السلام عليكم
ارجو منكم ان تفيدونى - فأنا فى حيرة من امرى
انا معى 30000 وعندى حيرة مابين امرين
هل اشترى سوزوكى ماروتى زيرو واقسط الباقى بسيط او حتى كسر زيرو
ام اشترى هيونداى مستعمله لكن طبعا هيكون الحجم اكبر لو مثلا هيونداى اكسيل او اكسنت
عرض للطباعة
السلام عليكم
ارجو منكم ان تفيدونى - فأنا فى حيرة من امرى
انا معى 30000 وعندى حيرة مابين امرين
هل اشترى سوزوكى ماروتى زيرو واقسط الباقى بسيط او حتى كسر زيرو
ام اشترى هيونداى مستعمله لكن طبعا هيكون الحجم اكبر لو مثلا هيونداى اكسيل او اكسنت
صباح الفل
نصيحة بلاش ماروتى خالص وكمان عاوزة تدفعى 30 الف وكمان تكملى دى 3 سلندر و 800 سى سى يعنى مش عربية اصلا معلش اسف انى بقولك كدة
لو عاوزة حاجة صغيرة وجميلة بالسعر دة اشترى كيا برايد 1300 سى سى و 4 سلندر صدقينى عربية جامدة كدا وفى منها مكيف
غير ان العربية الماروتى مش امان يعنى لا قدر الله لو حد خبط فيكى انتى هتكونى فى خطر
صدقينى ولا ادفع فيها 15 الف زيرو انا ركبتها وركبت البرايد (الكيا) دة غير ان لو حد ركب جمبك تخيين شوية هتكونو اعدين لزقين . هية عربية بتعجب بس البنات علشان حجمها لكن كل اصحابى دلواتى بعد ما جبوها زهقو منها غير قطع الغيار مش رخيصة برضو زى الهيونداى والكيا
ممكن تجيبى اكسيل هاتش باك برضو عربية جميلة
بالتوفيق وفكرى كويس
ياعزيزي متاكد ان صحابك راكبين ماروتي؟؟
ده أسعار قطعها ارخص من ال128وانت بتقولي هونداي؟؟
وبعدين البرايد في احسن احوالها هتبقى موديل 99!! يعني بقالها في الخدمه عمر كبير انما 30 ألف يجيبو ماروتي 2011
وحضرتك متدفعش فيها 15 الف زيرو وتدفع 30 في عربية قديمه مهكعه؟؟
يعنى و الله اسلوب النقاش هو اللى بيحدد تقدم الشعوب
و طول ما احنا اسلوبنا كدا فى النقاش عمرنا ما هنعمل حاجة
و عندى سؤال "انتا مينفعش اسلوبك يكون احسن من كدا؟؟"
يعنى مش ينفع انى اشتم فى عربية علشان ابين انها مش مناسبة لحد معين بظروف معينه
لكن اوضح العيوب و المزايا من غير ما اجرح حد و فى الاخر القرار للى هيشترى العربية و بعدين هو انا احنا مالنا بيك تدفع و لا متدفعش 15 الف؟
و هل لازم اعمل حساب صاحبى التخين و انا بشترى عربية؟
يبقى لازم اعمل حساب صاحبى التخين بردو و انا بشترى شقة علشان ميتزنقش فى باب الشقة و هو جايلى
و لا اخاصمه خالص و بكدا ابقى حليت المشكلة :))))
!!!!!!
بصراحة مش عارف اقولك ايه اول مرة اسمع حد يتكلم بالشكل ده عن ماروتي و خاصة عن قطع الغيار
هو حضرتك متأكد ان اصحابك معاهم ماروتي ماروتي يا راجل ده قطع غيارها ارخص من 128 و منتشرة في كل مكان ازاي خليتها اغلي من هيونداي و كيا هل حاسس ان كلامك معقول او مصدقه ؟؟؟
و حضرتك بتكلم في الامان مش واخد بالك برده من ان صاج الهيونداي اللي يعتبر ورق و مدهون
بالاضافة ان الاكسنت القديمة فشلت لأنها تعتبر اول عربية لهيونداي 100% و ده كان سبب وجود عيوب و حدفة ناهيك عن انها اضعفهم في الصاج و لكن بعد التطوير اختلفت طبعا عن الأول
الاكسيل قديمة لدرجة انها مش هتلاقي حاجة حالتها كويسة و ترحمها من الصنايعية
كيا برايد قطع غيار غير متوافرة زي الأول و قريبة من حجم ماروتي و غالية و بطبيعة الحال مش سهل تلاقي عربية نضيفة خاصة ان عد عليها اكتر من 10 سنين
و مننساش ان الهيونداي و الكيا كوري و كمان قديم طب الجديد هنقول معقول لكن قديم
هتقارن كوري بياباني !!!! اللي هي عربيات معمرة و تستحمل
بتقول تدفع 30 الف في عربية مستعملة و تعبانة تتعبك و لا تدفع 15 الف في ماروتي و عجبي
لو سمحت اخي الكريم لو حضرتك مش من ملاك السيارة و عارف يبقي متقولش اي كلام غير صحيح و طبعا رد الاخوة مالكيها بيوضح ان كلامك غلط تماما
السلام عليكم
اشكركم جدا الاساتذه
Mina-Magdy - ibrahimmcse - hm414 - alking_2006
لكن نهاية النقاش جعلتنى ايضا فى نفس الحيرة - ايهما افضل من حيث رخص قطع الغيار ومدى توافرها من خلال تجربة مش مجرد سمع - وهل شكلها يناسب دكتورة للاسف ناس كتير شايفين ان التفكير فى الماروتى تهور - انا يهمنى ارائكم لانى سأتكل على الله ثم على كلامكم - ارجو الافادرة - هيونداى ام سوزوكى
ولكم جزيل الشكر لتقديم النصيحة
قبل ما ارشحلك حاجة هقول لحضرتك حاجة عن الماروتي محدش ينكر ان حجمها صغير و لكن حجمها ع د انه عيب الا انه ميزة حاليا في الشوارع و الركنات تقدري تركينها في اي حتة بالاضافة لو شخص لسه متعلم السواقة هتساعده جدااا نظرا لأن ابعادها صغيرة
العربية موفرة في البنزين طبعا
قطع غيار رخيصة جدااا و اتفضلي ده موضوع عن اسعار اغلب قطع الغيار بما فيهم الاصلي
http://www.nilemotors.net/Nile/3874202080-post31.html
موضوع الكماليات كل ده مقدور عليه و بيتركب و ده حضرتك هتشوفي الناس عاملين ايه في الماروتي في الموضوع ده
http://www.nilemotors.net/Nile/274773-a.html
عايز اقولك ان فيه ناس سابوا تويوتا عشان يركبوا ماروتي لأنها تعتبر العربية المناسبة للشوارع دلوقتي
نيجي دلوقتي لترشيح العربية
لو اتكلمنا في هيونداي اكسنت غير ان 30 الف صعب يجيبوا اكسنت نضيفة و هتيجيبي حاجة قديمة الاكسنت كانت بتواجه مشاكل بالاضافة لصاجها اللي يعتبر ضعيف جدااا لأنها تعتبر اول عربية من تصنيع هيونداي 100% و شئ معروف ان اول حاجة بتصنع مبتطلعش بريفكت غير مع الوقت و التطوير و ناس كتيير اعرفهم اشتكوا من نفس المشاكل من صاج او حدف ع الطرق السريعة
الاكسيل طبعا قديمة و مش هتلاقي حاجة نضيفة في عربيات عدي عليها اكتر من 10-15 سنة
كيا برايد برده هتجيبيها قديمة قطع غيار غير متوافرة زي الأول و العربية مش منتشرة دلوقتي كل فين و فين لو شوفتي واحدة
اهم نقطة ان اي عربية مستعملة و قديمة هتكون خلاص جابت اخرها و هتبقي محتاجة شخص فاهم في العربيات عشان يعرف يتعامل و يروح و يجي يشد العربية عشان تشيله
فالمفروض انك عايزة عربية لسه بحالتها تريحك و متقرفكيش كل شوية للصنايعية و قطع غيارها متوافرة و سعرها رخيص و اي حد يشتغل فيها و في نفس الوقت لو حبيتي تبيعيها في اي وقت تبيعها و هيكون عليها اقبال
و بالتالي الخيارات المتاحة للمبلغ اللي مع حضرتك و اللي ارجحه
ماروتي طبعا مش هتاخدي عربية اقل من موديل 2010 بالمبلغ ده او تحطيه مقدم و تقسطي الباقي لو هتجيبي زيرو و الزيرو طبعا افضل
التو و هي ما املكها و ديه تجبيها 2008-2009 لأن ديه يعتبر احسن شكل نزل فيها من وجهة نظري و عربية اكبر من الماروتي مع اختلاف التابلوه و انجيشكن و مميزات تانية كتيير و الموضوعين دول هيوضحولك كل عربية فيهم اكتر (ماروتي و التو )
http://www.nilemotors.net/Nile/229742-a.html
http://www.nilemotors.net/Nile/224984-a.html
لكن فيه نقطة غلسة شوية في الالتو سعر قطع الغيار اكتر من الماروتي لكن ميعتبرش غالي يعني متوسطة او اقل
و احنا بنتعامل مع محلات قطع غيار في كل منطقة من مصر الجديدة للمطرية لشبرا للتوفيقية للدقي
لو عايزة بقي عربية اكبر زيرو و سعرها يعتبر كويس ممكن لو تقدري تزودي المقدم و تشوف لانوس او فيرنا و تقسطي الباقي لكن صعب مستعمل بالمبلغ ده فيهم و مازلت غير مؤيد للمستعمل القديم اوي و دول قطع غيارهم يعتبروا متوسطيين و العربيتين يعتبروا واحد باختلافات بسيطة اني شايف لانوس اقوي منها لكن موتور الفيرنا برده قوي مع صاج الفيرنا الخفيف فبنلاقي الفيرنا طيارة
و قبل ما تقرري و تشتري ممكن تسوقي الماروتي و الألتو او اي عربية تانية و تشوفي اللي هترتاحي ليها
و لو اشتريتي سوزوكي اي استفسار اتفضلي و ان شاء الله هنتابع مع حضرتك اي حاجة في العربية صيانات قطع غيار اي حاجة عنها ان شاء الله :)
و اتمني الموضوع ده يفيدك برده
http://www.nilemotors.net/Nile/244408-a.html
استاذ Axel اشكرك للمشاركة
يعنى اختار سوزوكى ولاايه - طيب اناشفت سوزوكى التو فى السوق ب 30000 وكانت كويسة خفت اشتريها خوفا من عدم توافر قطع الغيار - وبعدين مرة بتصل بالمصرية للسيارات قالى سحبوها من السوق لوجودعيوب فيها هل الكلام ده صحيح
انا كان معيا فيات تمبرا كانت تحفة لكن عانيت من اسعار قطع الغيار وعدم توافرها فى المكان الذى اعيش فيه - خايفة اقع فى نفس المشكلة
ههههههههه بصراحة سحبوها دي ضحكتني لأني اول مرة اسمع عن وجود عيب فيها انا اسمع ان تم السحب نظرا لأن مكنش فيه اقبال اوي عليها في الأول لكن دلوقتي الناس عرفتها و لما قطع الغيار انتشرت الناس بقت بتدور عليها
و الالتو مازالت بتنزل هنا لكن تحت اسم جديد و شكل جديد و هو السيلاريو و ديه صورتها
http://www9.0zz0.com/2012/08/15/19/762214844.jpg
و برة مصر مازال نفس الشكل بينزل برده باسم التو لحد 2012 و اقرب مثل في السعودية
لكن العربية ما شاء الله كويسة معايا و مع ناس كتيير و منتشرة و مفيش حد اشتكي منها غير ان في الأول لما نزلت قطع الغيار كانت قليلة لسه لكن دلوقتي بقت اكتر من الأول بكتير مع انتشار العربية و المحلات اللي بنتعامل معاهم عندهم قطع الغيار كلها لكن سعرها اغلي من الماروتي شوية و الرابط في المشاركة السابقة فيها بعض اسعار الالتو تقدري تقارني
و لو حضرتك من القاهرة متقلقيش فيه في مصر الجديدة و شبرا و التوفيقية و الدقي هنقولك ع المحلات اللي تشتري منها
و زي مقولت ارشحلك الماروتي و الالتو الاتنين واحد لكن الالتو بتتميز انها انجيشكن موفرة اكتر في البنزين و شكل مختلف داخليا و خارجيا
و ديه صور الالتو 2008-2009
http://www8.0zz0.com/2012/08/15/19/486457235.jpg
http://www8.0zz0.com/2012/08/15/19/855153992.jpg
http://www8.0zz0.com/2012/08/15/19/131843720.jpg
و ديه الماروتي
http://www4.0zz0.com/2012/08/15/19/976887778.jpg
http://www4.0zz0.com/2012/08/15/19/270286715.jpg
http://www4.0zz0.com/2012/08/15/19/909336724.jpg
لو عايزة عربية احدث و انجيكشن و شكل افضل و مش مهم قطع الغيار زيادة شوية يبقي التو بس فيه نقطة الالتو نزل منها 800 سي سي و ديه اللي معايا و 1100 سي سي في فاضية و فيه فوول اوبشن و الـ1100 سي سي و الفول اوبشن سعرها هيبقي اكتر شوية فالمبلغ اللي معاكي يجيب الـ 800 سي سي
لو مش مهم الشكل اوي و بتبصي لحاجة عملية و قطع غيار رخيصة جداااا يبقي ماروتي
و برده جربي الاتنين و سوقي كل واحدة و شوفي اللي هترتاحي معاها اكتر لأن كل واحد ليه رأي و عارف اللي يناسبه
و اي استفسار اتفضلي
مش عارفة اقول لحضرتك ايه استاذ Axel على ذوقك وافادتى
معلشى استحملنى لانى ان شاء الله هشترى بعد العيد اذا امر الرحمن
طيب انا ان شاء الله هتوكل على الله واشترى السوزوكى
يبتبقى انى استقر الالتو ولا الماروتى - لكن هعرف ازاى انا معرفش حد معاه العربيتين علشان اجربهم
وهل المبلغ اللى معايا يجيب التو حلوة ؟ - ومنين؟
وهل مشاكلها قليلة بردوا ولا الماروتى افضل؟
و لا يهمك اي استفسار اتفضلي و ان شاء الله نرد ع حضرتك
اه يجيب التو 2008-2009 800 سي سي بس فاضية بدون اوبشنز الحمد الله الاتنين مفيش اي مشاكل مفيش غير ان قطع الغيار اعلي من الماروتي شوية
اهم حاجة متابعة الصيانات و العربية هتفضل زي الفل ان شاء الله و طبعا اول ما العربية تجيبيها طالما مستعمل هنقولك ع شوية صيانات تتعمل للعربية عشان تبدأي معاها زي ما بيقولوا من أول السطر بغض النظر عن المالك السابق عمل ايه
و الماروتي زي ما قولنا ياما زيرو مقدم و تقسطي و ده افضله من وجهة نظري
ياما مستعمل و ديه بالمبلغ اللي معاكي تجيبي 2010-2011 و ممكن موديل اقل سنة و طبعا المبلغ بينقص و بيعتمد ع الحالة برده
اما منين ياما معرض يا اما سوق السيارات ياما تلاقي عربية معروضة للبيع ماشية في الشارع
و في كل الحالات لازم يكون معاكي ميكانيكي ثقة برده عشان يبص ع العربية كلها ميكانيكة و صاج و عفشة و يتمنها
و لو نزلتي سوق متخليش الميكانيكي يقابلكم هناك او يعرف انتوا نازلين عايزين ايه
لأن ساعات الميكانيكي يعرف انتي عايزة ايه و يقولك اقابلكم هناك و هناك ياخد لفة محترمة يربط مع اللي هيطلعله مصلحة و خدي معاكي شخص برده من العائلة و اول نزلة تشوفوا العربيات و متستعجليش و متنزليش بفلوس طبعا التخليص بعد الاتفاق وساعة الشراء تكشفي ع العربية في المرور و تتاكدي ان ورقها سليم و المالك يطلع شهادة مخالفات و معليهاش اي مخالفات و الشهر العقاري في سوق السيارات اكيد حضرتك عارفة الاجراءات نظرا لامتلاكك عربية من قبل
و هننتظر ان شاء الله تقرير عن العربية بعد شرائها :)
و بالتوفيق ان شاء الله
ميرسى ليك جدا
طيب اخر سؤال بجد قبل الشراء
فيه حد قالى اشترى احسن شاهين مكيفة تستحمل اكتر وافضل
رأى حضرتك ايه - انا حاسه انى تايهه من كتر الكلام اللى بسمعه من الناس
الشاهين عربية حلوة و شديدة لكن هتكون تقيلة زي اللادا في السواقة بالنسبة لك و لو بالمبلغ ده هتجيبي حاجة موديل قديم شوية و طبعا الشاهين شكلها اتم شوية و معليهاش اقبال زي الأول
ممكن نتغاضي عن كل ده لكن هنرجع لنفس المشكلة الأولي عربية مستعملة موديل قديم
الميزة في الماروتي او الالتو عربيتين عليهم اقبال عايزة تبيعيهم في اي لحظة تبيعيهم و منتشرين و قطع غيار رخيصة و سهل الشغل فيهم من اي صنايعي فاهم و في نفس الوقت موديلات جديدة يعني ملحقتش تتبهدل و مناسبة للشوارع هنا في الوقت الحالي يعني ممكن تتركن في حتة صغيرة او فوق الرصيف حتي محدش هياخد باله منها ههههه و طبعا مفيهاش الطمع :)
الماروتي عربية محدش يعرفها الا الي ركبها
وبجد عربية محترمة
وربنا يوفقك للخير ..
استاذ axel عند حضرتك حق جدا فى موضوع الركنة بالذات - انا كان معايا تمبرا (حجمها كبير بالنسبة ليا) فى وسط الزحمة الفظيعة فى البلد حاليا مكنتش بعرف اركنها لان كان من الصعب الاقى مكان ليها - يمكن علشان لسه مش ممتازة فى السواقة - لكن عمتا اكيد العربيات الصغيرة اسهل كتير فى الركن
اشكرك جدا وان شاء الله اول ما اشترى العربية اتابع مع حضرتك لمعرفة بقية النصائح
مافيش كلام يتقال بعد كلام البرنس الكبير Axel
عيني عليك بارده يا آكسيل
اختي الكريمه الماروتي مثاليه بالنسبه لحالتك في رأيي
وبالنسبه انها تنفع لدكتوره او لا
حضرتك انزلي القصر العيني واتفرجي جواه راكنه قد ايه ما شاء الله
وكمان ممكن تسألي في التوكيلات ساعات بيبقى عندهم ستوك من العربية زيرو بس موديل اقدم سنه او اتنين وطبعا بينزل من سعرها جامد
كمثال
انا في الاردن وانا بلف على عربية لقيت عند التوكيل ألتو 2009 زيرو ومتوفر منها الوان كمان
فجربي تسألي عند مودرن موتورز مش هتخسري حاجه...
واخيرا صلاة الاستخاره فيها نهاية الحيره ان شاء الله
تحياتي
[QUOTE=hm414;3874478551]عيني عليك بارده يا آكسيل
اختي الكريمه الماروتي مثاليه بالنسبه لحالتك في رأيي
وبالنسبه انها تنفع لدكتوره او لا
حضرتك انزلي القصر العيني واتفرجي جواه راكنه قد ايه ما شاء الله
وكمان ممكن تسألي في التوكيلات ساعات بيبقى عندهم ستوك من العربية زيرو بس موديل اقدم سنه او اتنين وطبعا بينزل من سعرها جامد
كمثال
انا في الاردن وانا بلف على عربية لقيت عند التوكيل ألتو 2009 زيرو ومتوفر منها الوان كمان
فجربي تسألي عند مودرن موتورز مش هتخسري حاجه...
واخيرا صلاة الاستخاره فيها نهاية الحيره ان شاء الله
تحياتي[/QUOT]
اشكر حضرتك جدا - انا اول مرة اعرف ان ممكن يكون فيه ستوك لموديلات قديمة زيرو - ااكيد ان شاء الله هسأل زى ما حضرتك ذكرت - وان ان شاء الله صلاة الاستخلاة الاهم فى النهاية
جزاك الله خيرا على الافادة
:w6266d :S_thum1[1]:
اسمحلى حضرتك أضيف حاجة مهمة جدا محدش بياخد باله منها لأنها بتتقال عرضا و الناس كلها فاكرة العكس أو بتفتكر اللى بيقولها بيبالغ
الماروتى رغم حجمها فيها ميزة رائعة و هيه إن خطوطها الداخلية و تصميمها كله رفيع مش منفخ زى العربيات الكورى ههههههههههه أنا كل زمايلى اللى ركبوا معايا أول أما الباب بيتقفل عليهم بسمع نفس الكلمة منهم كإنهم بيغشوها من بعض: "ماشاء الله العربية واسعة أهه" ههههههههه
الناس اللى بتتكلم دى اللى معاه أكسنت و اللى معاه ماتريكس و اللى معاه نيسان صنى ... أنا بفضل الله كنت عارف الميزة دى لأنى ركبت الماروتى زمان أوى فى 2006 و كنت قاعد ورا مع اتنين حجمهم وسط و أنا حجمى فوق الوسط و كنا مرتاحين تمام
العربيات الكورى أو عموما اللى بيتقال عليها "مودرن" بتبقى منفخة من جوا .. الأبواب و الكراسى و التابلوه فبتاكل المساحة الداخلية على الفاضى
و عموما ممكن أقول لحضرتك (صاحبة الموضوع) إن قرار الشراء ممكن يتبصله من حيث:
- هل المبلغ ده حيتوفر لحضرتك تانى مثلا بعد حوالى 10 سنين؟
إذا مكنش..يبقى لازم حضرتك تعامليه على إنه استثمار طويل الأجل و بالتالى الألتو تكسب عشان الموتور الإنجشكن يعيش أكتر و يعمر و مشاكله أقل و بالإضافة لإمكانية وجود التكييف تبقى مناسبة جدا..ممكن جدا حضرتك تجيبى ألتو زيرو و تقسطى بسهولة لأن التقسيط المحترم بيبتدى من 30%
أما إذا كان ممكن يتوفر تانى بإذن الله - ربنا يزيد و يبارك - و مش فارق عند حضرتك التكييف و فيه نية تغيير العربية كمان 10 سنين يبقى الماروتى تكسب بإذن الله
و ربنا يوفق حضرتك للى فيه الخير