الجهاز تركيبه اسهل من الانذار العادي والتركيب من ربع ساعه لساعه
بدون فكل الطابلوه
فعلا في جهاز سعره من 800 ل 1200 جنيه
واكيد انت بتتكلم عن النوع TK103 الي موجود فالصوره
http://www.my800line.us/uploaded_ima...148-727150.jpg
مش هتكلم عن فرق الجوده لان اكيد شهادتي مجروحه
في فرقين اساسيين بين الجهاز دا والجهاز الي بنتكلم عنه
1- المتابعه فالنوع TK103 بتكون عن طريق رسائل sms فقط وعيب التتبع عن طريق الرسائل اولا التتبع عن طريق الرسائل مكلف جدا نفرض انك محتاج تتبع العربيه 5 مرات فقط فاليوم فالتكلفه فاليوم 3 جنيه وفالشهر 90 جنيه على اعتبار ان التتبع هيكون 5 مرات بس
ثانيا التتتبع عن طريق الرسائل يكون لحظيا فاللحظه الي بترسل للجهاز رساله بيرد عليك بالاحداثيات بتروح على خرائط جوجل تدخل الاحداثيات فتعرف مكان العربيه
فنفرض مثلا انك اتكتشفت سرقه السيارات بعد 5 ساعات وكانت العربيه اتسرقت واتخفت فجراج مفهوش تغطيه !!!
واذا كان له موقع على الانترنت للمتابعه فالموقع بيكون غير مجاني او مجاني اول سنه فقط
2- زي ما واضح بالصوره الجهاز له 2 اريل ( Antenna ) خارجيه بالاضافه الي اسلاك الجهاز
طبعا كل الاسلاك والوصلات دي ممكن ترشد الحرامي اذا كان محترف على مكان الجهاز
اهلا بيك يا باشمهندس خالد .. نورت الموضوع و منتظرين ان شاء الله التعاقد مع ادارة المنتدي عشان في اعضاء كتير بيبعتوا لي علشان عايزيين يركبوا الجهاز لكن طبعا انت انسان محترم و بتحب تتبع النظام و انا عرفت منك ان في مفاجأت هتعملها للاعضاء و مش هقولها علشان محرقهاش دلوقتي :) و ان شاء الله منتظرينك بعد العيد بموضوعك الاعلاني
الف مبروك .. الموضوع ده منتشر و ناس كتير من صحابي مركبينه .. بس محدش بيقول.
الله يبارك فيك يا كريم .. عندك حق فعلا الناس مش بتقول عشان محدش يعرف :))))))
ربنا يحفظلك عربيتك من كل سوء
بس زي ما هانستخدم جهاز متطور لحماية السياره من السرقه اكيد متخصصي سرقة السيارات الحديثه متطورين وهايستخدموا امكانيات مضاده زي مثلا جهاز للتشويش على الجي بي اس والمحمول وهنا يتم قطع التواصل بين السياره ومالكها وتنجح عملية السرقه بإحترافيه وبعدها يتم البحث داخل السياره عن جهاز الجي بي اس ويتم فصله أو إتلافه وفي الحاله دي يبقى لا يُعتمد عليه نهائيا إلا اذا كان الجهاز يعمل على اشارة الثري جي فيصعب التشويش عليه .
واعتذر على الإطاله
متابع الموضوع الممتاز وفي انتظار مزيد من المعلومات
الف مبروك ويارب ما تحتاج الجهاز يتصل بيك خالص