الموضوع: ساعدونى احل مشكلتى بالله عليكم

انا يا جماعه قربت اتجنن خلاص مش ممكن اللى بيجرالى والحمد لله
انا كان عندى مشكله فى تسريب الزيت واكتشفت من تلات ايام ان التسريب من فايظ العقربه وان كل اللى انا عملته من تغيير اويل سيل العقربه وجوان العقربه كان على فشوش وحته سيلكون بتلاته ابيض تسد المشكله كلها.

النهارده بالصدفه بعد ما غسلت العربيه غسله محترمه امبارح لقيت فى رشح على كارتيره الموتور والزيت اللى عليها زيت موتور حسيت انى اتصدمت رحت للميكانيكى رفعها وبص لقى الزيت نازل من ناحيه بلوك الموتور والزيت عباره عن رشح مش تسريب وطبعا احب اقولكم ان انا مخبطهاش وان البلوك سليم تماما فقالى يمكن التسريب من اويلسيلات التقسيمه واما كشفنا عليهم لقيناهم سلام قالى يبقى بكره بقى اما الاسطى الكبير ييجى.
ارجوكم ساعدونى اعرف منين الاقى زيت على البلوك وناشع على الكارتيره ده ممكن يكون سببه ايه لانى بيتنصب عليا وبتقلب.

يا باشمهندس ممدوح انا منتظر رئيك وكل سنه وانت طيب