تحذير .. المرة دي بجد

**eng.m7md.ali** · 16-08-2012 08:06 PM

انا اسف جدا للادارة لان الموضوع ده ملوش علاقة بالسيارات بس قولت احاول احذر اكبر عدد من الاعضاء عن اللي حصل

الحكاية
ان النهاردة دخلت صيدلية اجيب دوا لقيت واحدة كبيرة والدكتورة بيتكلمو في موضوع حصل في البيت بتاعهم
بيت الست دي ورا العمارة اللي انا ساكن فيها علطول
اللي سمعته كالتالي:
وهما قاعدين فجأة كل الاجهزة الكهربائية اللي في البيت باظت
والكلام ده مش عندها هيا بس ده في كل العمارة اللي هيا ساكنة فيها
انا مش فاهم تفسير الموضوع ده بس من الواضح ان حصل مشكلة في الكهربة وجالهم كهربة عالية هيا اللي عملت الموضوع ده
الست دي باظ عندها تلاجة وغسالة وتليفزيون وتكييف والله اعلم باقي الناس حصل ايه عندهم
عشان كدة كان واجب التحذير من الموضوع ده لحد ماربنا يسترها ويفرجها من اللي احنا فيه
وخلو بالكو بلاش تستعملو التكييفات من الريموت وخليها احسن من الزورار بتاعه اللي بيبقى في الحيطة ونفس الكلام على التليفزيونات لما تخلص التلفزيون وتقفله تشيل الفيشة ..

**kar!m** · 16-08-2012 08:24 PM

بس المفروض الأجهزة الكهربية بيكون فيها فيوز لما التيار بيزيد .. الفيوز بيتحرق و بيفصل الكهربا عن بقية الدايره.

لو على الفيوز تبقى بسيطة.

**ahmad--ezzat** · 16-08-2012 08:33 PM

الاجهزه مصصمه ان لو جه تيار عالي يبقي في حمايه

الشعب المصري يموووت في الفشر

**Amr Axel** · 16-08-2012 08:34 PM

شكرا للتحذير
ساعات يا باشا بيكون فيه تلميس في اسلاك العمارة اللي طالعة من البوكس تحت و ماشية داخل الحيطة و بتؤدي ان مثلا تلاجة تبوظ تليفزون لمبات و ممكن تلاقي الموضوع ده في دور او اتنين و ممكن الباقي لأ و ممكن كله ع حسب مدي قدم العمارة و الاسلاك اللي فيها
و المفروض ان الفيوزات الاجهزة عامة مصممة ان مهمتها تفصل في اي مشكلة تحصل من النوع ده فالموضوع مش داخل دماغي ان كل الاجهزة ضربت و العمارة كلها حتي لو الكهربا جت عالية و طالما اتنين ستات قاعدين اعرف انه اي هبل في الجبل ههههههههه
عند قرايبي بعيد عنكم العمارة ولعت بسبب الكهربا و الاسلاك و مع ذلك الاجهزة محصلهاش حاجة

**eng.m7md.ali** · 16-08-2012 08:41 PM

بصو يا جدعان
انا حصلي موقف من حوالي 4 سنين
كنت برة والنور كل شوية يقطع ويجي يقطع ويجي يقطع ويجي في البيت على حسب كلام الجيران
رجعت لقيت الديب فريزر بايظ والتليفزيون .. ده ممكن يكون حاجة شبه دي؟

**wael_power** · 16-08-2012 11:10 PM

المشاركة الأصلية كتبت بواسطة kar!m

بس المفروض الأجهزة الكهربية بيكون فيها فيوز لما التيار بيزيد .. الفيوز بيتحرق و بيفصل الكهربا عن بقية الدايره.

لو على الفيوز تبقى بسيطة.

الفيوز بيحمي من زيادة التيار "الامبير" فقط ,لكن اللي بيحرق الاجهزة في الحالة ديه زيادة فرق الجهد "الفولت"
وديه مشاكل فنيه بتحدث بانقطاع وصلة التعادل للمحول اللي بيغذي المنطقة او العمارة, وبذلك يتقسم الجهد ال3 فاز 380فولت بدون تساوي علي الاحمال فيسبب حرق بعض الاجهزة حسب فرق الجهد الموصل اليه
الحل ان يتعمل نظام ارضي للعمارة ويتربط بكابل التعادل علشان لو فصل طرف التعادل القادم من الشبكة يقوم بتعويضة شبكة الارضي للعمارة
او تركيب فولت ريجولتور لعمومي الشقة وده هيكون مكلف شويه لو في احمال عالية تكيفات وسخانات وخلافه وده هيقوم بتثبيت الجهد في حاله الزيادة او النقصان خاصة ان نقص الجهد ايضا يحرق المحركات وليس الزيادة فقط

**exelence** · 16-08-2012 11:46 PM

يا اخواننا الفيوز بتحمى الأجهزة فى حالة وجود قفلة يعنى التيار بيكون كبير جداااا" فى الوقت ده و الا ما كانش الناس يجيبو استابليزر علشان يثبتو قيمة الكهرباء بحيث لا تزيد ولا تقل
لكن لما الكهرباء بتزيد شويه ممكن حاجات تانيه تتحرق عادة" بتبقى المحولات فى حالة الكاسيت و التليفزيون مثلا" او بتلاقى مكثف الشحن بيضرب و هكذا

**Astra200** · 17-08-2012 12:40 AM

ما فيش حاجة بتحمي من زيادة الفولت -- يعني من 220 ل 380 --- علشان مش معمول حساب حاجة زي كده

الستابيلايزر بينظم الفولت بحيث يثبته علي +/- 20 % مثلا من الداخل -- لكن المنظم نفسه ممك يتحرق لو دخل عليه فولت عالي

الفيوز جوه الجهاز ممكن يتحرق بس بعد ما يكون اللي جوه الجهاز اتحرق هو كمان

الحماية انك تفصل الأجهزة بعد انقطاع التيار --

**AhmedBahgat** · 17-08-2012 03:31 AM

إيه ده إنتو عندكوا كهربا ؟؟؟ :))))

الموضوع: تحذير .. المرة دي بجد

LinkBack

أدوات الموضوع

عرض

تحذير .. المرة دي بجد - انشر الموضوع فى :

-

-

-

-

-

المواضيع المتشابهه

المرة دى مش مقارنه عاديه عشان شراء (المرة دى مقارنه للثقافة) الميكروباص و الملاكى

المرة دى اطفال وبس

يا رب , تيبو المرة دى !!!!!!!

الكلمات الدلالية لهذا الموضوع

المفضلات

المفضلات

ضوابط المشاركة