عرض للطباعة
اولا كل عام وانتم جميعا بخير وان شاء الله عيد سعيد عالجميع
نويت باذن الله اشد اللانوس بعد العيد اتفقت مع سمكرى وجنبه بتاع دوكو بس دى اول مره فى حياتى اشد عربيه وخايف انسى اعمل حاجه كل الى فى زهنى سمكره ودوكو وكمان جنوط اسبور 14 وكاوتش جديد ايه الى ممكن اعمله وهى العربيه فى الحاله دى يعنى ايه ممكن يتعمل فى الارضيه او السقف او الفرش او الموتور اى شئ ممكن يجى على بالكم بحيث يبقى رفع كفاءة السياره وشدتها صح ياريت محدش يبخل علينا بالنصح والافكر وخصوصا الى دخلو المعمعه دى قبل كده وشكرا للجميع
اولا : السمكرة
خلى السمكرى يمر على العربية كلها ويدور على اى برومة يعملهالك ... مع ظبط وش العربية والعتب ... وماتنساش يبص تحت العربية كمان
ثانيا : البوهيجى
خلى البوهيجى يستلم العربية من السمكرى ... واول حاجة يطهرها ويرش فيلر علشان يبين لو فى حاجة عايزة تتظبط عند السمكرى تانى ... وبعد كده سيبهاله يشتغل فيها
ثالثا : الفرش
لو الفرش عندك متبهدل يبقى فكه قبل البوهيجى وديه لسروجى يظبطهولك عقبال ما البوية تخلص
رابعا : الماكينة و العافشة
لو الماكينة عندك فيها شغل يبقى لما البوهيجى يرش الفيلر البطئ النهائى خد العربية ووديها للميكانيكى والعفشجى يمروا عليها قبل الرش
خامسا: الكهرباء
بعد ما تخلص شغل فى العربية خالص روح لكهربائى يمر على العربية ... فى كتير من الاحيان - من المياه وشغل البوهيجى - فى سلوك بتملح او فيوز يضرب
سادسا : الزيادات
تركيب الجنوط - طقم صوت - زينون ..... الخ دا يبقى فى الاخر خالص
ملاحظات
بعد رش العربية ... البوهيجى هايطفيها ويلمعها .... قبل ما يلمعها تانى ... خد العربية للسمكرى يمر عليها ...
ركب فرش العربية
ركب الفوانيس
بص على كل جزء من العربية ولاحظ اى شكل غري فى البوية - بوية خفيفة - ورنيش مسيل -عفرة .... وتقول للبوهيجى عليها
البوهيجى هايعملك اى ملاحظات وبعدين هايلمع تانى ... وربنا يباركلك فيها
:tumb::tumb::tumb::tumb::tumb:اقتباس:
المشاركة الأصلية كتبت بواسطة VANTROY