الله يبارك فيك وانا مبسوط انى وسط ناس محترمه
وكل سنه وانت طيب وعيد سعيد
ألف مبروك و ربنا يباركلك فيها يا باشا
الف مبروك عليك
وكل سنه وانت طيب
واحنا مبسوطين انك هاتعيد مع الصنى الجديدة وانك استلمت على خير .. وتخيل لو كنت اصريت على قرارك بالغاء الحجز ما كنتش بقيت واحد من عيلتنا :bye2:
عن نفسى اول 1000 كم ما شغلتش التكييف بتاتا الا للتجربة انه شغال وقت الاستلام وفقط
عملت اول 1000 كم فى 5 ايام لأنى سافرت بيها حوالى 500 كم
وكنت ما بازودش الRPM عن 2-2.5 فقط
وفى الالف التانية بدات ازود شوية بشوية وانقل على 3 كحد اقصى
ودلوقت العربية ماشاء الله .. بانقل على اى RPM والتكييف طبعا انت جربته وعارف يعنى ايه تكييف نيسان (ربنا يديمها نعمة)
مفيش مشكلة تماما من تجاوزك لل1000 كم بدون تغيير الزيت والاصل فى اول صيانة هو تفعيل الضمان والكشف على كل جزء وتربيط اجزاء العفشة لأن العربية بتكون لسه خارجة من المصنع ومحتاجة اعادة تربيط من الاستعمال فى الشوارع
وقولت لحضرتك معاك بحد اقصى ل1800-2000كم قبل الصيانة
فلا تفسد اجازتك وفسحة العيد
وضرورى تكلم 16244 لتفعيل الضمان طالما رخصت وموضوع الدفتر ده مع المعرض اللى استلمت منه (كل اللى استلم نيسان اى طراز عمل كده .. والموضوع بسيط جدااااااا)
الف مبروك و ربنا يديلك خيرها و يكفيك شرها و اهلا بيك معانا. ابقى أحجز ميعاد للصيانه بعد العيد او لو تقدر أحجز بكره علشان تستفيد من خصومات الصيانه على المصنعيات و قطع الغير بمناسبه رمضان لو لحقت. هى صيانه الالف صيانه سريعه و ما بتاخدش وقت و ممكن يعملوهالك بعد الافطار فى حاله لو كنت هتعمل صيانه بس و معندكش ملاحظات اما لو عندك ملاحظات لازم توديها الصبح و الكلام ده فى السبع و على اسوأ الظروف لو ما لحقتش يبقى بعد العيد مش مشكله خالص
الف مبروك
ربنا يديك خيرها ويكفيك شرها
اولا كل سنة و انت طيب يا اخ زمبو (بقى كنت ناوى تسيب الصنى يا راجل و تبقى زمبو على جمبو؟؟ ههه)
الف الف مبروك و الله انا كنت بتضايق لما باشوف الموضوع بتاعك و انك لغيت الحجز
عموما خير و ربنا يديك خيرها و يكفيك شرها و يجعلها ادم سعد عليك
بقول لك ايه؟؟؟ ما تكلمهم و تقول لهم على موضوع الصيانة و انك هتسييييب الالف بشوية و شوف هما حيقولوا ايه؟؟؟ ارمى الكرة فى ملعبهم و اقطع الشك باليقين
الف مبروك على الاستلام وعقبال ما استلم ... ادعولي اني استلم بعد العيد ... لاني فعلا زهقت من الانتظار من 27 /6 .. وفقدت الامل في الاستلام قبل العيد !!!