استلمت الاوكتافيا 2013

**essamsultan780** · 16-08-2012 10:29 PM

السلام عليكم اخواني الكرام في احلى منتدى
اولا كل عام وانتم بخير بمناسبة قدوم عيد الفطر المبارك
ثانيا الحمد لله ربنا كرمنى واشتريت سكودا اوكتافيا 2013 لو دهبي ، الفئة الثانية - بدون جلد وفتحة سقف - بعد مقارانات ومناقشات وبحث طويل على مواقع وصفحات الانترنت المتخصصة في السيارات .
انا اعمل بالكويت واستلمت السيارة من اسبوع واحد ، ما شاء الله سيارة تحفة وكل يوم اسعد لامتلاكي لمثل هذه السيارة .
كان معايا سيارة نيسان مكسيما سبورت 300 سي سي ، ودي اديتنى انطباع ان الاوكتافيا بطة ، لكن اعلم ان مع الوقت هتعود عليها ،وخاصة بطئ الطلعة بتاعتها ، لكن حسيت بثبات السيارة وخاصة في الملفات ، وكمان عفشتها انعم من المكسيما لان المكسيما عفشه ناشفة رياضية ، لكن لسه ما جربتش الجري لانى في فترة التليين .
الصراحة عندي استفسارين من حضارتكم :
الاول انا بلاحظ ان الدركسيون فيه صوت خفيف وخاصة لما اكون ماشى على مهلي مش عارف دا علشان السيارة لسه في فترة التليين ولا ايه ؟
والثاني : فترة التسخين قد ايه قبل ما اطلع بالسيارة ؟
وشكرا لك ال هيشارك مقدما

**Youssef.Awad** · 17-08-2012 01:58 AM

10000000000000 مبرووووووووك يا زعيم ع العربية الجديدة
ربنا يباركلك فيها ويرزقها خيرها ويكفيك شرها

مستغرب ان حد كان راكب نيسان وماكسيما كمان .. يغير بس عزائنا انها اوكتافيا عربية محترمة برضه وشديدة

بالنسبة لوقت التسخين فى كل العربيات الجديدة لا ينصح بدوران المحرك لأكتر من 30 ثانية بدون حمل زى ما مكتوب فى الكتالوج الخاص بالعربية
لكن عن نفسى فى كل العربيات الزيرو اللى ركبتها سواء نيسان صنى بمصر او كيا سبورتاج بالسعودية مش باتحرك قبل ما مؤشر الحرارة يتحرك حاجة بسيطة من مكانه على البارد ..