المشاركة الأصلية كتبت بواسطة se_coralsea
ايه يا جماعة ...
أغيب كام يوم أرجع ألاقي الموضوع مولع كده
عموما اللي ركب العربية مرة أو مرتين مش هايقدر يقييمها تقييم مظبوط زي اللي ركبها و عمل بيها 20000 كم في طرق مختلفة و تحت ظروف مختلفة برضه و جرب بيها مواقف حقيقية مش مصطنعة
طبعا هذا لاينفي أحترامنا للاخوة من خارج القسم الذين ينقدون السيارة و لكن لماذا دائما النقد يتحول الي المقارنة بسيارة اخري ؟؟
عموما سيارات هوندا سيارات محترمة و أنا شخصيا فكرت في أقتناء احداها و لكني بعد التجربة تراجعت لأني لم أشعر بأنها سيارة متميزة كما كنت أتوقع
عموما و بعد تجربة قاسية النهاردة لألنترا hd و ليست md
و من القاهرة الي جبل الزيت (طريق الغردقة) ذهابا و عودة و طبعا تعمدت أن أقطع ملفات السخنة الحادة بأقصي سرعة و صلت الي 120 كم/ساعة في بعض الملفات الحادة
بالاضافة الي ذلك كانت هناك عاصفة ترابية شديدة علي طريق السخنة / القطامية ششاهدنا خلالها السيارات و خاصة المرتفعة تتمايل و كنا نحن نسير 160 كم/ساعة
عايز أقول ان العربية كان فيها 3 اشخاص و حقيبة وزنها 8 كجم و أخري كبيرة
العربية ألنترا 2008 مانيوال
عاملة 167800 كم
- الثبات : ممتاااااااااااااااااااااا ااااز (ملفات حادة - هواء شديد)
- الفرامل : جيدة جدا
- أستجابة المحرك : ممتااااااااااااازة
العيب الوحيد هو أنها كانت بتحك في المطبات المرتفعة عند كمين الزعفرانة و بوابات طريق القطامية / السخنة
و علي فكرة كان أمامنا في البوابات هوندا سيفيك و طبعا حكت في المطب حكة التنييييين لدرجة أني لما سمعت صوت الحكة أفتكرت أن العربية أتقسمت نصين
مش مهم بقي كل التحليلات و النظريات و الاحساس لخبراء القيادة لأن الكلام اللي بأقوله ده بأقوله عن تجربة فعلية لعربيتين من اهم عربيات هيونداي في مصر (ألنترا md و النترا hd ) من خلال مشاوير سفر فعلية و تحميل و ظروف طقس و طريق مش غرز و سبرينتات و كلام أنا مش فاهم أيه لازمته لواحد جايب عربية علشان يقضي بيها مشاويره و يسافر بيها
و لو هانقييم بمبدأ الفورميلا وان بتاع بعض الناس يبقي يكفي اني وصلت قبل كل العربيات الياباني و الألماني اللي عديتها علي الطريق و مش مهم بقي يكون العيب في العربيات دي أنها مش قادرة تجري في جو زي ده أو أن اللي سايقها مش عارف أمكانياتها و دفع فلوس زيادة في حاجة هو مش عارف يستغلها في حين ان واحد زي حالاتي دفع فلوس اقل في عربية متواضعة الامكانيات لكن عرف أزاي يعدي بيها وسط الظروف دي و يوصل بسلام و برضه قبل الماركات الواااااو دي