تم الانضام رسميا الى قسم فيات

**ahmedsiyam** · 15-08-2012 01:41 PM

الاخوة الكرام
تحية طيبة و بعد
كل عام و انتم طيبين و يعود علينا الايام المباركة دى بخير ان شاء الله و ربنا يتقبل منا الصيام

بعد فترة بحث طويلة جدا و التأرجح بين عدد من السيارات الاوربية ربنا وفقنى و اشتريت فيات برافو
العربية الصراحة مافيش كلام عليها و ممتازة
عربيتى 2009 مانيوال 1400 سى سى 90 حصان و ليست تربو

اتمنى ان انضمامى لقسم فيات يكون مثمر خاصة انى اطمح لتوطيد العلاقة بين الوكيل و اعضاء قسم فيات الكرام

انا سمعت ان السيد المهندس مدير خدمات مابعد البيع اتغير و انهم هايحاولوا يوصلوا لمستوى افضل فى الخدمة و ان شاء الله هارتب لقاء معاه و نشوف ايه سوء الخلاف اللى موجود بين المنتدى و التوكيل و نزيله ان شاء الله بما يضمن مصلحة العملاء اولا لان ده شغلهم و غير كده هم اللى خسرانين

اللى عنده من حضراتكم اى نصائح بخصوص السيارة يتفضل يقول بعد اذنكم و اذا كان فيه اى استفسار هاقدر اجاوب عليه انا تحت امركم برضه

اخوكم احمد صيام

**DONYO** · 15-08-2012 02:18 PM

الف مبروك واهلا بيك في قسم الفيات

**ahmedsiyam** · 15-08-2012 02:21 PM

الله يبارك فيك

**maxx** · 15-08-2012 02:46 PM

ربنا يباركلك فى اختيارك :)

انا كمان شبه استقريت على برافو بس ال 120 حصان مستعمل برضو بس يعني على اول السنة كده ان شاء الله

اخبار اللي البرافو معاك ايه ؟ عاملة كام كيلو و الحالة ايه النظام ؟ و السعر ؟

**S O P H O S** · 15-08-2012 05:15 PM

الف مبروك يا باشا ..

**M_wahba** · 16-08-2012 10:20 AM

لف مبروك عليك
على فكرة انا عربيتى بونتو كلاسيك 2011 و اخر صيانة عملتها برة بسبب الشوفتة من التوكيل و اسعارة المبالغ فيها و كمان قلة الخبرة و الإستهتار بالناس
انا كنت بجد بفكر اغير عربيتى و اجيب برافو او ايفو لأنى من عشاق فيات بس بعد الشفتة و البسمعة بجد محتار و مش عارف اعمل اية؟

**ahmedsiyam** · 16-08-2012 04:03 PM

ربنا يباركلك فى اختيارك :)

انا كمان شبه استقريت على برافو بس ال 120 حصان مستعمل برضو بس يعني على اول السنة كده ان شاء الله

اخبار اللي البرافو معاك ايه ؟ عاملة كام كيلو و الحالة ايه النظام ؟ و السعر ؟

البرافو اللى معايا عاملة 70000 كلم و الحالة العامة للسيارة الحمد لله كويسة جدا و السعر بيبقى من 85000 الى 95000 على حسب الحالة طبعا و الفصال

لف مبروك عليك
على فكرة انا عربيتى بونتو كلاسيك 2011 و اخر صيانة عملتها برة بسبب الشوفتة من التوكيل و اسعارة المبالغ فيها و كمان قلة الخبرة و الإستهتار بالناس
انا كنت بجد بفكر اغير عربيتى و اجيب برافو او ايفو لأنى من عشاق فيات بس بعد الشفتة و البسمعة بجد محتار و مش عارف اعمل اية؟

الله يبارك فيك

بالنسبة لموضوع التوكيل انا ماتعاملتش معاهم مباشرة حتى الان و ان كان ماشاء الله سمعتهم سابقاهم و مش حلوة من خلال الاعضاء هنا
وطبعا واضح جدا من خلال صالات العرض اللى ماحدش عارف فيها حاجة عن مواعيد التسليم و و لا حتى امكانيات العربية
انما انا هاحاول انى اعمل لينك كويس مع الوكيل لعل و عسى الامور تتصلح و نستفيد كلنا

الف مبروك يا باشا ..

الله يبارك فيك

**azmeralda** · 17-08-2012 08:27 AM

مبروك

**ahmedsiyam** · 17-08-2012 07:09 PM

المشاركة الأصلية كتبت بواسطة azmeralda

مبروك

الله يبارك فيك

**ahmedsiyam** · 17-08-2012 07:16 PM

عندى شوية ستفسارات بعد اذنكم
- الفانوس الشمال الغطاء لخارجى ليه اتكسر و كنت عايز اعرف اذا كنت اغيره و لا محتاج اغير الفانوس كلهو الاقيه فين
- المراية الشمال مكسورة من القعدة بتاعتها بمعنى انها بتتحرك لقدام ووراء مش ثابته فى مكانها هل ينفع تتصلح و لا لازم تتغير
- الكاسيت انا عايز اركب عليه صب ووفر ( هل فكه سهل و لا مافيش داعى للعب فيه )
و شكرا