الحقوني الفرامل هربت و كنت هعمل حادثة

**MITSUKERO** · 15-08-2012 04:07 PM

السلام عليكم

اليوم و انا علي الدائري بدوس فرامل و هوووووووب مفيش فرامل !!!! دوست تاني قامت جابت قبل ما البس الحمد لله

انا بقالي اسبوع حاسس ان الفرامل قافشه حاجة بسيطة بس كنت منفض لبعد العيد لاني مش بركب العربية دي كتير بس كده لا مش هنفض

ده غير ان فيه صوت تكه خفيفة او مكتومة من دواسة الفرامل بسمعها و انا جوه العربية و الميكانيكي زمان قالي ممكن تبقي سرفو بس مش عارف كلامه صح ولا غلط و صوت التكه ده بقاله تقريبا 8 شهور و عادي مكنشي مأثر

هل الفرامل القافشة دي بتخلي الزيت يسخن و بالتالي يفقد خواصه و الدنيا تهرب زي ما حصل (ده رأي واحد صاحبي قاله ليا)

هل السيرفوا يخلي الفرامل تقفش ؟

اكشف علي ايه و انا عند الميكانيكي ؟

ياريت يا جماعة تساعدوني بجد لاني محتار جدا

العربية لانوس 2001

شكرا مقدما

**bebo382** · 15-08-2012 04:22 PM

ربنا ستر و الحمدلله

**MITSUKERO** · 15-08-2012 06:22 PM

يا جماعة الموضوع اتكرر 3 مرات كمان ياريت رد بجد العربية كده بقت تموت

**ketoo** · 15-08-2012 06:35 PM

اولاً الحمد لله وربنا ستر يا باشا الموضوع دة حصل معايا قبل كدة وطلع من الماستر العمومى ممكن يكون هو او تيل الفرامل وعلى العموم استنى راى باقى الاعضاء

**sakr_skoda** · 15-08-2012 06:51 PM

روح لى ميكانيكى ياخد الهوا من الفرامل....*

**dedi** · 15-08-2012 07:39 PM

الحمد للة الموضوع دة حصل معى الاسبوع الذى فات روحت للميكانيكى و غيرت الخرطوم اليمين و قلت لة نغير الخرطوم الشمال فرفض و قال مادام ماشتكاش سيبة و بعد اسبوع و انا نازل من كوبرى بدوس فرامل و مافيش و الحمد للة ربنا ستر و روحت لبتاع فرامل فقال لى الخرطوم الشمال ضرب و غيرتة امبارح و اخذ هواء و الحمد للة ربنا يسترها
موضوع الفرامل دة مصيبة و خطير هو الخراطيم ليها عمر افتراضى وكم سنة تقريبا

**mostafa mahmod** · 15-08-2012 08:34 PM

متهيالى انت عندك ماستر مش سيرفو
السيرفو ده بيسهل عليك دوسه الفرامل و ملهوش علاقه بهروب الفرامل
روح لميكانيكى كويس خليه يكشف لك على منظومه الفرامل ككل
ممكن تستهون باى حاجه الا الفرامل و حاول متمشيش بالعربيه الا لما تصلح الفرامل

**yyy** · 15-08-2012 08:58 PM

المشاركة الأصلية كتبت بواسطة MITSUKERO

السلام عليكم

اليوم و انا علي الدائري بدوس فرامل و هوووووووب مفيش فرامل !!!! دوست تاني قامت جابت قبل ما البس الحمد لله

انا بقالي اسبوع حاسس ان الفرامل قافشه حاجة بسيطة بس كنت منفض لبعد العيد لاني مش بركب العربية دي كتير بس كده لا مش هنفض

ده غير ان فيه صوت تكه خفيفة او مكتومة من دواسة الفرامل بسمعها و انا جوه العربية و الميكانيكي زمان قالي ممكن تبقي سرفو بس مش عارف كلامه صح ولا غلط و صوت التكه ده بقاله تقريبا 8 شهور و عادي مكنشي مأثر

هل الفرامل القافشة دي بتخلي الزيت يسخن و بالتالي يفقد خواصه و الدنيا تهرب زي ما حصل (ده رأي واحد صاحبي قاله ليا) الزيت لما يقدم بيمتص رطوبة فا مع السخونية بيتبخر و بالتالى الماستر بيهرب

هل السيرفوا يخلي الفرامل تقفش ؟ بيخلى الدواسة تقيلة

اكشف علي ايه و انا عند الميكانيكي ؟انا حصل معايا قبل كدة وغيرت طقم اصلاح للماستر الرئيسي وغيرت الزيت و لازم تغير الزيت
(اة لما الماستر هرب منى لقيت ميانيكى فى الطريق اخد هوا من الماستر الرئيسي وقالى خلاص كدة ولا تغير حاجة فيها ومشيت بيها اسبوع وكانت شغالة وبعد كدة غيرت جلد والزيت)

ياريت يا جماعة تساعدوني بجد لاني محتار جدا

العربية لانوس 2001

شكرا مقدما

**MITSUKERO** · 15-08-2012 10:17 PM

شكرا لكل الاعضاء المحترمين اللي ردوا و بجد الناس هنا بتحب تساعد و دي اجمل حاجة في المنتدي

لحد دلوقتي انحصر الشك فيه الخراطيم و الماستر و السيرفو و الزيت

بس هو كده مش فاضل غير الخزن و ابقي غيرت الفرامل كلها هههههههه

والله انا بحاول اضحك لاني متنكد جدا جدا خصوصا ان الموضوع جي في وقت صعب و قبل العيد

يلا بقي ربنا يستر و منتظر باقي الاراء