الموضوع: مشاركات خارج موضوع ( هل أنت راضي عن أداء عربيتك الألنترا 2012 )

بصراحه ياجماعه الانترا عربيه تحفه وانا غيرت عربيات كتير وفى رأيى ان العربيه واسعه ومريحه وناعمه وشيك وموضوع الباور ده ميزه مش عيب لانى لما بركب عربيه اخرى بعدها بحس انها مش باور خالص وبالنسبه للثبات كل الكورى واليابانى فى هذه الفئه بعد ال150 ثباته مش اوى وكمان بصراحه انا فضلتها على البومه وربنا يكفيكم شر العين

متابع!

يا ريت من الزملاع المشاركين لو يشوفوا الموضوع ده و يحاولوا يردوا عليه وهو عن صوت الباور الكهرباء هو زنه بس ولا فى اصوات تانيهhttp://www.nilemotors.net/Nile/284813-2012.html

المشاركة الأصلية كتبت بواسطة Amrgamal1

انا مش من ملاك العربيه بس لو تسمحلي اقول رأي لانها مع واحد صاحبي وسوقتها كتير
اول مره سوقتها كانت لسه عامله 300 كيلو
طبعا كنت موهوم بشكلها بس لما اعدت جواها وانا سايقها لقيت خامه الطابلوه سيئه جدا وفرش الصالون والابواب خفيف
ولما سوقتها بقي عجبني بصراحه طالعه العربيه .. اكيد عشان زيرو بردو ف كل حاجه تمام والطلعه كانت كويسه
من طلعتها حسيت انها هتجيب ال 100 بسرعه ..بس خادت وقت
ولما جريت بيها لقيتها خفيفه جداااااااا علي الطريق والباور خفيف اوي حسيت ان العربيه مافيش ثبات خالص واصغر ظلطه في الارض بتخلي الدريكسون يلعب
قولت يمكن عشان مش متعود عليها لقيت بعدها ب اسبوع صاحبي كان سافر بيها اسكندريه
بيقولي الطريق كان مفتوح بس ماعرفتش اجري خوفت من العربيه بعد ال 120 بتبقي خفيفه اوي
المهم
-فتحت الكبوت اتفرج علي الموتور لقيت الصاج خفيف جداااا وضعيف والكبوت خفيف ومافهوش عزل للموتور
-الباور بتاعها عجبتني اوي وانا بركن ممكن تحركه بصباع واحد عادي
ودي ميزه حلوه اوي في الركن بس ع الطريق عيب مش ميزة زي ما قولت
-والعربيه واطيه جدا كمان علي الارض.. كنت انا وصاحبي بس اللي في العربيه وحكيت في مطب بعدي عليه كل يوم بعربيتي مع انها واطيه بردو بس مش بتحك زي ما الالنترا حكت كدا
-عجبني كمان التكييف اوي تلاجه بصراحه كنت عامله علي 3 كنت بتكتك من البرد بس مش عارف في الشمس يبقي شديد كدا ولا لأ

من الاخر العربيه المُجمل بتاعها ك شكل حلو بس المضمون مش حلو خالص و سعرها كتير اوي عليها بصراحه

عمر أهلاً بيك معانا وكنت أتمنى رأيك يكون من واقع تجربة فعلية للعربية مش من مرتين تلاتة .... تعليقاً على ردك في العربية تسمحلي أعلق على بعض النقاط :

- خامات التابلوة مش سيئة جداً زي ما قلت هي بلاستيك ولكن في جزء كبير من تابلوه العربية ومن الأبواب من الجلد المضغوط وهو الجزء الأسود في التابلوه والأبواب زي ما بتوضح الصورة :

- بالنسبة لتسارع العربية ل 100 فمش هرد على النقطة دي الفيديو يوضح أكتر :

‫تسارع ألنترا 2012 أوتو‬‎ - YouTube

- بالنسبة لباور العربية وثباتها لحد 200 ممتاز وعن تجربة فعلية حتة أن أقل زلطة بتخلي الدركسيون يلعب واسعة أوي .... راجع الموضوعات التالية :

http://www.nilemotors.net/Nile/279859-200.html

http://www.nilemotors.net/Nile/277148-2012.html

- بالنسبة لصاج الموتور فحضرتك لو فاكر أن تقل الصاج ونشوفيته ميزة تبقى محتاج تراجع معلوماتك الهندسية لأن الفكر الجديد في كل العربيات تخفيف الصاج لتخفيف وزن السيارة وبالتالي زيادة سرعتها بالأضافة لزيادة أمتصاص الصدمات وتقليل أحتمالية الأصابة .

- بالنسبة لماتور العربية أتحداك لو قعدت جوا العربية وقفلت الباب وسمعت صوت الماتور واللي أنت عاوزه الماتور ده من أهم مميزاته أنه سايلنت .


- العربية مش واطية أطلاقاً خاصة بقى وأنت معاك واحد صاحبك أنا محكتش مني الا مرة واحدة الحمد لله وكان معايا أوزان ضخمة جداً في العربية وعدد الأفراد خمسة مع مطب عالي .

المشاركة الأصلية كتبت بواسطة john55

ايه رايك في خامه دهان الالنترا انا بصراحه معايا اكسنت ار بي حاسس ان طبقه الدهان خفيفه واي حاجه لو بسيطه بتحك فيها بتعلم عليها بخطوط بيضاء خفيفه وشكرا