الموضوع: مساعدة بخصوص شراء تويوتا 2008 مستعملة، جنوب أفريقي

المشاركة الأصلية كتبت بواسطة Abdelmoneem

طيب يا جماعة بصراحة أنا من زمان نفسي أركب كورولا، وعايز أجيب موديل حديث أحس بالتكنولوجيا اللي فيه، تويوتا الجنوب أفريقي mmt في ناس بتتباهى بقوة الموتور والسحب الجبار وبتقول إنها بتسبق عربيات تانية بيه ـ على الأقل بتنافس السيفيك ـ عشان كده كنت بفكر أجيبها بس أتعامل مع الفتيس بذكاء وصبر عشان أتعلم عليه، بس هيبقى معايا تكنولوجيا حديثة وأقدر أسحب بالعربية وأقرص لما أحب..

موضوع تويوتا الخليجي بحس إنها عربية 2008 بتكنولوجيا 2007، يعني موتور قديم، أقل في الكفاءة.. حتى لو مفيهوش مشاكل في الفتيس

تنصحوني بإيه في الكورولا؟ يعني من ناحية قوة الموتور والسحب،؟ هل موديل 2010 الأوتوماتيك كويس؟ سحبه حلو زي الهوندا سيفيك كده؟ هوا ممكن يعمل 110 ألف لو العربية حالتها حلوة تتركب، هل كورولا 2010 تستاهل المبلغ ده؟

وعلى فكرة أنا كنت خلاص استقريت على هوندا سيفيك، بس صرفت نظر بسبب وطيانها، أنا معايا لانوس ارتفاعها عن الأرض 175 مم وبتحك معايا جامد ونفسي في عربية عالية، السيفيك ارتفاعها 170 مم يعني أوطى من اللانوس كمان :( عشان كده صرفت النظر عنها، وتفكيري دلوقتي في الكورولا.

بص في السحب, 2008/09 بال MMT أقوي من السيفيك و ده عن تجربة امتلاكي السيفيك و اخويا الكورولا.
فعلا الخليجي أقل في الموتور و الفرامل (فرامل الجنوب أفريقي Bosch الماني و طبعا فيها ABS و EBD و BA)


2010 برده محترمة جدا و ريحوا الناس جابولهم الفتيس التقليدي و بصراحة هو طبعا انعم من ال MMT بس في نفس الوقت اقل في الأداء و أعلى في استهلاك البنزين. أنا بعتبر الموديل ده افضل من ال 2008 و ال 2011 بالنسبة لل سواق ال average (اللي ملوش قوي في تجربة حاجة جديدة) عشان جمع بين مميزات الجنوب افريقي من مكونات اوروبي من Bosch و Valeo و Hella و ميزة الياباني الوحيدة اللي هي الفتيس التقليدي.

السيفيك مش هتسعفك قوي في مطباتنا الزبالة دي عشان بالإضافة لانها واطية كمان ال wheelbase بتاعها طويل و ده combination بيديها ثبات حلو (أحسن من الكورولا) بس بيبقى كارثة في المطبات

المشاركة الأصلية كتبت بواسطة Ahmod

انا مش معاكم في الكلام ده يا رجالة !!

مين قال ان الكورولا موديلات 2010 فما فوق اقل في الاداء والسحب من الكورولا ال 2008 !!! ؟

صحيح انه فتيس الكورولا ال 2008 MMT ! وكان على الرغم من مشاكله الكتييرة !! بس كان اداءه جامد جدا !!

لكن فيه نقطة مهمة !!

ماتور الكورولا ال 2010 مختلف عن ماتور الكورولا ال 2008 !!

التويوتا في الكورولا بشكل خاص بداية من 2010 دخلت تقنية ال Dual VVTI لمحركات الكورولا !!

قبل كدة كان VVTI فقط !!

ماتور الكورولا ال 2008 !! 3ZZ-FE

وده بيطلع حوالي 110 حصان وعزم 150 نيوتن عند 5200 RPM

في حين ان ماتور الكورولا موديلات 2010 فما فوق !! 1ZR-FE

وده بيطلع حوالي 124 حصان وعزم 157 عند 3700 RPM !! لاحظ ان الفرق في توقيت خروج العزم كبيير

وده بفضل ال Dual VVTI اللى بقى بيتحكم في معاد فتح وغلق الصممات مش بس في ال Intake

لا في ال Intake وكمان في ال Exhaust !! يعني خد اداء اعلى وكمان استهلاك بنزين اقل

مبدئيا كده المشاركة دي فيها كمية غلطات مفزعة
أولا ال 2008/09 كانت DUAL VVTi مش VVTi بس
و المتور هو هو من ساعة ما نزلت لحد دلوقتي
اللي دخلها ال DUAL مؤخرا كانت الخليجي و دي مكانتش MMT في الأول
بمعنى اخر مفيش MMT غير مع ال DUAL
و طبعا عشان نبقى بنتكلم بأدلة مش أي كلام و خلاص ال specs بتاعتها أهي
و بالمناسبة اتاكد تاني من ال rpm اللي بيطلع عنده العزم لأنه 5200 مش 3700




و لزيادة التأكيد ادي صور actual للعربية
الموتور الجديد


و سبحان الله, MMT

و لو عايز تيجي تشوفها بنفسك اتفضل
و ممكن تتعب شوية و تروح التوكيل تسأل

مش عارف ليه العربية دي من أكتر العربيات اللي اتقال عنها معلومات خاطئة هنا
و بالمناسبة مش عشان في كام حد هنا اشتكي من اعطال يبقى كله اشتكي من اعطال , الحمد لله 4 سنين أهي و الفتيس حتى متركبلوش الدبرياج الجديد, لسة ماشية بالفبريقة

و استكمالا للاخطاء ال 2010 أقل في الأداء من ال MMT و من السيفيك لأن ال torque converter اقل كتير في ال efficiency من الدبرياج. و صحيح السيفيك برده أوتو تقليدي انما اصيع من بتاع الكورولا لكن اقل من ال MMT.

نفسي اللي يتكلم عن العربية دي يبقى اللي راكبها مش اللي سمع.
و شكرا