عرض للطباعة
السلام عليكم ورحمه اللّه وبركاته
-انا معايا كورولا 2007 والفوانيس عدسات ومركب زينون 35w تقريبا 4000k والنور مش علي مزاجي النهارده كنت علي المحور باليل 2 تقريبا وكانوا طافيين النور وكان النور مش كاشف قوي فقررت اغير لما لقيت معدي من جنبي الفئه الخامسه ماشاء اللّه نورها سحر
-انا عارف ان الموديول اللي فيها هيكون غالي جدا انا عايز حاجه قريبه منه ونورها يكون في الجون كده والسعر في اللحنين
وشكرا لاحلي اعضاء منتديات سيارات
لو عاوز حاجه تنور قوى ومش مهم زينون او هالوجين انصحك بالموضوع ده مقارنه القرن (تونجسرام 140/100 ) vs (نيرفا 100/90)
شكرا ليك يا ميدو بس اللي انا اعرفه ان الزينون افضل من الهالوجين
- يعني انت رايك ارجع للهالوجين مره اخري بكتاوت وخلاص
الزينون افضل واستهلاكة وتحميلة كهربيا علي البطارية والدينامو اقل
-هو الزينون ممكن يكون محتاج كتاوت ولا هو علي المديول فقط ولا يحتاج الي كتاوت
المشكله بس ان الزينون الى هنا غالى و مضروب و بياخد وقت على مايسخن و كمان اللمض بتفصل ده للمعرفة بس
-لا هو مش بيفصل وبقاله 8 شهور ولا اتحرقت لمبه ولا اي حاجه بس النور مش عاجبني انا عايز حاجه تكشفلي كيلو قدامي من الاخر
-يعني يكون فاخر من الاخر
يبقى دور على عضو يكون عنده زينون و شكر فيه و بينصح بيه الاعضاء ...ده لو لاقيتاقتباس:
المشاركة الأصلية كتبت بواسطة toyota4arab
كلامك مضبوط بس فية حاجات برضة صيني بس جودتها عالية زي الزينون الاصلي بالضبط المهم المكان اللي بتشتري منة يكون عنده ضمير ويتقي الله فيكاقتباس:
المشاركة الأصلية كتبت بواسطة midooo_119
وعلي فكرة الزينون ما بيحتجش كتاوت وبيركب الميديول (زي اللمبة النيون ستارتر +ترانس) علي الاسلاك اللي رايحة علي الكشافات الامامية وطبعا تغذية اضافية من البطارية وحلاوته بقي لا بيضرب مفاتيح النور ولا بيبوظ ذراع النور ابدا وبقولك لاني اتعورت كتير في ذراع النور بتاع الكروما ومش حاوصفلك ندرة قطع الغيار الاصلية عاملة فيا اية بس هاقولك اية فقري بربابة بقي ومزاج متخلف
انتم ايه رايكم في ده
https://fbcdn-sphotos-g-a.akamaihd.n...97106774_n.jpg
متابع >>>
متابع
شوف عند حماده غزي
كان عنده نوع اسمه كوبرا و الناس بتشكر فيه
نصيحه لوجه الله لصاحب الموضوع ماتجربش حاجه غير لما يكون عضو مركبها عنده وتشوفها بعينك عشان هنا ممكن يقلولك جرب وفى الاخر تلبس
بالتوفيق ان شاء الله و تلاقى الى انت بتدور عليه :w6266d
امين يا رب واديني بدور
أنا مجرب الزينون ده
و عاجبني و شايفه كويس جداً ، مش عارف موجود منه في السوق ولاّ لاء
آخر مرة شفته عند أدريان الهرم من أقل من سنة و سألته عليه كان عامل حوالي 600 ~ 700 جنيه
و كان عنده ساعتها كوبرا و قاللي عليه كويس بس أنا كان معايا البوش ده من الأول
اقتباس:
المشاركة الأصلية كتبت بواسطة midooo_119
السلام عليكم
لاجل الامانه انا لا جربت ولا ركبت , انا عاوز أجيب عدستين الاول :]
بس كان فيه موضوع هنا عن الزينون و صاحب الموضوع عامل مقارنه و كان النوع ده من الي هو بينصح بيه
غير انني حماده غزي بضاعته نضيفه, هو حراق شويه بس الغالي رخيص
اللهم بلغت اللهم فأشهد
طب ايه وضع المرور الايام دي مع الزينون ؟
كله واحد ومفيش اصلى دلوقتى والمرور مفيش مشاكل .
مين اللي قال ان المرور مش بيدور على الزينون اليومين دول انا لسة معدي من كمين والعربيات اللي مركبة زنون كانت بتتمسك