الموضوع: عملت حادثة! , و سؤال مهم ..

المشاركة الأصلية كتبت بواسطة weka9

معايا هوندا أكورد موديل 90 ..

و كنت عامل بيها حادثة ,, جابت معايا كبوت و ريداتير و فوانيس و شوية فكى كده فى النص .. و طبعا دوخت


السبع دوخات عليهم ,, لان العربية دى قطع غيارها نادرة جدا ,, فا قولت أسأل إخوتنا هنا يمكن يكون حد

بيواجه نفس مشكلتى و لقالها حل ,,

عمتا انا كنت عايز دلوقتى تيل فرامل امامى .. لان اللى معايا خلصان بقاله شهر او اكتر و العربية بتصفر ..

عارف انه غلط بس هعمل ايه .. و الباور فاصل من بعد الحادثة و مش مكسور ولا فيه حاجة بس فصل و مش لاقيله حل و كل اللى يشوفه يقولى هات واحد جديد ...

و طبعا استويت من الميكانيكية لانى مش لاقى حد فاهم فيها و كله بيحور ...

يا ترى حد بيواجه الموضوع ده ولا الحل ايه لانها بجد خنقتنى ..

حضرتك بالنسبة لقطع الغيار ممكن تلاقيها عند حفنى فى عمارات السعودية فى حدائق القبة او توشكى فى الحرفيين
وبالنسبة لماكينة الباور المشكلة عند حضرتك فى طلمبة الباور نفسها ولا فى السير ولا خزنة الباور اتخرمت؟؟

بالنسبة لقطع الغيار الخاص بالنوع دة :-
1- البخاري في الكيت كات (33443061)
2-حفني عمارات السعودية السواح (22597434)
3-مجدي دسوقي الحرفيين(01223406486)
4-علاء حفني صقر قريش(01008861112)
بالنسبة للميكانيكي :-
1- عصام في الحرفيين شغلة ممتاز و اسعارة معقولة (01118482079)
2- جاسم الحرفيين (متعاملتش معاه بس في ناس بتشكر فية)
ياريت تكتب لي نمرة تلفونك علشان اقدر اتابع معاك و افيدك اكتر و ان شاء الله تعدي علي خير ما تقلقش

حضرتك بالنسبة لقطع الغيار ممكن تلاقيها عند حفنى فى عمارات السعودية فى حدائق القبة او توشكى فى الحرفيين
وبالنسبة لماكينة الباور المشكلة عند حضرتك فى طلمبة الباور نفسها ولا فى السير ولا خزنة الباور اتخرمت؟؟

شكرا يا باشا ,, و أعتقد ان المشكلة فة الطلمبة نفسها بس المشكلة انها سليمة من بره ..

بالنسبة لقطع الغيار الخاص بالنوع دة :-
1- البخاري في الكيت كات (33443061)
2-حفني عمارات السعودية السواح (22597434)
3-مجدي دسوقي الحرفيين(01223406486)
4-علاء حفني صقر قريش(01008861112)
بالنسبة للميكانيكي :-
1- عصام في الحرفيين شغلة ممتاز و اسعارة معقولة (01118482079)
2- جاسم الحرفيين (متعاملتش معاه بس في ناس بتشكر فية)
ياريت تكتب لي نمرة تلفونك علشان اقدر اتابع معاك و افيدك اكتر و ان شاء الله تعدي علي خير ما تقلقش

الف شكر للرد الوافى ,, و انا ان شاء الله هتصل بالارقام و أسأل على اللى ناقصنى و ان شاء الله يطلع الموضوع بسيط .. بس مشكلتى ان انا من الاسماعيلية يعنى متسوح جامد فا لازم اجمع الطلبات و اتاكد انها عند الناس دى عشان اسافرلها مرة واحدة ,, شكرا مرة تانية

بلاش جاااااااااااااسم هيقولك مش بشتغل غير في السيفيك وهو تقريبا من العيله المالكة فا بالتالي العيادة بتاعته ليها مواعيد .
حفني هيبعتك يا اما هاني وتامر اللي في الشارع عنده دول اخوات وكانو شغالين في التوكيل وفاهمين هما بيعملو ايه بس حراقيييييين جدا جدا جدا .
يا اما هيبعتك عند علاء اللي في الاميرية و ده أنا متعاملتش معاه

المشاركة الأصلية كتبت بواسطة ahmedeihab

اعذرنى انا معاك فى كل اللى انت قلته ده

بس عصام اسعاره معقوله دى مش ممكن ابدا ابدا ابدا

لان مشاكلى كلها مع عصام بسبب المصنعيه

جاسم حلو و حراق بردو

منصحكش بأى ميكانيكى فى الحرفيين علشان كلهم تيييييييييييييييييت

و هيدخوك ال 7 دوخات

عم حفنى هو اللى هينصحك بميكانيكى للعربيه دى

لان حفنى راجل بيخاف ربنا و بيتقى ربنا فى شغله

دى نصيحه لوجه الله من تجربتى من الميكانيكيا دول

^_^

بص هو انا اتعملت معاه مرة واحدة كان سعرة مش وحش ورحت له بعد ما قعدنا كلنا انا و انت و المهندس سامح و استاذ حمدي و استاذ سنهوري نقارن بين عصام و جاسم و انت برضه اتكلمت علي موضوع المصنعية دي و في الاخر رسينا علي عصام تقريبا ...بس ياريت تقولي علي تجربتك معاه علشان بس نستفاد ياريت و سؤال كمان هو عم حفني اللي هو بتاع محلات حفني اللي في ميدان السواح ؟

المشاركة الأصلية كتبت بواسطة weka9

الف شكر للرد الوافى ,, و انا ان شاء الله هتصل بالارقام و أسأل على اللى ناقصنى و ان شاء الله يطلع الموضوع بسيط .. بس مشكلتى ان انا من الاسماعيلية يعنى متسوح جامد فا لازم اجمع الطلبات و اتاكد انها عند الناس دى عشان اسافرلها مرة واحدة ,, شكرا مرة تانية

العفو يا باشا و انا ان شاء الله هتابع معاك علي منتدي هنا و ياريت تبقي تطمنا