محتار بين الكيا والرينو والهيونداي ممكن تنصحوني ؟

السلام عليكم

كل عام وانتم بخير جميعا وعيد سعيد عليكم ان شاء الله :)

الصراحة انا اول مره في حياتي افكر اشتري عربيه ومحتار وطمعان واملي في ربنا كبير ان الاقي اللي يدلني من اعضاء نايل موتورز الكرام

وبصراحة واقع في حيرة بين 4 عربيات
رينو لوجان
رينو سانديرو
كيا بيكانتو
هيونداي أي 10

وبصراحة ميال اوي للسانديرو بس شوفتها فيديوهات لكن عمري ما شوفتها على الحقيقة فمش عارف هي شبه الهيونداي الماتريكس كده ولا اصغر وكمان انا غاوي الهاتش باك بصراحة

فالموضوع بقى عامل زي كأنك بتدور على عروسة وخايف تقدم رجل :d

فانتوا ايه رأيكوا يا جماعة اللي مجرب او عنده خبره بالموضوع ياريت يدلني ويبقى جزاه الله كل خير

رينو سانديرو

اصغر من الماتريكس شويه بسيطة بس اكبر من اللوجان

خليك فى الكيا بيكانتو احسن

والدتى معاها هيونداى فيرنا هيه كويسة (كماركة)

وبعدين هيونداى وكيا مش فرق كبير (لان هيونداى تملك جزء من كيا)

انا طول عمرى بحس ان رينو عربية محترمة جدا

وبما انك بتقول ميال للهاتشباك يبقى خليك فى الرينو اى واحدة من ال 2

وربنا يكرمك

sandero

السلام عليكم

أولا بالنسبة للرينو سيارة محترمة جدا و كأنك راكب مرسيدس . مريحة جدا . مشكلتها الأساسية فى مصر قطع غيارها الغالية جدا . عن غيرها من السيارات و أكيد هتحتاج قطع غيار كتير لأنك فى مصر :) . و ده عن تجربة صديقة مقربة لى .

بالنسبة للكيا و الهيونداى فهما مناسبين لمصر و فكر كمان فى دايو شيفوليه .

ياريت تطلع الهيونداى ال i 10 برة المقارنة خالص لان دية سوزوكى التو بس انضف شوية موتورها 1100 يا باشا سوقها تقيل قطع غيارها نادرة صغيرة جدا من جوة مش لاقيلها ميزة غير لواحدة بنت لسة بتتعلم السواقة جديد طبعا مينفعش خالص تقف جمب السانديرو و اللوجان
انا افضل الرينو طبعا هتعرف معناها لما تركبها و تحبها عربية محترمة جدا معمرة جدا اكتر من الهيونداى بمراحل عن تجربة الاتنين زيرو
لو ميال للسانديرو و فلوس حضرتك تسمح زود و هات السانديرو الستيب واى تحفة اكبر من العادية شوية و منظرها انضف بكتير فى الحجم لكبير دة و الصغيرة حلوة جدا برضة بس ل ما تكبر منظرها بيبقى احلى لو خايف من موضوع قطع الغيار و اعادة البيع يبقى تجيب اللوجان مع انى سمعت ان قطع غيار السانديرو بتاعت اللوجان معادا الصاج بس و الفوانيس

هيونداي أو كيا عربيات ليها سوق في مصر ومش هتتبهدل معاهم.