دايهاتسو تيريوس 2009 خليجى تقفيل يابانى
عرض للطباعة
دايهاتسو تيريوس 2009 خليجى تقفيل يابانى
تقفيل استرالي
الحمد لله رب العالمين
تويوتا كورولا- موديل 2009 - صناعة جنوب أفريقى - الفئه هاى لاين
قشقاى تقفيل انجليزى
حاجه غريبه اوى..انا افهم ان العربيه اليابانى تقفيل اليابان..ماشى
او تتقفل فى بلد العماله فيها رخيصه(مصر-الصين-الهند.....)
انما مش فاهم ابدا يابانى تقفل انجليزى او فرنساوى دى!!!!!!!!!!!!!!!!
نيسان صنى 2004 تقفيل يابانى
اليابان
اليابان لجئت للتصنيع في أوروبا بشكل عام نتيجة سياسات الحظر اللي عاملها الاتحاد الأوروبي على المنتجات اليابانية
اللي معظم الناس ما تعرفوش... إن الاتحاد الأوروبي في الثمانينات وضع نظام حصص للاستيراد هدفه الحفاظ على صناعة السيارات الأوروبية من غزو الصناعة اليابانية... وحدد حصة السيارات ذات المنشأ الياباني بما لا يزيد عن 15%.. وأحيانا وصلت 13%
في الوقت ده لجئت المصانع اليابانية للأبواب الخلفية... يعني تصنيع سيارات يابانية داخل الاتحاد الأوروبي... وكده تبقى صناعة أوروبية
أول شركة لجئت للموضوع ده كانت هوندا... لما فتحت أول مصنع ياباني للسيارات في أوروبا في انجلترا سنة 1987 على ما أذكر.. وده كان بالتعاون مع شركة روفر الانجليزية
وبعديها بسنتين تلاتة .. نيسان لحقتها وتويوتا كمان
طيب إشمعنى انجلترا هي اللي بدءوا بيها
انجلترا طول عمرها قلعة من قلاع صناعة السيارات... وفيها خبرات وإمكانيات كبيرة في الصناعة دي.. بس للأسف... بتعاني من حوالي 40 سنة مع مشاكل في اعتمادية عربياتها وكمان ملائمتها لمتطلبات الزباين... وبدأت شركات كتير قوي تفلس وتقفل
طيب... إيه حكاية فرنسا؟؟؟؟
فرنسا بالنسبة لصناعة السيارات الأوروبية هي مصدر للأفكار الجديدة والموضة في السيارات... لو حد فاكر... رينو هي أول شركة في العالم نزلت عربية كروس أوفر أو ميني فان للأسر الصغيرة (رينو إسباس Espace)
والفرنساويين كمان من أكتر شعوب أوروبا اهتماما بالسيارات عموما ورياضة السيارات خصوصا، فيبقى ضروري جدا إن اليابانيين يتواجدوا في فرنسا عشان يتعرفوا أكتر على الذوق الأوروبي في السيارات ويعملوا عربيات ترضي ذوق الأوروبيين
أول عربية من تويوتا اتعملت في فرنسا كانت التويوتا يارس (الهاتشباك) .... هي أصلا اتصممت هناك ... ومن ساعتها اليارس منافس قوي في أسواق أوروبا.
الشركات اليابانية ليها مصانع في كل مكان في العالم... وعلى سبيل المثال :
أمريكا... فيها مصانع لتويوتا.. هوندا.. نيسان.. مازدا
أستراليا... فيها مصانع لتويوتا
ولو أخدنا تويوتا لوحدها.. توزيع مصانعها خارج اليابان (حسب القارات):
آسيا : إندونيسيا - الفلبين - تايلاند - الصين - باكستان - الهند - فيتنام
أوروبا: بلجيكا - فرنسا - البرتغال - روسيا - تركيا - بريطانيا - التشيك
أمريكا: الأرجنتين - البرازيل - كندا - كولومبيا - المكسيك - الولايات المتحدة - الولايات المتحدة
أفريقيا: جنوب أفريقيا - غانا - زيمبابوي - مصر
أوقيانوسيا: أستراليا
المصانع باللون الأزرق دي مصانع مملوكة بالكامل لتويوتا... والمصانع باللون الأحمر دي مصانع مشتركة أو تعاقدات على خطوط إنتاج
السوق بيحكم...
تعرف لو ما كانتش الجمارك عالية في مصر... ما كانش حد هييجي يجمع عربية هنا... المكسب هنا في الفرق بين تكلفة التصنيع وثمن البيع المغالى فيه بسبب جمارك السيارات المستوردة
...
لانسر في اليابان طبعا