الموضوع: الغاء علبه الفحم(البيئه)

المشاركة الأصلية كتبت بواسطة Elawany13

خد بالك .. محدش يسرقك
علبة البيئة البايظة بفلوس
الفحم بيتباع وغالى
وفيه ماده جوه بتتباع بالجرام زى الدهب
بلاتينيوم تقريبا
ممكن تبيع الحاجات ديه وتكمل عليها وتشترى علبة بيئة سليمة

+111111111

علبة البيئة فعلا غالية سواء جديدة او مستعملة

او حتى لو بايظة !! ؟ محتويات علبة البيئة غالية جدا

بالنسبة لانك تشيل علبة البيئة

علبة البيئة / معروفة في مجال العربيات باسم المحول الحفزي

المحول الحفزي ده كل فايدته انه بيحول الغازات الضارة المتبقية من نتيجة احتراق البنزين والهوا في غرفة الاحتراق

الى غازات غير ضارة للبيئة او على الاقل ضررها اقل !!

فكون انك تشيل مش هياثر على عربيتك في حاجة لكن هياثر على الهوا الخارجي !! اللى هو بايظ اصلا من غير حاجة

بالعكس !! ؟ انت لما تشيل علبة البيئة هتحس ان العربية فاقت وبقى تجميعها احسن من الاول لان علبة البيئة بتعوق خروج العادم

فلما تسهل عملية خروج العادم ده بيقلل ال Back Pressure على الماتور فبيزيد معدل الحرق وبيتحسن الاداء بشكل ملحوظ

بس مهم انك تشيك على فلتر البنزين كل فترة !!!

يعني مثلا بالنسبة لعربيات تويوتا // الياريس اللى من غير محول حفزي - من غير علبة بيئة -

بيتغير فلتر البنزين كل 40 الاف كيلو

اما اللى متركبلها علبة بيئة بيتغير فلتر البنزين كل 80 الاف كيلو

وكذلك البوجيهيات برضوا بيبقى فيه فروقات بسيطة في مواعيد التغيير

وده بسبب ان معدل الحرق بيزيد لما بتشيل علبة البيئة لان العربية بتحرق بمعدل اسرع وده بتاخد منه تحسن كبير في الاداء