السلام عليكم النهاردة موضوع عن تركيب الفلتر والبلوف الى جابها مشكوراً أ/ يوسف عوض لية كل الشكر على تعبة . وعقبال الاجازة الجاية ومفاجأة تانية
1- نبتدى بالفلتر، مكانة خلف درج القفازات فى تابلوة العربية: الفلتر شكلة كويس وفية اسفنج على الجنبين وفى التركيب بيكون عرضة مناسب على قد درج الفلتر. نخش على الفلتر صورة الكتابة على وش الفلتر من الامام
Uploaded with
ImageShack.us
والاهم صنع فى اليابان
Uploaded with ImageShack.us
الفلتر معاة كتيب صغير فية شرح كيفية التركيب - وبصراحة معتمدش علية لانة بيطلب فك الدرج والفبر الى حوالية بالكامل، والحمد الله ركبتة بعد فك الدرج فقط.
ثانياً التركيب
1- الاول فك درج التابلوة
والدرج ممسوك بكليبس من اليمين واليسار
يتشدوا لبرة ويبقى كدة الدرج التحرر من الاسفل،
ترفع الدرج لفوق ولبرة وتشيلة من المجرى الى فوق
ودة مكان المجرة
2- فك درج الفلتر
غطاء الدرج، ونلاحظ قطعتين مكتوب عليهم push ودول بيتشدوا لبرة وبعدين الغطاء بيتفك بسحبة لبرة ولتحت.
3- تركيب الفلتر ودة خد وقت لان لازم الفلتر يخش صح من غير معافرة وكان بيعافر معايا جداً وطلع انى بدخلة بزاوية مستقيمة (90 درجة) ومفروض يخش بزوية لتحت شوية وركب على طول. نقطة تانية مهمة جداً فية سنتين تحت الفلتر - لازم الفلتر يريح عليهم مش وراهم.
4- تركيب درج الفلتر، نعكس الخطوة 2 وندوس على القطعتين push وخلصت.
5- تركيب درج التابلوة نعكس الخطوة 1 ونكون خلصنا.
الانطباع:
صوت التكيف هدى عن الاول، درجة البرودة لم تتاثر. الروائح لم يختبر ولكن فية ريحة معدن على السرعات الواطية مازالت موجودة، اعتقد جاية من التابلوة. عموماً انا كمان اسبوع هبقى اطلعة واشوف اخبارة اية.
نجى للبلوف، وهو عبارة عن صامولة لمسمار العجل - طب اية الفرق بينها وبين الصامولة العادية - الفرق فى راس الصامولة. لازم تتفك بالقطة المخصصة فقط - اللقمة الى فى النص - وغير كدة مستحيل يتفك، لان الصامولة مش مشرشرة ولكن تلتها املس والباقى فى مجرة بمقاسات مختلفة. هو صناعة تايوان وخامتة كويسة - واضح من وزنة.
بعد التركيب
وغطاء الطاسة بيركب علية بشكل جيد جداً.
الانطباع
البلوف كويسة جداً ومستحيل - مستحيل - فكها من عير اللقمة بتاعتها.
اللقمة بتركب على اى مفتاح عجل عادة ومدرجة بسنون علشان تركب على اكتر من مقاس تقريباً 26، 27، 28. بس السن لكل كقاس صغير نسبياً وممكن مع الفك والتركيب السن يفوت وساعتها الله اعلم ممكن تفك العجلة ازاى.
والسلام ختام
المفضلات