الموضوع: زيت بدل المياه للتبريد

المشاركة الأصلية كتبت بواسطة shamsman

بخصوص لزوجة الزيت انا معك فى الراى ان الزيت سوف يكون اكثر لزوجة وبالتالى اصعب فى الحركة.

هو مش اصعب... هو اقرب للمستحيل بالطلمبة العادية بتاعت المية

اما بالنسبة ان الماء العذب افضل سائل تبريد اختلف معك حيث ان الزيت يرتفع درجة حرارته بكم اقل من الحرارة ولكن فى المقابل تنخفض درجة حرارته سريعا بابسط تبريد .

مهى هى دى النقطة... الزيت حترتفع درجة حرارتة بسهولة جدا و حيبقى صعب انه يبرد الموتور لان اقل قدر حرارة حيرفع درجة حرارتة للغليان بسرعة شديدة

وبخصوص التكلفة فان الزيت سوف يوضع مرة واحدة فقط ( الماء يعاد تزويده وتغييره كل فترة

طيب هى الميه حتنقص و الزيت لا؟؟؟ يعنى لو فيه تسريب فى دورة التبريد الزيت مش حيتسرب؟؟؟ و الزيت مش حيتعرض للتبخير زيه زى الميه؟... بالعكس دا الزيت حينقص اكتر لانه حيسخن جامد اكتر من الميه و حيبقى قريب من درجة الغليان مدة اطول بكتير من المية و بالتالى الفاقد اكبر بكتير

وتظهر المشكلة فى المناطق الصحروية حيث ندرة الماء)

يا راجل يا طيب... يعنى فى الصحراء حيبقى فيه ندرة فى الميه و وفر فى زيت التبريد؟؟؟؟؟؟؟؟؟؟؟؟

وايضا الزيت سوف يقى موتور السيارة والرادياتير من الصدا والانسداد وهذه المميزات تعوض فارق التكلفة

نفس المميزات موجودة فى سائل مياه التبريد (مش ميه الحنفية يعنى) و بعدين هو لتر زيت التبريد بكام؟؟؟
لما نحسب ان جركن الميه الخضراء ماركة IADA ب25 جنية و فيه 5 لتر يبقى لتر المبرد بخمسة جنية

حنعتبر زيت التبريد خفيف زى زيت الباكم مثلا و علبة زيت الباكم الربع لتر فى موبيل ب 9 جنية... يبقى اللتر ب 36 جنية يبقى ال5 لتر ب 180 جنية

يعنى فى عربية زى اللنوس حتحتلها زيت تبريد ب 252 جنية (7 لتر) في حين انك ممكن تجيب جركنين 5 لتر ب 50 جنية و تحط 7 لتر من العشرة و يبقى معاك 3 لتر احتياطى ليك و للزمن و الازمنة المقبلة كمان

زيت التبريد بيستخدم فى حاجات معينة فقط زى محولات الكهرباء الكبيرة و كدة لكن مش عملى خالص فى العربيات

MMamdouh