ليه بس كده
انت الوحيد اللي زعلان من الماروتي التي تثير اعجاب ماليكيها
عرض للطباعة
هوا مش زعلان منها هوا قرفان منها :) بس عشان بيقارنها بنيسان ماهو مؤكد النيسان تكسب
بص يابشمهندس زى ما قالت الناس دى العربية مفيهاش حاجه تتقال عليها تانى لو مقتنع بيها يبقى جيبها وحط فى بطنك بطيخه اربع مواسم مش صيفى بس وهيا معايا موديل 2012 وعاوز اقولك ببقى بتمنى مشوار يجيلى عشان امشى بيها :)
وبالتوفيق
طب ما طبيعى انك تحس ان النيسان احسن طالما انك عندك نيسان و ماروتى
و بعدين شوف النيسان بكام و الماروتى بكام و كل واحد على قد ظروفه و الحمد لله على كل حال يعنى الماروتى ممتازة بالنسبة لسعرها و بالنسبة للتوفير فى البنزين و قطع الغيار يعنى تناسب شاب او اسره صغيره و بعدين مش عارف الناس ليه حاسه ان ال 40 الف دول بيطبعوا فى البيت مهو مبلغ بردو مش قليل بالنسبة لبعض الناس و فى نفس الوقت مبلغ تافه بالنسبة لناس تانيه
يا ريت نتكلم بأسلوب احسن من كدا مش مثلا ادخل منتدى عربية معينة و اشتم فيها يعنى نراعى انها عاجبه الناس و انا اولهم
شعبنا شعب طبقى من الدرجة الاولى
الا من عصم ربى
الف شكر وعلي بركة الله وقريبا جدا ساكون من مالكي الماروتي باذن الله تعالي
انتظروني
السلام عليكم والف شكرا لاصحاب الردود كلهم وللمنتدي العظيم
أحب أقول إنى بفضل الله لسه عامل بيها مشوار العيد من القاهرة الجديدة لحد المنوفية أكتر من 120 كيلو فى شوط واحد. هوه صحيح الوقت كان بدرى من 6 ل 8 الصبح بس مكنش فيه أى مشاكل بفضل الله و مؤشر الحرارة معداش النص أساسا
بس يا ريت حضرتك (صاحب الموضوع) برضه للتأكيد تبقى تفتكر تغير وضعية مدخل هوا الكربيراتير على الوضع الصيفى و حسب المانيوال بتاع الماروتى الوضع الشتوى بيكون لما متوسط حرارة الجو يقل عن 15 مئوية يعنى أغلب السنة فى مصر صيفى ...إلا إذا كنت حضرتك من سكان المحافظات البحرية المحظوظة ههههههه
و أحب أأمن على حكاية السرعة..كنت عالزراعى نازل من كوبرى بنها الكبير اللى معدى فرع النيل و على 85 يدوب و فيه فى المنزل تمويجة فى آخره خلت العجلة يدوب حرفت منى العربية مقدار 5 - 10 سم يمين...فالموضوع جد مش هزار لأن الماروتى فعلا خفيفة يدوب 650 كيلو من غير أحمال
و ربنا يسلم لحضرتك طريقك
صحيح فكرتونى بالنسبة للوضع الصيفى والشتوى ده الواحد يغيرو على حسب امتى يعنى اعرف ازاى ان لازم اغيره فى الشتا ... اسمع احوال الطقس ولو المذيعه قالت البسو تقيل انزل ساعتها اغيرها شتوى ولا اعمل ايه
الف شكر للجميع
ولو حد من الاعضاء عاوز يبيع او يعرف حد عاوز يبيع ماروتي كسر الزيرو او من 2008 وطالع بس تكون حالتها ممتازة ومضمونه يا ريت يبلغني
وايه اهم حاجه اهتم بالتاكد منها عند شراء العربيه دي مستعمله
اتفضل يا باشا اتمني الموضوع ده يفيديك
تعالوا نعرف نعمل ايه لما نيجي نستلم عربية جديدة او مستعملة
http://www.nilemotors.net/Nile/244408-a.html
بس زي ما مبقول دايما ده ميغنيش عن وجود ميكانيكي ثقة و فاهم