الموضوع: أرجو المساعدة من مالكى الماروتى

المشاركة الأصلية كتبت بواسطة mohamedhagrass

انت تأمر بسيطه جدا هنزل النهارده بعد العصر كدا علشان الحر بس اصورلك الحاجه واسجلك صوت الكاسيت وهو شغال
وده مميزات الكاسيت في اللنيك بتاع التوكيل
ct-888
وده صورته

مش متذكر السعر بالظبط لانه من سنه وشويه وممكن تلاقيه رخص الكاسيت معايا الحمد لله بسي
لو مش هتجيبه من توكيل او غيره خليه يتجرب الاول واسال ان كان فيه ضمان لاني جبته من غير ضمان
ووانتا بتجربه شغل الراديو والفلاشه والميموري والعب في الايكولايزر وجرب كل زرار في الريموت اصل
في بياعين معندهمش ضمير للاسف ووانت بتركبه اكد على الي بيركب يعزل الاسلاك كويس قوي ده الي نقلته من تجربتي في التركيب وخطاي وعلى فكره انتا ممكن تركبه بنفسك زي ما انا عملت بس هتلغي الولاعه
اما السماعات فا مش فاكر كان ايه نظامها كل الي اعرفه انها بيقولو عنها انضف الصيني وانا لما مسكتها حسيتها نضيفه شويه عن الانواع الي شفتها وجبتها ب 125 باين او 100 حاجه كدا مش متذكر
هما زي الفل معايا بسي اعتقد لو جبت سماعات احلى شويه هيكون الاداء اعلى بكتير
واعمل حساب تغير الرف لان بمعنى الكلمه الاداء بدون رف خشب ولا حاجه انا كنت الاول مضايق جدا منها
ولما ركبت الرف في اول رمضان فعلا حسيت اني مكنتش بسمع كاسيت عربيه فالاول وبالتوفيق

أنا عاجز عن الشكر لأنى مهما قولت مش حقدر أقديك حقك ومتشكر على نصايح حضرتك وان شاء الله أجيب زيه

المشاركة الأصلية كتبت بواسطة mohamedhagrass

على ايه مفيش حاجه ده واجب وانتا زي اخويا الكبير والله
وزي ما قلتلك انا من راي تجيب سماعات عاليه بايونير او سوني صحيح هما اغلى بسي الغالي تمنه فيه بجد صحيح السماعات معايا بقلها سنه وشويه بسي في ناس اشتكت منها وكمان احنا الشمس بتضرب في السماعات بطريقه غبيه وممكن تبوظها وده حصل معايا وصلحتها ب 5 جنيه وركبت حاجه زي رول فاميه بتحطها لما تركن وتقفلها لما تيجي تمشي وهيا مش غامقه قوي بشوف بيها عادي وانا جوه بسي بتحمي من الشمس جامد وفي حل تاني انه ممكن تجيب دول مؤقت وبعدين تركب جمبهم حاجه كبيره وفي سماعات ب 60 و 70 سيمفوني وناس بتقول حلوه ممكن تحطها مؤقتا ولما الكاشات تتوفر تجيب حاجه اعلى
وفي فيجا برضو زي الي معايا ب 90 بسي مش فاكر كام w الي معايا 400w
وربنا يوفقق
على فكره انا عملت الفيديو والله بسي طلع حجمه 200 ميجا مش عارف ليه والنت عندي وحش اول ما يخلص رفع هضيفلك اللنك وبالتوفيق
لو تحب ممكن اسالك على السماعات ده بكام كلها وهتكون ارخص في التوفيقيه طبعا علشان هنا حاجه الغاليه 10 على الاقل بعد الفصال :@

والله مش عارف أودى جمايلك دى كلها فين يا زوق وربنا يخليك لينا وانت فعلا أخوبا بس انت الكبير ومتشكر جدا على المعلومات الجميله دى