مساعدة في شراء لوجان زيرو (مالكي السيارة فقط)
السلام عليكم ورحمة الله وبركاته ، وكل سنة وانتوا طيبين :)
أنا مقدم على شراء لوجان مانيوال فُل أوبشن 2012 أو 2013 أيهما أفضل ، ودي أول مره أشتري جديد وبصراحة قلقان.
مبدئياً ، أنا رحت التوكيل اللي في شارع 26 يوليو عند سور نادي الزماك وقابلت ممثل المبيعات اسمه عمرو أبو عوف وقاللي التسليم مش قبل شهر عشان اللي عنده كله محجوز والفترة دي ما تناسبنيش ، فكنت عايز مساعدتكم في الاتي:
1- هل في فرق في الفرز في حال اني أشتريها من الوكيل أو موزع أو معرض؟
2- ايه هو المعدل الطبيعي للكيلومتر اللي العربية بتكون مشيتة؟
3- تنصحوني أشرتيها منين؟ أنا ساكن في الجيزة الهرم ، هل حد سمع عن معرض أول الهرم اسمه Gear One ده معرض جنبي.
4- ما تبخلوش عليا بأي معلومة أو ملاحظة :) وربنا يبارك لكم.