عايز اشتري ستيب واي ياريت حد مجرب العربيه يقول ايه مميزتها وعيوبها
عرض للطباعة
عايز اشتري ستيب واي ياريت حد مجرب العربيه يقول ايه مميزتها وعيوبها
ستيب واي....السياره الغامضه!!
عندما وصفتها بالسياره الغامضه...قصدي ان المعلومات المطروحه عنها نادره و ان كانت بدات في الظهور في الشوارع....و لا اري لذلك تفسيرا سوي رغبه ملاكها في الاستئثار بالتميز الذي يولده اقتناءك لها....
ما فيش حد شافها الا و اعطاها قيمه اعلي من قيمتها و ادخلها مع فئات اعلي....
هيا معايا يا دوب من 900 كم فقط...لذا انطباعاتي عنها مبدئيه....و لما باقارنها اقارنها بما كان لدي...بيكانتو2008...لسه عندي...
الشكل الخارجي:
جيده جدا...توحي بالفولكس كروس فوكس....تشجعك انك تدلعها مع انها جميله جاهزه..فيها تفاصيل رائعه و توحي بالشبابيه و الانطلاق...يعيبها سهوله الخدش...لذا اضبط المرايا و انت شايف تنفيخات العجل...لانها الاكثر عرضه للاحتكاكات في الرينو عموما
الدهان: اشعر ان بامكانهم جعله اكثر جوده و تماسكا,,,,خصوصا دهان المرايات الجانبيه....كان نفسي الاقي حل ليها كروم او ما شابه كما في الماتركس و الاوبترا و التاكسيات اللادا...عموما اول ما تستلمها اعملها واكس...
الصالون الداخلي: هو مثل اللوجان لكن اعتقد انه افضل جوده في التقفيل علي الاقل من اللي شوفتهم...
رحابه غير عاديه...اللي معاه لوجان من معارفي قال انها اوسع من الداخل طول و عرض من اللوجان...ممكن بسبب ان شنطتها اصغر من اللوجان...و الباب ارفع في البطانه و مدي وسع علي الداخل...ده رايه...المهم....انها ملعب...و ارتفاع الكراسي بيخلي الرجلين مش مضطره تتمد للامام ممكن تخليها تحتيك...وسع رائع
حتي في درج التابلوه....
الشنطه: واسعه جدا....اصغر من اللوجان بس لسه واسعه جدا عن سيارات عديده...
التكييف: تلاجه بمعني الكلمه....ممكن الشمس تاثر عليه شويه بس بعد وقت قصير من تشغيله يقدر يجيب النتائج الممتازه...
القياده علي الطريق.....السياره ممتازه للقياده الثقيله....يعني لا للغرز و القرص علي الموتور....هي توفر لك مزاج ممتاز للقياده....جو معزول بشكل جيد(و ان كان اقل قليلا من البيكانتو) عن ضوضاء الخارج....تكييف ممتاز(اللي قاعدين ورا بيسقعوا)....كاسيت صوته جيد جدا و ان كان سماعتين فقط مع مالتي فانكشن مريح جدا...و الجامد....دواسات ناعمه مزيكه مع عفشه ناعمه جدا و مرتفعه تريح بالك من المدقات خصوصا انها اعلي من اللوجان...(احساس جيد انك تلاقي نفسك في حزا ارتفاع الماتريكس)...اما الكلاكس...فمكانه عبقري...اسهل بكتير من منتصف الطاره....لان ايديك كده كده جنب دراع الاشارات بالتالي قريبه من زرار الكلاكس...
الاضاءه الاماميه ممتازه في التوزيع و الشده...و السبوت الاحمر الخلفي اللي في الشمال ...بيضرب في عين السواق اللي ورايا فتلاقيه سايب مسافه لوحده عشان يبعد او بيغير الحاره اصلا لان السبوت الخلفي كمان في جنب واحد فممكن هيجيبله حول...
الستيب واي في المجمل فيها طعم الحلو و المالح...كالبريوش..(صايم معلهش)...يعني فيها خشونه الاداءالذي لا يصلك سوي نتائجه الناعمه...يعني صوت الموتور عالي و لكن مش ليك للي بره ....و اداؤه جيد جدا... مع بساطه بعض التجهيزات و المظهر التي تعطي انطباع بالقوه و لكن لا تخلومن رفاهيه....السياره ما تتحكيش .....هي سياره زي الملابس الكاجوال...ممكن تكون مريحه و متينه و لطيفه و ليست في رفاهيه ملابس السهره...اللي انت اصلا لا تلجا لها الا في المناسبات اما الكاجوال ده استخدامك اليومي..... يعني تتساق و انت ساكت و مبسوط بشكل جميل...الحمد لله حمدا كثيرا..
هو حضرتك بتدخل على منتديات عطور كتير ؟؟؟
اصل مشاركة حضرتك فيها مزيج من البرغموت العطري مع انسيابية في زهور السوسن والخزامى وعبير جلد الغزال واخشاب الارز وعبير التونكا مع رحيق الورد البرازيلي
انا مش بتريأ والله بالعكس انا معبجب بمشاركتك وموافق على كل كلمة فيها بتحس انك شاعر وردي او كاتب رومانسي
ومعلش عشان الجهل وحش
يعني ايه بريوش؟ هههههههه
وصفك لذيذ يا فارما .. هو الجنط بناعها كام ؟ و مش هينزل منها أوتوماتيك ؟
فارما يا عالي
كلامك جميل
طيب ايه اخبار الثبات علي السرعات العاليه
انا معايا العربية دي من 9 شهور و عامل بيها 9500 كم .... انا بس حابب اني اقول عنها انها فعلا سيارة يعتمد عليها زي ما قال الاخ فارما..و كمان هتحس انها احسن بعد صيانة ال5000 هتفتح معاك و استهلاك البنزين هيتحسن اما الثبات فممتاز انا بسافر بيها مصر اسكندرية و ساعات السخنة لحد 165 و مش هتحس بحاجة و الملفات كمان وعلى فكرة موضوع الغرز و الشد ده تسد معاك انا اول ما جبتها حبيت اجرب لقيتها الاستجابة كويسة اوي لو تلاحظ انها وشها واطي من قدام فده هيديك ثبات عكس لو العربية كلها ارتفاع واحد واللي مساعد على كدة برضه الجنط المحترم اللي بتنزل بيه 15 ........ من ناحية تانية بس انا كان نفسي يهتموا شوية بالصوت في العربية دي يعني كل الاوبشنز دي و في الاخر سماعتين بس في الابواب :Copy of rfds: يعني لو حضرتك بتحب يبقى عندك صوت محترم في العربية لازم تجيب طقم صوت اول ما تجيبها ان شاء الله الحاجة الاخيرة برضه اللي كان نفسي فيها " الفاميييييه " ما كانوا يفيمو الازاز اللي ورا بدل ما الواحد حاسس انه مكشوف كده و الفاميه ناازل في كل العربيات الجديدة ...... عموما انا حاولت اقول كل اللي جوايا عن العربية دي مميزاتها و مش هقول عيوب لأ هوا عدم " دلع " للعربية من رينو .. و اي سؤال انا موجود
sherifbo
شكرا علي ردك وكويس ان معاك العربيه
هو ينفع اخلي اربع ابواب زجاج كهربا في التوكيل يعني ممكن يزودوا الاوبشن ده وعلي حسابي ولالا
وايه اخبار الكلكس معاك انا مسترخم اوي حوار انه في دراع الاشاره ومش عارف هتعود عليه ولالا مع اني بسوق بالشمال
فارما بس يعني ايه واكس دي وبيتعمل فين وبيتكلف اد ايه وايه فوايده
ياباشا العفو. ...موضوع الازاز ده معرفش بصراحة لكن بالنسبة للكلاكس هتتعود عليه متقلقش اما صوتو فتقييمه جيد. ...نسيت اقول لحضرتك ان العربية اللي معايا فيها اتنين ايرباج مش واحدة فممكن تسال عليها في التوكيل هل لسة بتنزل و لا لا. ..اقتباس:
المشاركة الأصلية كتبت بواسطة gabr_sayed
ده ايه الهنا ده اتنين اير باجاقتباس:
المشاركة الأصلية كتبت بواسطة sherifboo
الموضوع ان العربيه داخله دماغي اوي خصوصا اني ساكن في منطقه كلها طرق مكسره ومطبات تودي السجن
وبالنسبالي العلو شيء اساسي مع عوامل الامان وامام الحجات دي ممكن استغني عن شوية اوبشن تانيه مش موجوده في الاستيب واي
بس المشكله ان انا سواقتي غبيه وبدوس اوي علي العربيه اللي معايا يا تري الستيب واي معاك تستحمل الجري والهرس والسرعات العاليه ولا ايه الدنيا
العربية دي خشنة بتفكرني باسكودا فليشيا ....هيا اصلا معمولة عشان الهرس و الطرق الغير ممهدة. ...اعمل عليها سيرش على اليوتيوب وانت تشوف بعاملوها ازاي ...هتصعب عليك :)
sherifboo
الله يطمنك يا شريف انت بكل كلمه بتقولها بتقنعني بيها اكتر
بس ولاد التييييت مش موجوده في ولا معرض عشان الواحد يشوفها لايف ولا حتي بشوفها في الشارع انا شفت السانديرو بس مره او اتنين كده وكمان لازم احجزها وتيجي بئا حسب الظروف بعد 4 شهور او اكتر وانا بعت عربتي من شهر وبصراحه عامل زي التايه من غير عربيه
تحيه للجميع و كل عام و انتم طيبين..
شكرا احمد عبد رحمن علي ذوقك...البريوش ده عل فكره معجنات بتتعمل جنبها بيض ف شم النسيم...هي حادقه بس مرشوش فوقها سكر..تجمع النقيضين بدون ما نفسك تجزع..
سامح سورور...شكرا اخي و الاخ شريف رد بشكل افضل ..خصوصا انني ما ليش ف التفاصيل الفنيه...
بس المتاكد ان مش هينزل منها اوتوماتيك و لو بعد 100 سنه لانهم لو عملوا كده...هيضربوا الداستر ف مقتل....لان كثير من التقارير الفنيه يرونها اخت صغري للداستر ...
اخ جابر فعلا ليس امامي هذه االايام طريق ينفع اسوق فيه اكثر من 80-90 بكثيره...لذا ملاحظتي علي الثبات من واقع الملفات...اليوتيرن..
اخي شريف...العربيه ده كل ما اقابل واحد راكبها نتبادل ابتسامه خفيفه...روابط خاصه...فمرحبا برابطه جديده تربطنا...الجميله ستيب واي...
الواكس هو الشمع....يتعمل ف بنزينه موبيل سموحه...45 جنيه...ده غير ثمن الغسله...مش فاكر بجد كام ....الحركه ده بتتعمل مره كل شهرين و اللا حاجه....بتخلي العربيه لونها ما ينطفيش بسهوله و بتعمل طبقه واقيه من الحك ...الي درجه ما لانني اري ان هناك شئ سلبي في دهان الرينو المغربي......و الله الحافظ
العربيه بتنزل دلوقت..واحده اير باج..و مكان الايرباج الثاني عملوه رف ف التابلوه...
الملحوظه الاخيره...الحجز في المعارض...مثل الطارق بيوفر وقت كبير....الطارق جابهالي بعد 6-7 اسابيع...بس اغلي 1500 جنيه...و كانوا محترمين انهم حرصوا علي ترخيصا 2013 مش 2012....
تحياتي للجميع...
هيا فعلا مش منتشرة اوي داخل القاهرةسواء في المعارض او في الشارع بس انا كنت في اسكندرية من حوالي اسبوعين السانديرو هناك موجودة بصورة تخليك تقتنع بيهابس عشان منتشرة كدة هناك ........ كنت مبسوط اوي الصراحة :M_yes[1]: واحساس التوهان من غير عربية ده انا حسيت بيه بس لمدة 6 شهوور عدو عليا سنيين فعلا احساس صعب ... حاول تشوف او تحجز من اي موزع معتمد بيبقى اسرع شوية من الاستلام من التوكيل لانه لما اي دفعة بتوصل بتتوزع على الموزعيين الاول عشان المكسب... و عشان كدة دايما تلاقي كلمة تسليم فوري عندهم .... ويبقى طمني عملت ايه يا باشا و كل سنة انت طيب ..اقتباس:
المشاركة الأصلية كتبت بواسطة gabr_sayed
كل سنة و حضرتك طيباقتباس:
المشاركة الأصلية كتبت بواسطة pharma1975