السلام عليكم اولا
ثانيا انا متابعة الموقع جدا وبتصفحه كتييييييير واستفدت اكتر
وده اول مشاركة لى وحتاجة رأى شافى
انا ام لثلاث ااطفال وبشتغل فى مكان بعيد عن بيتى بحوالى 28 كيلو وسط البلد و 35 كيلو بالدائرى
وكمان منتظرة ان شاء الله طفل رابع
المهم انا عندى عربية 127 وتعت منها جدا انا والعيال
وربنا كرمنى وان شاء الله اقدر اجيب عربية بحدود 70 الف جنيه بس بعد العيد ان شاء الله تعالى
محتارة اجيب ماتريكس موديل 2006 او 2007 ولا اجيب عربية زيرو زى الانوس والفيرنا واليكانتو
مش عارفة محتاجة عربية لان زوجى عربيته فيها مشكلة ومتعطلة عن التصليح لاسباب كتير ومحتاجة عربية كبيرة وواسعة وتسافر
انتم ايه رايكم
مع العلم زوجى مش بيحب شكل اللانوس والفيرنا وكان معاها لانوس قبل كدة وباعاها
وكان معاها سبيرانزا 516 وباعاها برده
وانا بكره الصينى مووووووووووووت
اشترى جديد ولا مستعمل بما انى ست ومعايا اولاد وجربت المستعمل واتبهدلت مع 127
افيدونى يا اهل الخبرة