نيسان قشقاى ولا bmw x1 مستعملة ؟؟

السلام عليكم
أنا عضو جديد فى هذا المنتدى الرائع المفيد جدا بأعضائه الكرام
وكان عندى استفسار كلفنى البحث عنه الجهد الكثير

ان شاء الله بعد العيد هنشترى سيارة
وكنا بنفكر نجيب سيارة عالية
فلما قرأت عن نيسان قشقاى وعرفت ان تجربة القيادة الخاصة بها رائعة وتفوق الوصف
1- من الناحية الديناميكية فتقنية cvt تجعل من القيادة شيئا محبوبا
2- من ناحية الكماليات (البانوراما + اضاءة زينون + فرش الجلد + البلوتوث + الجنوط 17" + ..... الخ)
هذه الامكانيات وغيرها تجعل من السيارة منافسا قويا لأعتى الشركات
والسعر طبعا 195 كما هو معروف

ولكن الألمانى يؤلمنى ههههههههه
أقصد أن التقنية الألمانية المتجسدة فى bmw تجعل منك بندولا عند التفكير فى شراء أى سيارة
وكنت قد وجدت على الانترنت مجموعة من السيارات المستعملة من فئة x1 طبعا 2012 الفئة العالية
(بانوراما + فرش جلد صناعى + مقصورة بى ام الرحبة الغنية عن التعريف + ....... الخ )
والسيارة سعرها يتراوح من 275 الى 300


ومع الوضع فى الاعتبار أن عائلتنا مكونة من خمسة أفراد متوسطى الحجم

أيهما نقتنى !!
هل من ناصح أمين ؟؟

مافيش وجه مقارنه بين الاتنين
دي حاجه ودي حاجه تانيه خالص
دي خامات ودي خامات
وطبعا دي مصاريف ودي مصاريف
لو مش فارق معاك مصاريف البي ام اكيد هنقولك هاتها لو مش ماشيه كتير
لو نفسك في زيرو
يبقى قاشقاي :)

اقتباس:

---

المشاركة الأصلية كتبت بواسطة abdulkhaleq

مافيش وجه مقارنه بين الاتنين
دي حاجه ودي حاجه تانيه خالص
دي خامات ودي خامات
وطبعا دي مصاريف ودي مصاريف
لو مش فارق معاك مصاريف البي ام اكيد هنقولك هاتها لو مش ماشيه كتير
لو نفسك في زيرو
يبقى قاشقاي :)

---

من ناحية الخامات أعتقد الاتنين متكافئتين بل قشقاى تتفوق من وجهة نظرى
والبنزين أعتقد الاتنين يمشوا ب 92
البى ام مثلا عاملة حوالى 23000 كيلو
بس صاحبها بيقول مفيش خدش
لكن البى ام لا تحتوى على اضاءة زينون ولا يمكن اضافتها الى الكشافات
مش حكاية نفسى فى زيرو ولا لا
الموضوع ان احنا بندور على سيارة محترمة وغير مفرطة فى السعر

وجزاك الله خيرا على الرد

مبدأيا الاختيارين مختلفين تماماً و فئتين مختلفتين كمان و بصراحه مش لاقى وجه تشابه بين الاتنين غير انهم شاسيه SUV . ال X1 مبدأيا 2000 cc. اما ال قشقاى 1600 cc
. فرق السعر بين الاتنين كبير قوى فالقشقاى الزيرو بتلتين تمن ال X1 المستعمله ( المواصفات اللى حضرتك عايزها فى ال X1 الكويسه فعليا بعد الكشف و المعاينه بتتًراوح بين 280 و 300 الف لو كسر زيرو فعلى يعنى فرق سعر ١٠٠ الف جنيه دول يجيبوا عربيه تانيه)
- موتور و ثبات و امان اكيد فى صالح ال X1
- استهلاك بنزين و اسعار قطع غيار و الضريبه و توكيل فى صالح القشقاى
- الخساره عند اعاده البيع فى القشقاى افضل
- بالنسبه الوسع الداخلى الاتنين ان شاء الله هيستوعبوا الاسره ان شاء الله فدى مش مشكله
- مقارنه زيرو قاشقاى مع كسر زيرو X1 برضه مش مؤثره لان الكام الف ب X1 و لا حاجه تعتبر زيرو برضه

هو من وجهه نظرى المتواضعة الفرق الواضح قوى و اللى يفرق فى السعر غير الماركه طبعا هو الموتور ، هل حضرتك عايز ١٦٠٠ و لا ٢٠٠٠ لان ده مربط الفرس. صحيح ان فرق الجوده بصفه عامه اكيد هيكون فى صالح ال X1 لكن برضه القاشقاى امكانياتها كويسه و مش ضايعه من ناحيه الثبات و الامان و الرفاهيه و ان كانت الاقل و لذلك فالفارق الرئيسى اللى حضرتك هتدفع فيه اغلبيه فرق السعر بين الاتنين هيكون الموتور تحديدا

اقتباس:

---

المشاركة الأصلية كتبت بواسطة Land_Cruiser

مبدأيا الاختيارين مختلفين تماماً و فئتين مختلفتين كمان و بصراحه مش لاقى وجه تشابه بين الاتنين غير انهم شاسيه SUV . ال X1 مبدأيا 2000 cc. اما ال قشقاى 1600 cc
. فرق السعر بين الاتنين كبير قوى فالقشقاى الزيرو بتلتين تمن ال X1 المستعمله ( المواصفات اللى حضرتك عايزها فى ال X1 الكويسه فعليا بعد الكشف و المعاينه بتتًراوح بين 280 و 300 الف لو كسر زيرو فعلى يعنى فرق سعر ١٠٠ الف جنيه دول يجيبوا عربيه تانيه)
- موتور و ثبات و امان اكيد فى صالح ال X1
- استهلاك بنزين و اسعار قطع غيار و الضريبه و توكيل فى صالح القشقاى
- الخساره عند اعاده البيع فى القشقاى افضل
- بالنسبه الوسع الداخلى الاتنين ان شاء الله هيستوعبوا الاسره ان شاء الله فدى مش مشكله
- مقارنه زيرو قاشقاى مع كسر زيرو X1 برضه مش مؤثره لان الكام الف ب X1 و لا حاجه تعتبر زيرو برضه

هو من وجهه نظرى المتواضعة الفرق الواضح قوى و اللى يفرق فى السعر غير الماركه طبعا هو الموتور ، هل حضرتك عايز ١٦٠٠ و لا ٢٠٠٠ لان ده مربط الفرس. صحيح ان فرق الجوده بصفه عامه اكيد هيكون فى صالح ال X1 لكن برضه القاشقاى امكانياتها كويسه و مش ضايعه من ناحيه الثبات و الامان و الرفاهيه و ان كانت الاقل و لذلك فالفارق الرئيسى اللى حضرتك هتدفع فيه اغلبيه فرق السعر بين الاتنين هيكون الموتور تحديدا

---

أولا بشكر حضرتك جدا على الرد الجميل
وعلى لفت الانتباه الى أن جوهر المقارنة فى الموتور
البى ام خلفى أكيد مش رباعى
والقشقاى أمامى أكيد مش رباعى
موضوع الموتور أكيد طبعا هنفضل ال 2000 cc
لكن موضوع استهلاك البنزين أكيد هنفضل 1600 cc
الا اذا كانت بى ام موفرة للبنزين
من ناحية الجودة فى التصنيع ف بى ام تفوز بلا شك
أما من ناحية الكماليات أعتقد أن القشقاى تتقدم
لكن فى النهاية زادت حيرتى
عذرا طبعا بس دى الحقيقة
خايف أشترى البى ام أندم انى دفعت الفلوس دى كلها فى عربية وتطلع ناقصة فى الآخر شوية كماليات يأثروا على ركوبة السيارة ؟؟
وخايف أشترى القشقاى أندم انى فرطت فى البى ام بجمالها وثباتها وقوتها ؟؟

جزاك الله خيرا على الرد المميز .

لو حضرتك عايز رأيي خليك فى القاشقاى. عربيه كويسه و عمليه ما شاء الله و الناس بتشكر فيها و كمالياتها و توكيلها و سعرها معقول و بعدين لو حضرتك معاك فلوس زياده شيلها على جنب و ممكن كمان سنتين تلاته لو حبيت تغير ل بى ام تبقى تبيع القاشقاى و تكمل على تمنها و تجيب اللى انت عايزه و هى هتبقى ماسكه سعر لكن ال x1 لما تيجى تبيعها هتخسر فيها مبلغ برضه ده غير ان قطع غيارها غاليه بطبيعه الحال. الموضوع كله يتوقف على توافر الفلوس يعنى و ان شاء الله القشقاى تعجبك بعد الاستخدام و ما تفرطش فيها

اقتباس:

---

المشاركة الأصلية كتبت بواسطة land_cruiser

لو حضرتك عايز رأيي خليك فى القاشقاى. عربيه كويسه و عمليه ما شاء الله و الناس بتشكر فيها و كمالياتها و توكيلها و سعرها معقول و بعدين لو حضرتك معاك فلوس زياده شيلها على جنب و ممكن كمان سنتين تلاته لو حبيت تغير ل بى ام تبقى تبيع القاشقاى و تكمل على تمنها و تجيب اللى انت عايزه و هى هتبقى ماسكه سعر لكن ال x1 لما تيجى تبيعها هتخسر فيها مبلغ برضه ده غير ان قطع غيارها غاليه بطبيعه الحال. الموضوع كله يتوقف على توافر الفلوس يعنى و ان شاء الله القشقاى تعجبك بعد الاستخدام و ما تفرطش فيها

---

جزاك الله خيرا
وكنت متوقع ان حضرتك لو رديت تانى هتقول كده
ان شاء الله الراجح بالنسبة لنا جميعا هى القشقاى
ولكن لما اتصلنا على توكيل السبع قال الاسبوع اللى بعد العيد مباشرة هينزل موديل 2013
قلنا خلاص خلينا نشوف 2013 يمكن يكون أفضل من 2012 ويكون كمالياته أعلى
أو ممكن يكون غالى فنفضل على 2012

أخيرا دمت بود

القاشقاى صفقة رابحة اكتر وقطع غيارها ليس باهظة مثل البى ام وطبعا كماليات وعملية واقتصادية واكبر حاجة بسيطة من الx1

اقتباس:

---

المشاركة الأصلية كتبت بواسطة youssef.awad

القاشقاى صفقة رابحة اكتر وقطع غيارها ليس باهظة مثل البى ام وطبعا كماليات وعملية واقتصادية واكبر حاجة بسيطة من الx1

---

جزاك الله خيرا على النصيحة الغالية
وان شاء الله الراجح لدينا هى القشقاى
دمت بود

أنا عن نفسى أختار قاشقاى
الx1 ركوبة تانية خااالص
بس حرام أدفع كل ده فى x1 غير البنزين و الصيانات و قطع الغيار

اقتباس:

---

المشاركة الأصلية كتبت بواسطة omar61995

أنا عن نفسى أختار قاشقاى
الx1 ركوبة تانية خااالص
بس حرام أدفع كل ده فى x1 غير البنزين و الصيانات و قطع الغيار

---

ربنا يرزقك الأحسن منها ان شاء الله
ومتشكر جدا على رأيك
فعلا بى إم غالية بس لو فاتتنى ممكن أزعل انى مفكرتش كويس
على العموم الأمر قيد التفكير
دمت بود

عشان متحيرش نفسك
لو مش فارق معاك الفلوس يبقى اكس 1 طبعا لان مفيش وجه للمقارنة بينها وبين قشقاى
لو عاوز عربية كويسة جدا وعاوز توفر فرق السعر يبقى هات قشقاى لانها ممتازة جداا ..بس الفكرة انى مينفعش اقارن الاهلى ببرشلونة خالص دى حاجة ودى حاجة

اقتباس:

---

المشاركة الأصلية كتبت بواسطة mohaismail

عشان متحيرش نفسك
لو مش فارق معاك الفلوس يبقى اكس 1 طبعا لان مفيش وجه للمقارنة بينها وبين قشقاى
لو عاوز عربية كويسة جدا وعاوز توفر فرق السعر يبقى هات قشقاى لانها ممتازة جداا ..بس الفكرة انى مينفعش اقارن الاهلى ببرشلونة خالص دى حاجة ودى حاجة

---

هو أكيد الفلوس فارقة .......ههههههههه
انما لو العربية تستاهل يبقى مفيش مشكلة
انما أنا أقصد ان السيارة مش كاملة يعنى ينقصها مثلا الاضاءة الزينون كما ينقصها فرش الجلد الطبيعى
وبعدين لا أخفيك سرا أنا مش مصدق كمية البى ام اكس 1 المعروضة للبيع استعمال وكلها مشيت تقريبا 20 الف بس
دى مش حاجة تقلق !!
بس حلوة حتة الأهلى وبرشلونة دى
هههههههههههه
على العموم جارى البحث أكثر عن مميزات وعيوب اكس 1 للتأكد

وجزاك الله خيرا على الرد المقنع
دمت بود

هما فين ال x1 الكتار اللى معروضين للبيع دول؟

انا شايف 5-6 بس على موقع كونتاكت كارز

اقتباس:

---

المشاركة الأصلية كتبت بواسطة maskeen

هما فين ال x1 الكتار اللى معروضين للبيع دول؟

انا شايف 5-6 بس على موقع كونتاكت كارز

---

كان عندنا هنا فى المنصورة واحدة معروضة للبيع كانت عاملة 23 الف كيلو
واللى موجودين على موقع كونتاكت
أعتقد ان العدد ده مش قليل بالنسبة لسيارة بى ام
فى حين ان أودى مثلا من يمتلكها لا يفرط فيها ودى ألمانى ودى ألمانى
يعنى حضرتك شايف ان السيارة مش معيوبة ؟؟
أنا والله باخد آراء مش بنقل قناعاتى
ياريت رأى حضرتك لأنه أكيد يهمنى

خلاص لو هتدفع الفارق لو االعربية تستاهل يبقى بدون تردد بى ام اكس 1 طبعاااااااااااااااااااااا
وعندك اعلى فئة فيها كل حاجة ب315000
زى ما قلتلك مينفعش اقارن بين العربيتين نهائى الا لو هدخل الفلوس فى المقارنة

اقتباس:

---

المشاركة الأصلية كتبت بواسطة mohaismail

خلاص لو هتدفع الفارق لو االعربية تستاهل يبقى بدون تردد بى ام اكس 1 طبعاااااااااااااااااااااا
وعندك اعلى فئة فيها كل حاجة ب315000
زى ما قلتلك مينفعش اقارن بين العربيتين نهائى الا لو هدخل الفلوس فى المقارنة

---

هو صاحب العربية بيقول مفيش فيها خدش
وموديل 2012 ومشيت 20 الف كيلو وأعلى فئة طبعا
بيقول 285 الف
مش غالية كده ولا ايه
الفلوس ان شاء الله مش هتفرق طالما هندفع فى حاجة تستاهل
بس هيا دى الفكرة
وعموما نصيحتك قيد الاعتبار
وان شاء الله هعرض الأمر على والدى وهنستخير وربنا يقدم اللى فيه الخير
دمت بود

يافندم انا والله بسأل بس مش قصدى اى حاجه

انا شايف ان وجود 5-6 عربيات كسر زيرو لا يعنى بالضروره وجود عيوب
هى ممكن سياسه تسويقيه من بى ام لانهم ممنوع ينزلوا بسعر الزيرو
يقوموا يدوا العربيات لكبار الموظفين بدل البونس السنوى لمدة كام شهر وهما يبيعوها على انها كسر زيرو بتخفيض محترم وبكده يبقوا تخلصوا من المخزون..لان العربيه اكيد سعرها العادل اقل من المعلن ب 40-50 الف..بس دى سياسة سوق وحرب مع مرسيدس واودى
الحكايه دى موجوده بشده ف الفئه الخامسه..لو دورت هايجيلك ذهول من كم الفئه الخامسه موديل 2011 و2012 المعروضين وبتخفيض من 80-120 الف جنيه وتلاقى العربيه ماشيه 10 الاف بس
لان سعر الزيرو اللى بيبتدى من 530 الف ده تهريج رسمى بس لازم يلتزموا بيه عشان يبقوا فى نفس مستوى سعر المرسيدس ال e والاودى a6

اقتباس:

---

المشاركة الأصلية كتبت بواسطة maskeen

يافندم انا والله بسأل بس مش قصدى اى حاجه

انا شايف ان وجود 5-6 عربيات كسر زيرو لا يعنى بالضروره وجود عيوب
هى ممكن سياسه تسويقيه من بى ام لانهم ممنوع ينزلوا بسعر الزيرو
يقوموا يدوا العربيات لكبار الموظفين بدل البونس السنوى لمدة كام شهر وهما يبيعوها على انها كسر زيرو بتخفيض محترم وبكده يبقوا تخلصوا من المخزون..لان العربيه اكيد سعرها العادل اقل من المعلن ب 40-50 الف..بس دى سياسة سوق وحرب مع مرسيدس واودى
الحكايه دى موجوده بشده ف الفئه الخامسه..لو دورت هايجيلك ذهول من كم الفئه الخامسه موديل 2011 و2012 المعروضين وبتخفيض من 80-120 الف جنيه وتلاقى العربيه ماشيه 10 الاف بس
لان سعر الزيرو اللى بيبتدى من 530 الف ده تهريج رسمى بس لازم يلتزموا بيه عشان يبقوا فى نفس مستوى سعر المرسيدس ال e والاودى a6

---

ماشاء الله
من الواضح ان حضرتك متابع جيد لما فى السوق من سياسة بيع قبل أنواع السيارات
وفعلا بالنسبة لى معلومات جديدة وقيمة فى نفس الوقت
أحسنت وسلمت يداك

بس أغلب الظن الى الآن اننا هنشترى القشقاى موديل 2013 ان شاء الله هتنزل بعد العيد مباشرة

بجد متشكر لحضرتك على ردودك المميزة

نصيحتى بريليانس v5,واتفضل شوف التقرير على قسم البريليانس عربية تحفة معايا والله بجد رائعة والخيار ليك طبعا