الموضوع: استهلاك البنزين توحش - اوبترا

ساعات كمان بيبقى فى تأخير فى التدويرة، انا شاكك انها ال injectors ؟ انتو رأيكو ايه؟.
ايه يا رجالة مفيش واحد بيحب الاوبترا يقولى ايه النظام؟

انا كان عندي نفس مشكلتك بالضبط ودوخت بيها و الله لغاية مكتشفت ان حساس الشكمان هو السبب هو كان بيقرا كويس علي الجهاز بس معدلو مش مظبوط يعني بيقرا و يقطع تاني المهم سالت عليه في الحرفين لقيتو ب 140 جنية و اشتريتو جديد لان الصنايعي اللي كان شغال فيها قالي الجديد احسن هما كلهم بيقرو بس الجديد احسن في الاستهلاك انا قولت بدل موفر في تمنو واللي هوفرو هحط بي بنزين فاشترتو جديد وعلي فكرة انا عملت العربية في مركز الصفا اللي لية اعلان هنا في المنتدي جرب كدة و شوف الحساس ده ان شاء الله هو السبب لان دلوقتي عندي العربية تمام و مفيش مشكلة في سحب البنزين خالص جرب و طمني

إكشف بالكمبوتر عند حد محترف و بردو حط في العربية إنجكشن كلينر و طمنا

شكرا لمشاركتكم.. انا هشوف حساس الشكمان ممكن يكون السبب
البوجيهات لسه جديدة بس معرفش حالة البوابات.. بحط 92 من محطة موبيل مش بغيرها ابدا وعمرى ما اشتكيت منها وبعدين جربت امارات مصر عشان قلت يمكن العيب فى المحطة بس برده نفس النتيجة.. العربية ماشية 90 الف و معمول كل صيانتها بس انا فى اخر صيانة بتاعة ال 80 الف ماغسلتش ال injectors على اساس انى مشتكيتش منها...

و كل سنة وانتم طيبين و عيد سعيد عليكم وعلى الاسرة :)

انا جبتو من الراعي في مصر والسودان تقريبا كان ب 480 ولقيت المستعمل ارخص من كدة بكتير بس انا قولت الجديد احسن لان الفني اللي في مركز الصفا قالي هاتو جديد احسن

يا جماعة الصفيحة دلوقتى بتعمل 166 كيلو باستخدام التكييف طول الوقت، ده كويس ولا وحش؟