انا اتصلت فعلا ب اوتو ايجبت بس هما خدوا رقم تليفوني و قالو لي هنتصل بيك
و طبعا نفضولي زي كل خدمات الشركات المصرية:Zb_sor1[1]:
ياريت لو حد يعرف توكيل تاني بس يكون محترم لأنهم في اوتو ايجيبت نفضولي زي ماوضحت
فين الملاك الجدد وانطباعتهم
الاسم : محمد على
الوظيفة : محاسب ببنك الاسكندرية
منطقة السكن : المطبعة - خلف المحكمة الدستورية
لون السيارة : اسود
السيارة كام الف كيلو : 4700 كم
بيتم المتابعة فى مركز صيانة : مودرن موتورز عند صيانة الالف - السبع عند 3000 كم عشان الزوايا - واخيرا مودرن موتورز لسا كمان اسبوع عشان صيانة ال 5000 كم
ماهى الاكسسورات اللى تم تركبها : ستارة للزجاج الخلفى - كسوة جلد للكراسيى الامامية والكنبة الخلفية - وفرش جلد للارض عشان لونها بيج - اشتريت جنوط oz مستعمل بس 15/205 بس مستنى ربنا يسهلها شوية واجيبله كاوتش نضيف
انطباعك عن السيارة بشكل مختصر :
مميزات : عائلية - موفرة جدا فى البنزين 9 لتر لكل 100 كم مع التكييف - فرامل هايلة - التكييف ممتاز " دا بعد متخانقت معاهم فى التوكيل عشان كان ضعيف جدا وبعدين ظبتوه بضمير فى السبع "
مشاكلها : فى عدم اتزان للسيارة على السرعات " مش عارف دا عندى بس ولا عند كل الناس لان واضح انى عندى مشكلة فى الزوايا وكل مظبتها تتنيل تانى يا ريت لو حد يفيدنى فى القصة دى" - صوت تزييق مع الفرامل " اللى فهمته ان فى قطعة ناقصة بتتركب حاليا عشان تعالج المشكلة دى " - فقيرة من جوة - كاوتش ماكسس حقير- سحب السياة بدون تكييف وبدون حمولة جيد جدا مع التكييف والحمولة جيد - وصلت بيها 195 كم وكانت العربية فيها ثلاثة والتكييف شغال " ربنا ستر الحمد لله " - عفشة ناشفة شوية " ممكن تكون بسبب الكاوتش " - حاجة غريبة بقى البوية قشرت فى حته كدا عند الشنطة بعد مغسلت العربية فى مرة فى البنزينه !!!!!!!!
اتمنى اكون فدتكم ويارييت تقولولى افضل مراكز الصيانة ايه انا جربت اه لكن مش لازم احكم من اول مرة :)
وعلى فكرة الناس اللى مستنية تستلم من التوكيل ... هتستنى كتير اوى , انا ريحت دماغى ودفت مبلغ زيادة مش هقول كام واستمتها فورى من معرض
الاسم :اسلام السيد
الوظيفة :مهندس بالقوات البحريه
منطقة السكن : الاسماعليه
لون السيارة : فراني
السيارة كام الف كيلو : 100
بيتم المتابعة فى مركز صيانة : هيتم اول باول ان شاء الله
ماهى الاكسسورات اللى تم تركبها : فرش جلد و طقم دوسات بس ناوي اخليها زي السوبر صالون ان شاء الله واحده واحده ( جنوط - سبويلر - فاميه - انذار - كاميرا خلفيه ) قريبا
انطباعك عن السيارة بشكل مختصر :انطباع مبدئ جميله جدا جدا وتكيفها تلاجه ووالاتوماتيك رائع وربنا يبارك
الاسم : محمد حسن
الوظيفة : محام
منطقة السكن : الجيزة
لون السيارة : أسود
السيارة كام الف كيلو : 445
بيتم المتابعة فى مركز صيانة : هيتم إن شاء الله أتو إيجبت أبو رواش
ماهى الاكسسورات اللى تم تركبها : فرش داخلى وأرضيه وشنطه
انطباعك عن السيارة بشكل مختصر : بسم الله ما شاء الله أنا فخور بعربيتى
الاسم. محمد كامل
الوظيفة: طالب بكلية الطب البشري
السكن. المنيا
لون السيارة. نبيتي
عدد الكيلوات: ٣٥٠
مراكز الخدمة المتعامل معها: لسة
الانطباع ما شاء الله عربية جميلة و مبسوط ان والدي اختارها الحمد لله.
الف مليون مبروك يا شباب .. ومنورنا فى قسم نيسان
الاسم :حنفي حسن
الوظيفة :مهندس
منطقة السكن :حلوان
لون السيارة : اسود
السيارة كام الف كيلو :١٦٠٠
بيتم المتابعة فى مركز صيانة :السبع
ماهى الاكسسورات اللى تم تركبها :فرش جلد
انطباعك عن السيارة بشكل مختصر :السيارة عملية ومناسبة للشارع المصري بس متضايق من سرعة عرض السوبر صالون وكان المفروض الصالون العادي والسوبر صالون ينزلوا في وقت واحد وللمشتري حق الاختيار لأني عندي قناعة أن أي إضافة مهما كان ثمنها الأفضل أن تكون من صناعة وتجميع صانع السيارة الأصلي