاش مصاريف أو عيوب شائعه كتقنيه
العربيه بتستحمل الإستخدام و مع إن خامتها بلاستيك إلا إنها لها ميزة سهولة التنظيف
العربيه بتنزل بأربعة زجاج كهربا - مرايات كهربا -فوج لايت -أماكن تخزين-فتيس أوتو أربع سرعات - نظام صوتي cd mp3 جيد بأربع سماعات
اللافيتا الكوري فيها كماليات أكثر فيها فرش جلد و أير باج و ساوند سستم أفضل مساحه خلفيه و نور أستوب خلفي بأسبويلر -جنط و كماليات كتير لكن الغالب منها هي المكنه الـ1500

لو إفتكرت أي جديد هاذكره إن شاء الله

مشكوررر علي مجهودك ..

شكرا علي التقرير

اقتباس:

---

المشاركة الأصلية كتبت بواسطة hossam99

ألف شكر يا باشمهندس علي الموضوع
و أحب أتكلم عن العربيه شويه من واقع الإستخدام من 2008
أولا : المميزات
1- وسع الصالون سواء للراكبين الأماميين أو في الخلف
2-إرتفاع وضعية القياده عن الأرض مما يساعد علي كشف الطريق
3-مساحات زجاجيه واسعه تتيح رؤيه جيدا جدا
4-عفشه ممتازه ناشفه لكن بتدي ثبات و إتزان رهيب و بالأخص في المنحنيات تحس إنك راكب هاتش باك عادي و العفشه بتستحمل جدا و العفشه الخلفيه ثنائية الوصلات
5-صاج العربيه تقيل في بعض المناطق
6-العربيه مزوده بعزل جيد سواء بين الموتور و الصالون أو بين الصالون و الشارع
7-الموتور مكفي العربيه و بيعمل رقم تسارع أقل من المعلن بثانيتن أو ثلاثه
8-الفتيس بدون مشاكل ود الأبواب و فرش الأرضيه
9-أماكن التخزين رائعه و منتشره في جميع أنحاء العربيه
10-الوصول للأزرار و مفاتيح الخيارات سهل
11-جلود الأبواب و الشنطه متينه جدا
12-فرش الأرضيه متين و قوي و متقفل جيدا لكن صعب التنضيف
13- مريحه في السفر
14-التكييف طبعا ممتاز في عز الحر بالنهار أخرك معاه السرعه التالته و الماكس بالليل أخرك واحد علي الماكس أو أتنين بدون الماكس
15-العربيه بتنزل بكاسيت دابل دن و ساوند سستم جيد و نقي إلي حد ما مع usb, aux
16- المرايات ممتازه بتكشف جانبي الطريق بأقل ما يمكن من مساحات المناطق العمياء
17-الأضواء الأماميه ممتازه و الخلفيه واضحه و الفوج لايت بيقوم بدوره و أضواء التابلوه جيده و واضحه
18-أكثر سرعه جبتها كانت 165 و الثبات كان بيسمح بالتجاوز و الغرز المتوسطة الصعوبه دون شعور الركاب بالقلق
19-الصيانات حتي الأن من 2008 زيوت وسيور و طرمبة باور (طرمبة باور بسبب عبقرية مهندس أو فني الصيانه ركب سير أصغر من المقاس الموصي به)
20-سعر إعادة البيع جيد جدا جدا جدا
ثانيا العيوب :
1-خامات التابلوه و الأبواب من البلاستيك الخالص (غبور فقط _ لافيتا أفضل في الجزئيه دي)
2-وضعية التابلوه بالنسبه لي صعب معها متابعة جميع الوظائف إلا بالتعود
3-إستهلاك البنزين تحت الجيد مع التكييف بالنهار
4-الشنطه يادوب بتاخد شنطتين سفر من الحجم الصغير
5-الموتور كان المفروض يبقي عزمه أعلي من كده و بيخرج علي أر بي أم أقل من كده
6-العربيه بتنزل من غير مساند يد للركاب الأماميين
7-بدون خيار لوسائل الأمان
8-مش ممتعه في السواقه مريحه بعض الشئ لكن مش العربيه اللي تنده عليك علشان تسوقها
9-الشكل العام يميل إلي الحريمي أو البيتي (عربية بيت و أسره)
10- إنذار ملوش أي لازمه (تقريبا إنذار من شركة غريب) مفاتيحه بتتلف
11-بتنزل من غير جنوط اللافيتا و كاوتش سئ (غيرت لبريدجستون علي 45 ألف


مجملا العربيه جميله جدا لمن لديه أسره هايحبها و هاتريحه و ملهاش مصاريف أو عيوب شائعه كتقنيه
العربيه بتستحمل الإستخدام و مع إن خامتها بلاستيك إلا إنها لها ميزة سهولة التنظيف
العربيه بتنزل بأربعة زجاج كهربا - مرايات كهربا -فوج لايت -أماكن تخزين-فتيس أوتو أربع سرعات - نظام صوتي cd mp3 جيد بأربع سماعات
اللافيتا الكوري فيها كماليات أكثر فيها فرش جلد و أير باج و ساوند سستم أفضل مساحه خلفيه و نور أستوب خلفي بأسبويلر -جنط و كماليات كتير لكن الغالب منها هي المكنه الـ1500

لو إفتكرت أي جديد هاذكره إن شاء الله

---

اختلف مع معاليك في ثباتها فقط .... بحس انها خاصة في مطبات الهوا بتعوم او ما تحسش انها لازقة في الارض !!!!

و احب ازود على كلام معاليك عن تجربة بما اننا معانا ال 2006 غبور و ال 2006 خليجي مستوردة ان المواصفات الخليجي تفوق بمراحل الكوري المسمى ب " لافيتا " و طبعا الخليجي 1600 سي سي ...

و دي مقارنة بسيطة كنت كاتبها في موضوع اخر بالمنتدى نقلتهالكم هنا :

الحمد لله صاحب

معرض نصحني اركب ماتريكس خليجي لما عرف اني بشتم في الماتريكس 2006 اللي معانا

من حيث انها عربية تقفيل زبالة بمعنى الكلمة و عفشة بتخبط من ورا لان الجزء الخلفي في الماتريكس

فاضي كما هو معروف فتحس انها عفشة خفيفة فضلا عن عدم الثبات في مطبات الهوا ...

المهم ... سمعت كلامه و دخلت على موقع كنتاكت كارز قسم المستعمل في الماتريكس الخليجي

و وقعت واحده حالة شاذه من بره و جوه و اول يد و رخصة ل2014 و اتصدمت لما شوفت الحاجات

اللي هبور " غبور " شايلها من المصري !!!!!!!!!!!!!!!!!!!

و طبعا علشان معانا 2006 مصري فحافظ الفروقات مقارنة ب 2006 الخليجي اللي جبتها ..

مبدأيا الخليجي : فتحة سقف _ سبويلر خلفي _ مساحة خلفية _ تكييف خليجي جباااااااااااار جدا

ماشاء الله " و انسى اي حد يقولك ما تكييف المصري معايا حلو اهو " _ كرسي السائق بمخدع

و 2 بكره هيدروليكي لتغيير وضعية الكرسي _ دراع في جنب ضهر كرسي السائق لنفخه او تفريغه

من الاسفنج حسب ارتياح نهاية عمودك الفقري _ مخدع خلفي في الكنبة به 2 حامل كوباية _ ريموت

اصلي كوري مختلف عن المصري و به فصل كهرباء السيارة منعا من سرقتها و لو بالمفتاح الاصلي _

و جود اباجورة امامية مع زراير فتحة السقف مقسمة لاضائتين تفتح كل جنب لوحده _ بعد نزع المفتاح

من الكونتاك تظل كهرباء في السيارة لقفل الزجاج المفتوح بها ان نسيت _ مع فتح السيارة بالريموت

يضاء الصالون بالكامل بالاضافة لدائرة خضراء حول الكونتاك لتراه في الظلام _ ماكنة الخليجي غير تماما

عن غبور المصري حيث ان غبور اعتمد ماكنة الفيرنا والماتريكس واحده !!!!!!!!

عند نزولك من السيارة و ان كان الموتور ما زال ساخنا لا تنطفيء مروحة التبريد الا بعد تبريد المحرك

كما يحدث في الاسكودا و الالماني !!!!! و ده طبعا مش موجود في الكوري او الياباني !!!!!!!

بص انا مش عارف احصر ايه كمان بس ده اللي فاكره و و الله بتعامل معاها كاني معايا موبايل جديد

و كل يوم بكتشف اوبشن جديد مع نفسي ... طب استنى افتكرت حاجة كمان :

السنتر بتاعها بيقفل اتوماتيك بعد ال 45 من السرعة و استحالة لو العربية معدية السرعه دي

حد من العيال يعرف يفتح الباب او السنتر يعني !!!!!!!!!!!!!!!!!

فنصيحة من مجررررررررررب ربنا يبارك لك و فكر في اي موديل انت عاوزه بس خليجي خليجي خليجي

و كمان اخويا كان جاي اجازة من السعودية فلما شافها قالي تصور اني شوفت دكتور زميلنا في السعودية جاب ماتريكس اول ما نزل السعودية فما اتكلمتش معاه و قلت جايز جاي من مصر متأثر بالسوق المصري ؟؟؟ بس دلوقت انا عرفت هو مستمتع ازاي !!!!! و كان صعبان عليا علشان تكييفها مش هياكل معاه في حر الخليج و اتاري التكييف قصة تانية لوحده غير المصررررررررررررري

و حاجة افتكرتها : لو نزلت فرامل اليد مش للاخر بس العربية ممكن تمشي 5 ثواني و تلاقي جرس الباب مفتوح اشتغل و هو يعني تنبيه لاكمال تنزيلك لفرامل اليد كليا !!!!!

و في الخليجي كمان فيه زرار في الماكينة مقابل الدركسيون يفصل وصول البنزين للعربية لو لا قدر الله حصل صدمة قوية حفاظ على عدم حدوث حريق ... و لو كانت الخبطة تسمح لك تمشي بالعربية فما عليك الا انك تدوس على الزرار ده و العربية تشتغل فور !!!!

و العفشة الخليجي و الله تقيلة بشكل و بتبان و العربية فاضية في مطب هوا جامد ... بتحس ان في بلدورة اسمنت في الشنطة ,و لو حد راكب ورا ما تلاقهوش طار في السقف او حس بالمطب ....

و لما اكتشف و اتعلم حاجة جديدة هضيفهالكم في نفس الموضوع ده ان شاء الله :))

و ربنا يبارك و يرضي الجميع بما قسمه له :)

أستاذي seri0us
أولا مبروك علي حضرتك الماتريكس و يا رب دايما تبقي مبسوط منها
ثانيا بالنسبه للثبات إحنا لازم ناخد بالنا من حاجه ألا و هي طبيعة تصميم العربيه ....العربيه عالية عن الأرض و عالية ككل و بالتالي لازم نقارن الثبات بثبات الماركات الأخري من نف الفئه ..يعني مش مطلوب منها و لا من فئتها إنها تؤدي نفس أداء العربيات اليدان من حيث الثبات
و مع ذلك لم تواجهني مشكلة التعويم أبدا و الحمد لله العفشه عندي مفيهاش أي مشكله و الماعدين و السوست بحالتهم ...فبالتالي لازم حضرتك تكشف علي المساعدي و السوست الخلفيه و بالأخص السوست
(أكشف علي العربيتين ....أو جرب ماتريكس تانيه )
بالتوفيق

اقتباس:

---

المشاركة الأصلية كتبت بواسطة HOSSAM99

أستاذي seri0us
أولا مبروك علي حضرتك الماتريكس و يا رب دايما تبقي مبسوط منها
ثانيا بالنسبه للثبات إحنا لازم ناخد بالنا من حاجه ألا و هي طبيعة تصميم العربيه ....العربيه عالية عن الأرض و عالية ككل و بالتالي لازم نقارن الثبات بثبات الماركات الأخري من نف الفئه ..يعني مش مطلوب منها و لا من فئتها إنها تؤدي نفس أداء العربيات اليدان من حيث الثبات
و مع ذلك لم تواجهني مشكلة التعويم أبدا و الحمد لله العفشه عندي مفيهاش أي مشكله و الماعدين و السوست بحالتهم ...فبالتالي لازم حضرتك تكشف علي المساعدي و السوست الخلفيه و بالأخص السوست
(أكشف علي العربيتين ....أو جرب ماتريكس تانيه )
بالتوفيق

---

شكرا لمعاليك على مرورك الرائع ... بس الثبات اللي مش عاجبني في بتاعت غبور فهي مع والدتي و مش بتجري و ماحدش بيركبها غيرها فمش فارقة معايا ..

اما بالنسبة للخليجي اللي معايا ثباتها اكثر من رائع و متمزج منها الحمد لله ...

بس كنت عاوز الفت انتباهك " حضرتك " لحاجة :

الوكيل المصري هو اللي بيعملها و هي انه بيرفع اي عربية بيجبها سواء هيونداي او تويوتا او ميتسوبيشي ...

فعن تجربة الخليجي اللي معايا اوطى بطريقة ملحوظة عن المصري اللي مع والدتي ..

و عديلي معاه في السعودية لانسر قرش لما جه مصر في اجازة قالي هي اللانسر اللي هنا غريبة عن بتاعتي ليه ؟؟؟
فانا عارف هو حاسس بايه فرق مش عارف يعبر عنه لانه دكتور و مش بيركز في الكلام ده ..
فاللي حاسه طبعا ارتفاع المصري عن عربيته السعودي و فرق البوية من لمعة و انها بوية او طلاء اسمك او اتقل و بعناية فائقة ليناسب الشمس الحارقة ...

و على فكرة الفروقات دي كمان بتبان في مصر بين ال ls و ال gls من نفس الموديل او ال lx و ال glx من نفس الموديل ...
و كانت ملاحظها في الفليشيا اللي كانت معايا lx و مع صاحبي glx ..
و لاحظتها في الاكسنت اللي كانت معايا gls و اللي مع اخويا ls !!!!!