مفاجأه كيا سبورتاج 2013 ... غليت !!!

اخر دفعه نزلت من الاسبورتاج
كانت موديل 2013
طبعا جميل جدا انه نازل بدرى مقارنه بباقى الماركات والموديلات سواء المنافسه
او المقاربه لها فى الفئه السعريه
يعنى لو قولنا القشقاى مختفيه من السوق الا نادر وده فى الغالب عشان بعد العيد ينزل موديلات 2013 بس لسه مفيش اى تفاصيل عنها خالص
البيجو ال5008 موديلات 2012 وطبعا انسى 13 دلوقتى خالص او على الاقل بعد شهر اكتوبر السوبارو ال XV موديلات 2012
فالجميل جدا ان الاسبورتاج سابقه ده حتى سابقه موديلات كيا الاخر من سيراتو وسول وكارينز والكلام ده كله ...
المهم بئى ان الى مش لذيذ ان سعر العربيه غلى :hitwall3:
او بمعنى اصح الاوفر برايس زاد ... :L_bhuhhh[1]:
الفئه الاولى بقت ب 190 الف بدل 187 الف
الفئه التانيه بقت 206 الف بدل من 202 والف
الفئه الاخيره كانت بتتباع ب 230 الف زادت فى نص 2012 ل 235 الف لما الى موجود قل .. وفى 2013 بقت 240 الف جنيه ... :angry26:
-----
طبعا مفيش اى اختلافات خالص غير ليدات الفوانيس فى الفئه الثانيه بقت ورا وقدام .. ولسه باقى الفئات مشوفتهاش بس مفتكرش انه فيها اختلاف عن 2012 ...
-----------------------
طبعا الاسعار غليت اوى خصوصا الفئه الاخيره انت كده قربت من ال captiva بعد التخفيض الاخير ليها .. قربت من ال X1 اه فرق عالى شويه بس ممكن يتقسط وطبعا اختلاف كلى وجزئي بين العربيتين سواء البى ام والاسبورتاج او الكابتيفا والاسبورتاج
سواء مواتير أو حجم أو امكانيات
عايز اسمع الاراء فى الهبل الى بيحصل ده ؟؟؟

وكل عام وانتم بخير

مشكورررر يا باشا
بس طبعا حاجة تضايق بصراحة ..

في الأول شكرااا يا غزالي على الموضوع و تفاصيل الاسعار....

طبعاً السعر غالي عليها جدااا و خصوصاً انها 2×4 مش 4×4

عن نفسي لو هشتري suv و هختار من الشريحة دي... هجيب كابتيفا
و خصوصاً بعد ما عملت تست درايف للسبورتاج و ماعجبتنيش قوي بصراحة..!!!!

شكراً على الموضوع مرة تانية يا باشا... تحيــاتي

x1 عاملة كام دلوقتى ياغزالى

لما دى ب 240 وال x1 ب 290 يبقى انهى احسن !!

المشكله مش ان العربيه غليت , المشكله فى الاوفر برايس الغريب

يعنى لما الوكيل يغلى العربيه من 3 ل 5 الاف جنيه فى الموديل الجديد , عادى شئ متعودين عليه مع انه غلط لكن هو بيستغل الطلب الكبير على العربيه

لكن اللى بيدفعوا من 15 الف الى 25 الف عشان يستلم فورى !!! هما دول اللى مبوظين الدنيا

اقتباس:

---

المشاركة الأصلية كتبت بواسطة hosam_optrawy

المشكله مش ان العربيه غليت , المشكله فى الاوفر برايس الغريب

يعنى لما الوكيل يغلى العربيه من 3 ل 5 الاف جنيه فى الموديل الجديد , عادى شئ متعودين عليه مع انه غلط لكن هو بيستغل الطلب الكبير على العربيه

لكن اللى بيدفعوا من 15 الف الى 25 الف عشان يستلم فورى !!! هما دول اللى مبوظين الدنيا

---

للأسف مش عارف الناس بتهون عليها ازاى ترمي 15 و 20 الف كده فى الارض !! ده انا لو لاقي الفلوس دى في الشارع والله ماهروح ارميهم كده !

حتى لو انا محتاج عربية كنت جبت اى عربية مستعملة بالفلوس دى تمشينى ال 6 شهور دول ولو جيت بعتها مهما خسرت مش هخسر 10 تلاف جنيه حتى !

فعلا زى ما الأستاذ / حسام قال المشكلة مش ارتفاع ثمن السيارة الأصلى المشكلة تكمن فى الأوفر برايس المبالغ فيه والناس مش فرقه معها
وبعدين لما اقارن عربية بآخرى المفروض اقارنها بسعرها الرسمى مع كل تقديرى واحترامى لساده زملاء المنتدى
علشان موضوع الأوفر بريس ده بيبقى موضوع وقتى أو عرضى لاأكثر لأن العربيه سعرها مناسب بالمقارنة بالأسعار الموجوده فى الوقت الحالى - وفى مصر عمتا اسعار العربيات مبالغ فيها جدا بسبب الجمارك وده شئ كلنا عرفينه
وارجع لموضع الأستاذ / غزالى بالنسبة للفئة الثانية السعر الرسمى زاد 4 ألاف جنيه صحيح ولاكن خد بالك من لاكن ديه حط فى العربية فوانيس امامية ليدات يعنى حطها بنصف سعرها - فبرافو كيا
يعنى انا جاهز دلوقتى ادفع 4000 واستلم عدد 2 فانوس ليدات ولاكن للأسف المبلغ ده أقل من ثمن الفانوس الواحد بس الليدات بصراحة فى السبورتاج بالذات بتغير شكل العربية تماما-

وباء الافربرايس امتد للمستعمل من العربيات كسر زيرو كمان زى السبورتاج و القشقاى. فى ناس بتبيع كسر الزيرو اللى كان باوفر برايس بالاوفربرايس. يعنى اخترعوا سعر جديد للعربيه :angry26:

يا خسارة ... كنت باحوش علشان اجيبها ...

كده ما فيش امل يا غزغز .... :shine[1]:

الف شكر ليك يا باشا على الخبر

لماانها زادت كده

يبقى اروح اشتريلى الشيفورليه كابتيفا احسن

اقتباس:

---

المشاركة الأصلية كتبت بواسطة ahmed_su

يا خسارة ... كنت باحوش علشان اجيبها ...

كده ما فيش امل يا غزغز .... :shine[1]:

---

يا ايها الإستشارى العظيم
توكل على الله واحجز وقدامك فترة محترمة علشان الإنتظار فيه مكسب كبير غير انك بتشترى بالسعر الرسمى وهو انك بتأكد لنفسك انك موفق فى الأختيار يعنى مفيش تراجع علشان فى الفترة دية بتكون شبعت دراسة وتفكير وبتبعد عن التردد الذى دائما يلاحقنا

مش مكيفني وانا بقرا الموضوع ده
الا ان العربي بتاعك اتحسن يا غزالي هههههه

اقتباس:

---

المشاركة الأصلية كتبت بواسطة ghazy12

في الأول شكرااا يا غزالي على الموضوع و تفاصيل الاسعار....

طبعاً السعر غالي عليها جدااا و خصوصاً انها 2×4 مش 4×4

عن نفسي لو هشتري suv و هختار من الشريحة دي... هجيب كابتيفا
و خصوصاً بعد ما عملت تست درايف للسبورتاج و ماعجبتنيش قوي بصراحة..!!!!

شكراً على الموضوع مرة تانية يا باشا... تحيــاتي

---

يا غزغز يا كبير ... لا شكر على واجب
ومنطقيا اجيب الكابتيفا ماتور اكبر وحجم اكبر واوبشن اعلى بمراحل ...
او اجيب البيجو ال 5008 او 3008 او السوبارو ال XV
-----
على فكره موضوعنا شغال بس الراجل تقريبا سافر بعد العيد بئى

اقتباس:

---

المشاركة الأصلية كتبت بواسطة medo_sirion

x1 عاملة كام دلوقتى ياغزالى

---

موجوده واحده هاى لاين يا ميدو ام 335 الف جنيه الى فيها سقف بانورما

اقتباس:

---

المشاركة الأصلية كتبت بواسطة zangry

لما دى ب 240 وال x1 ب 290 يبقى انهى احسن !!

---

انت بتسئل يا باشا .. اكيد ال X1 على الرغم من انك لو ركبتها مش هاتعجبك خالص اللهم انها ماتور 2.0 تربو و BMW غير كده هاتحس انها 320 بس كبيره

اقتباس:

---

المشاركة الأصلية كتبت بواسطة Hosam_Optrawy

المشكله مش ان العربيه غليت , المشكله فى الاوفر برايس الغريب

يعنى لما الوكيل يغلى العربيه من 3 ل 5 الاف جنيه فى الموديل الجديد , عادى شئ متعودين عليه مع انه غلط لكن هو بيستغل الطلب الكبير على العربيه

لكن اللى بيدفعوا من 15 الف الى 25 الف عشان يستلم فورى !!! هما دول اللى مبوظين الدنيا

---

صح كلامك يا حس ... وفعلا احنا الى نستاهل بس نرجع ونقول اننا لو فكرنا شويه فى العربيه قبل ما نجبها ونقر عنها هنلاقى منافيسين كتير فى نفس السعر واحسن مليار مره منها .. بس مشكلتنا واحد جاب الاسبورتاج وعجبته .. هوب تلاقى كله وراه ... وبرضو التفكير فى سعر اعاده البيع كمان 95 سنه هايكون عامل ايه دى نقطه مستفزه برضو انت جايب عريبه تركبها ولا لما تيجى تبعها كمان الله اعلم كام سنه هاتجيب كام .. خد اخر حاجه بئى عشان تحرق دمك الاوفر برايس فى الاخيره بيوصل ل 30 الف جنيه !!!

اقتباس:

---

المشاركة الأصلية كتبت بواسطة mmbadroo

فعلا زى ما الأستاذ / حسام قال المشكلة مش ارتفاع ثمن السيارة الأصلى المشكلة تكمن فى الأوفر برايس المبالغ فيه والناس مش فرقه معها
وبعدين لما اقارن عربية بآخرى المفروض اقارنها بسعرها الرسمى مع كل تقديرى واحترامى لساده زملاء المنتدى
علشان موضوع الأوفر بريس ده بيبقى موضوع وقتى أو عرضى لاأكثر لأن العربيه سعرها مناسب بالمقارنة بالأسعار الموجوده فى الوقت الحالى - وفى مصر عمتا اسعار العربيات مبالغ فيها جدا بسبب الجمارك وده شئ كلنا عرفينه
وارجع لموضع الأستاذ / غزالى بالنسبة للفئة الثانية السعر الرسمى زاد 4 ألاف جنيه صحيح ولاكن خد بالك من لاكن ديه حط فى العربية فوانيس امامية ليدات يعنى حطها بنصف سعرها - فبرافو كيا
يعنى انا جاهز دلوقتى ادفع 4000 واستلم عدد 2 فانوس ليدات ولاكن للأسف المبلغ ده أقل من ثمن الفانوس الواحد بس الليدات بصراحة فى السبورتاج بالذات بتغير شكل العربية تماما-

---

معلش مع كامل احترامى انت ليه تقارن عربيه بسعرها الرسمى وانت اصلا بتشتريها اغلى بكتير من سعرها الرسمى .. وطبعا الغلو ده دخلك فى شريحه تانيه وعريبه يكمن تكون اعلى واحسن منها .. وده مش تقليل من الاسبورتاج ولكن الحلو فى احلى منه ... وخصوصا لما بتيجى لفرق المواتير وحجم العربيه
ومعلومه اخيره لحضرتك الفوانيس الليدات من كيا كوريا الاصلين والجوز الخلفى ليدات كامله فى الاشاره ولمبه الاستوب وال R الفانوس كله ليدات مش الاستوب بس زى الى موجود فى مصر ب 2000 جنيه للجوز ... :w6266d يعنى مش برافو كيا خالص
لا ده عيب عليك يا EIT ... لان الاول والاخيره غلو بدون اى وجه حق

اقتباس:

---

المشاركة الأصلية كتبت بواسطة SHNORY

مش مكيفني وانا بقرا الموضوع ده
الا ان العربي بتاعك اتحسن يا غزالي هههههه

---

طيب اهم حاجه انك اتكيفت وظبط مزاجك يا كبير بحرى :w6266d

اقتباس:

---

المشاركة الأصلية كتبت بواسطة ahmed_su

يا خسارة ... كنت باحوش علشان اجيبها ...

كده ما فيش امل يا غزغز .... :shine[1]:

---

اوبا لا احنا نحرجم على واحده من دلوقتى طيب يا سو .. ولا نروح نقلبك كيا كلها ونجبلك واحده ولا تيجى على نفسك وتركب بى ام :error404:

اقتباس:

---

المشاركة الأصلية كتبت بواسطة الغزالى

معلش مع كامل احترامى انت ليه تقارن عربيه بسعرها الرسمى وانت اصلا بتشتريها اغلى بكتير من سعرها الرسمى .. وطبعا الغلو ده دخلك فى شريحه تانيه وعريبه يكمن تكون اعلى واحسن منها .. وده مش تقليل من الاسبورتاج ولكن الحلو فى احلى منه ... وخصوصا لما بتيجى لفرق المواتير وحجم العربيه
ومعلومه اخيره لحضرتك الفوانيس الليدات من كيا كوريا الاصلين والجوز الخلفى ليدات كامله فى الاشاره ولمبه الاستوب وال r الفانوس كله ليدات مش الاستوب بس زى الى موجود فى مصر ب 2000 جنيه للجوز ... :w6266d يعنى مش برافو كيا خالص
لا ده عيب عليك يا eit ... لان الاول والاخيره غلو بدون اى وجه حق

---

طيب بعيد عن الكلام ده اقدر اشترى الفوانيس دىة إزاى بالسعر ده
وبعدين بصراحة يأستاذ غزالى انت إذ فجآتا قلبت على العربية ديه بالرغم من انك كنت من أول المعجبين بيها ومن الناس إل شجعونا عل الإستمرار فى الحجز - و خلى بالك أنا ديما بحب تغيير العربية يعنى سنتين ثلاثة بس أعتقد السبورتاج مش هتسمحلى أعمل الموضوع ده لأنها فعلا سيارة بالشكل ده وبالسعر ده تشبع غرورك

الاسعار نار يارب ارفع قيمة الجنية المصري بقي

اقتباس:

---

المشاركة الأصلية كتبت بواسطة mmbadroo

طيب بعيد عن الكلام ده اقدر اشترى الفوانيس دىة إزاى بالسعر ده
وبعدين بصراحة يأستاذ غزالى انت إذ فجآتا قلبت على العربية ديه بالرغم من انك كنت من أول المعجبين بيها ومن الناس إل شجعونا عل الإستمرار فى الحجز - و خلى بالك أنا ديما بحب تغيير العربية يعنى سنتين ثلاثة بس أعتقد السبورتاج مش هتسمحلى أعمل الموضوع ده لأنها فعلا سيارة بالشكل ده وبالسعر ده تشبع غرورك

---

ولحد دلوقتى بحبها .. بس لما توصل لسعر ال 240 الف جنيه .. وتقرب من عريبه اكبر منها فى الحجم والماتور يبئى العقل والمنطق بيقول ايه خصوصا ان مثلا الكابتيفا مش حاجه تعبانه خالص .. ولحد دلوقتى لو هاتستنى على الحجز وتصبر .. هاتبئى احلى جدا فى حدود السعر ده خصوصا ان المنافس الشرس بتاعها الى هوا القشقاى اصغر منها فى الحجم ... والسوبارو شبه ميته والبيجو مش اى حد بيحبه .. يعنى من الاخر لو سعرها تظبط مش هايكون فى منافس ليها خالص
-----
الكشافات دى انت ممكن تكلم احمد الى معاه الاسبورتاج هوا يقولك جابهم بكام بالظبط من بره وازاى جابهم ... وممكن تشتريهم من ebAY او امزون وتشحنهم لمصر

بصراحه العربيه دي تصميمها في الجون وشكلها شيك قوي ويغري أي حد انه يشتريها بس المشكله ان الشكل بيتمتع بيه الناس اللي بره العربيه مش اللي جواها :d يعني أنا عندي كارينز 2012 هاي لاين بس لما بشوف حد معدي جبني بكارين ببحلق فيها على قد ما أقدر - مانا مش بشوف عربيتي وهيه ماشيه يا جدعان :d

بالمناسبة إيه أحسن حد نحجز من عنده العربية قبل ما تغلي تاني

يا جماعة انتو بتتكلمو فى حوالى 50.000 واكتر كمان فرق بينها وبين الكابتيفا وده فرق مش صغير خالص يعنى الواحد ممكن يفكر انو يصبر ويزود 10.000 او 20.000 مش يقول انو يزود 50.000 ويجيب الاحسن

اقتباس:

---

المشاركة الأصلية كتبت بواسطة a7med_5lil

يا جماعة انتو بتتكلمو فى حوالى 50.000 واكتر كمان فرق بينها وبين الكابتيفا وده فرق مش صغير خالص يعنى الواحد ممكن يفكر انو يصبر ويزود 10.000 او 20.000 مش يقول انو يزود 50.000 ويجيب الاحسن

---

الكلام على ان السبورتاج بيندفع فيها لحد 20 الف اوفر برايس يعنى تدخل فى 235 هاى لاين طب موصلهم 260 واجيب كابتيفا وأدخل فى مستوى تاني خالص.

يا حبيبي مش في ناس بتشتري يبقى ليهم حق يعملوها ب 300 الف مش ب 240

مين يقول ان كل الاسبورتاج اللي في الشارع دي ما فيش ولا واحده متباعه بسعرها الاصلي

ليهم حق يعملوا اكتر من كده كمان وما حدش يلومهم

اقتباس:

---

المشاركة الأصلية كتبت بواسطة BassamHafez

يا حبيبي مش في ناس بتشتري يبقى ليهم حق يعملوها ب 300 الف مش ب 240

مين يقول ان كل الاسبورتاج اللي في الشارع دي ما فيش ولا واحده متباعه بسعرها الاصلي

ليهم حق يعملوا اكتر من كده كمان وما حدش يلومهم

---

خد الجديد بئى واسعار السوق النهارده ...
فئه اولى من 191 : 192 الف
فئه تانيه ب 210 : 211 الف
فئه تالته ب 238 : 239 الف :wound13:

اقتباس:

---

المشاركة الأصلية كتبت بواسطة walid tageldine

بالمناسبة إيه أحسن حد نحجز من عنده العربية قبل ما تغلي تاني

---

معلش انا اسف .. على التأخير فى الرد بس انا لسه واخد بالى من كلامك دلوقتى .. وعلى العموم ممكن تحجزها من خلالى .. معرض الاحمدى

اقتباس:

---

المشاركة الأصلية كتبت بواسطة a7med_5lil

يا جماعة انتو بتتكلمو فى حوالى 50.000 واكتر كمان فرق بينها وبين الكابتيفا وده فرق مش صغير خالص يعنى الواحد ممكن يفكر انو يصبر ويزود 10.000 او 20.000 مش يقول انو يزود 50.000 ويجيب الاحسن

---

اقسطهم على سنه مش هايعملوا ايى مشكله خالص بس اجيب عريبه اعلى بكتير فى كل حاجه

اقتباس:

---

المشاركة الأصلية كتبت بواسطة ahmed_adham

الكلام على ان السبورتاج بيندفع فيها لحد 20 الف اوفر برايس يعنى تدخل فى 235 هاى لاين طب موصلهم 260 واجيب كابتيفا وأدخل فى مستوى تاني خالص.

---

بالظبط كده .. يا استاذ احمد

عربية ماتساويش السعر ده خالص دا انت تستلمها زيرو و الكاوتش اللى فيها عايز يتغير عشان صينى و الجنوط مقاسها مش مظبوط يعنى حتصرف عليها حوالى 10000 جنيه بالأسعار دى الواحد يشوف الأوروبى او حتى اليابانى الأمل بقى فى الكارينز الجديدة لما نشوف

هههههههههههههههههه اللى يعيش ياما يشوف
يظهر والله اعلم ان كيا وهيونداى عاوزين يعملوا قرشين كويسين على حسابنا !!!
على فكرة سعر العربية تقريبا زاد رسميا فى كل الاسواق
انا شارى عربيتى فئة ثانية فى ابريل 2012 فى السعودية وكان سعر الفئة الثالثة وقتها 90 الف ريال لل2000 سى سى و95 ال ريال لل2400 سى سى
ودلوقت باسأل على الاسعار لقيت الهايلاين وصلت ل94 و101 الف ريال !!!
واول فئة الستاندارد كمان زادت بحوالى 2-3 الاف ريال
لكن الفئة اللى معايا لسه بنفس الاسعار بس مش متوفرة هههههههههه
اما نشوف لما تتوفر هاتبقى بكام ؟