-
طلب مساعدة مستعجلة جدا
ازيكو يا رجالة ... أتمنى بجد حد يفيدنى عشان المشكلة رخمة حبتين
أنا اتفقت امبارح مع راجل على ابيزا 94 على 30000 ج و رايح المفروض أخلص النهاردة
تم الكشف بواسطة ميكانيكى معرفة و الحالة جيدة الحمد لله مش ناقص غير الكشف فى بنزينة بكرة و نمضى العقد ان شاء الله...
المشكلة بقى ان العربية فيها لمبة مؤشر البنزين منورة على طول و القراية دايما e ... فى الأول قاللى كل اللى هحتاجه ان كهربائى نضيف يشوفها و قاللى هيملهالى و انا واقف ... كلام جميل
لما سألت حد ليه تجربة سابقة فى نفس المشكلة بس مع فيليشيا 97 قاللى انو راح لأكتر من 5 كهربائية و محدش عرف يعملها... , ولحد دلوقتى زى ما هيا
يا ريت حد صاحب تجربة سابقة يفيدنى لأنى كما ذكرت رايح أخلص النهاردة و عايز أبقى مطمن...
و ياريت لو حد كمان يدلنى على كهربائى نضيف قريب من منطقة الهرم
ياريت يا جماعة اللى عنده أى معلومة و لو صغيرة يفيدنى و شكرا :)
-
دى مش مشكلة تخليك متشتريش العربية مادامت ميكانيكيا وعفشة كويسة
دى غالبا حساس عوامة التنك بتاع البنزين أو حاجة تانية ليها علاقة بالعوامـــــة
أنا رأيي إنك تشترى العربية وبلااااش الخوف الزائد
-
بلاس تعزب نفسك لو أنت شكاك قوى اتفق مع صاحبها طالما هو عارف أنة عيب صغير خلية يصلحها هو وادفلو ثمن التصليح وخلاض وبلاش الشك الجامد دة أى عربيى مستعملة لازم تلاقى فيها عيوب غير ظهرة ومش هيعرفها حتى الخبراء ولازم تعمل حسابك على كدة المهم الحالة العامة والاساسات تكون سليمة أنت مش بتشترى عربية زيرو
-
العوامه استيراد كلها علي بعضها ب 100 جنيه في الحرفين
-
عادي يا باشا كل دي حاجات بسيطة، المهم تكون العربية أساسياتها و موتورها كويسين. ممكن بقى تبص على الكاوتش و الصالون تجرب العفشة تمام ولا. انما العوامة دي مش مستاهلة كلام لأنها يا إما العوامة و زي ما قال الأخوة بتعمل 100 جنيه يا إما العداد نفسة و برضه حيكون في حدود 200 جنيه
Content Relevant URLs by
vBSEO 3.6.0 PL2