الموضوع: رابطه مالكى accent RB

[QUOTE=toty_305;3874481255]-الحمد لله أنا مقتنع بيها عشان عارف أولها و أخرها ف مش بتوقع زياده قوي منها
-انا أول معايا أول فئه أوتوماتيك
-بس يعني مثلا الصوت اللي في الطابلوه ده يخنق جدا
-التسقيف ده يعني لما تيجي تدوس بنزين تسمع صوت ( تكتكه ) كأنك مسمار جوه علبه كانز كده و طبعا الصوت ده مع التكييف بتبقى حفله تكتكه و أنا و دني بتجيب أي همسه مش تمام في العربيه ف [/QUOTE k انا معنديش كدا خالص لا صوت طابلوه او التسقيف اللي انت شرحته بس لازم تشوف مشكله التسقيف علشان الموتور اكيد في تاثير عليه قلهم في التوكيل وخلي المهندس يركب معاك وسمعه اي مشكله تقبلك واكيد ليها حل وشكرا

السلام عليكم انا من ملاك العربية
عربيتى اول فئة اوتوماتيك اللون ازرق بيبسى
العربية عاملة خوالى 32000 كيلو لسة عامل صيانة 30000 .......
تقييمى للعربية ,, بعد فترة عشرة اشهر العربية ما شاء اللة عليها اقدر اقول بكل فخر مفيش زيها .
فى نفس الفئة السعرية ومحدش لو سمحتوا يقولى اصل الاوروبى واليابانى لانى بصراحة شايف ان موديلات هيونداى الجديدة هى بداية ان الكورى واليابانى راس براس وعلى فكرة انا تقيمى للعربيات كان ( المانى - امريكى -اوروبى عام - يابانى - كورى - هندي +صينى +ايرانى+كل الباقى فئة واحدة ) ........
العربيات بالنسبة ليا ميزة + عيب + سعر + انا عايز اية منها... علشان كدة صفقتى رابحة والحمد لله لانى بوزن الامور بالطن مش بالكيلو..
نيجى بقة للعربية :
الميزة:
*الشكل مفيش زية كل اللى حوالى بيتمنوا شكل عربيتى وبابقى ماشى جنب مرسيدس موديل السنة والله بسمع احسن كلام على العربية
*استهلاك البنزين رائع والله رحت من الغردقة لمرسى علم 300 كيلو ب 17 لتر ومتوسط استهلاك 6 لتر لكل 100 كيلو والعربية اوتو
*الثبات انا شايف العربية ثابتة على السرعات العالية معنديش مشكلة انا بامشى بيها الطبيعى 160 على اى طريق وبامشى على طريق القاطمية السخنة 200 -180 والله بدون مشاكل لفترة طويلة والله وانا رايح من الغردقة للقاهرة مفيش عربية شدت معايا الا جيب جراند شيروكى وكان بيهدى فى الملفات غصب عنة لكن النقر كان بيدوس عليها وانا مقدرش طبعا.
العيب:
العربي واطية مع تحميل الشنطة و3 راكبين ورا العربية لازم تحك والسبب ان السست الخلفية طرية جدا ودا مش عيب لكن ميزة بس مش عندنا لكن برا مصر لكنى سألت بتحك فى اية والله ولا حاجة فمش مسببة اى مشكلة ليا والحمد للة انا طلعت فوق 3 بلاعات قبل كدة والعربية اترفعت وبقت مش فوق الكاوتش ولكن فوق البلاعة وسمعت صوت احتكاك رهيب ورحت رفعت العربية والله ولا الهوا.
العيب التانى برضو مع التحميل ومطبات الهوا فى الطرق السريعة بيحصل تنطيط بسيط فى العربية
*السعر
بالنسبة ليا كان مناسب جدا والمنافس اللى كنت حاطة فى تفكيرى الجين 2 .
*انا عايز اية من العربية
انا دكتور صغير وعيلة صغيرة وحركتى 70% فى المدينة 30% على الطرق السريعة عفشة ناعمة بنزين ممتاز...


المعادلة اللى عايز اغيرها وهاقول عليها قبل ماعملها ان شاء الله,, ان شاء الله هاغير السست الخلفية بسست كيا سيراتو وعارف ان العفشة هاتنشف شوية لكن الثبات عندى اهم وبعد ما اعملها ان شاء الله هاعمل تقرير كامل عن الموضوع.

يا ريت كل الملاك يكتبوانا تقريرهم عاشان الكل يستفيد

شكرا جزيلا لحضرتك ,,
ان شاء الله انا ناوى اغير السوست فقط لانى اتأكدت ان المساعدين كويسين لكن العيب فى ان السوست طرية جدا ودا اللى بيخلى العربية توطى مع الحمولة وكمان بيأثر على الثبات فى السرعات العالية مع مطبات الهوا وكمان فى الملفات ...
والموضوع كلة باستشارة اكتر من مهندس وتجربة واحدة ناجحة لاحد مالكى الار بى
ان شاء الله بعد التعديل هاكتب كل الملاحظات والموضوع باستفاضة

المشاركة الأصلية كتبت بواسطة drcobra

السلام عليكم انا من ملاك العربية
عربيتى اول فئة اوتوماتيك اللون ازرق بيبسى
العربية عاملة خوالى 32000 كيلو لسة عامل صيانة 30000 .......
تقييمى للعربية ,, بعد فترة عشرة اشهر العربية ما شاء الله عليها اقدر اقول بكل فخر مفيش زيها .
فى نفس الفئة السعرية ومحدش لو سمحتوا يقولى اصل الاوروبى واليابانى لانى بصراحة شايف ان موديلات هيونداى الجديدة هى بداية ان الكورى واليابانى راس براس وعلى فكرة انا تقيمى للعربيات كان ( المانى - امريكى -اوروبى عام - يابانى - كورى - هندي +صينى +ايرانى+كل الباقى فئة واحدة ) ........
العربيات بالنسبة ليا ميزة + عيب + سعر + انا عايز اية منها... علشان كدة صفقتى رابحة والحمد لله لانى بوزن الامور بالطن مش بالكيلو..
نيجى بقة للعربية :
الميزة:
*الشكل مفيش زية كل اللى حوالى بيتمنوا شكل عربيتى وبابقى ماشى جنب مرسيدس موديل السنة والله بسمع احسن كلام على العربية
*استهلاك البنزين رائع والله رحت من الغردقة لمرسى علم 300 كيلو ب 17 لتر ومتوسط استهلاك 6 لتر لكل 100 كيلو والعربية اوتو
*الثبات انا شايف العربية ثابتة على السرعات العالية معنديش مشكلة انا بامشى بيها الطبيعى 160 على اى طريق وبامشى على طريق القاطمية السخنة 200 -180 والله بدون مشاكل لفترة طويلة والله وانا رايح من الغردقة للقاهرة مفيش عربية شدت معايا الا جيب جراند شيروكى وكان بيهدى فى الملفات غصب عنة لكن النقر كان بيدوس عليها وانا مقدرش طبعا.
العيب:
العربي واطية مع تحميل الشنطة و3 راكبين ورا العربية لازم تحك والسبب ان السست الخلفية طرية جدا ودا مش عيب لكن ميزة بس مش عندنا لكن برا مصر لكنى سألت بتحك فى اية والله ولا حاجة فمش مسببة اى مشكلة ليا والحمد لله انا طلعت فوق 3 بلاعات قبل كدة والعربية اترفعت وبقت مش فوق الكاوتش ولكن فوق البلاعة وسمعت صوت احتكاك رهيب ورحت رفعت العربية والله ولا الهوا.
العيب التانى برضو مع التحميل ومطبات الهوا فى الطرق السريعة بيحصل تنطيط بسيط فى العربية
*السعر
بالنسبة ليا كان مناسب جدا والمنافس اللى كنت حاطة فى تفكيرى الجين 2 .
*انا عايز اية من العربية
انا دكتور صغير وعيلة صغيرة وحركتى 70% فى المدينة 30% على الطرق السريعة عفشة ناعمة بنزين ممتاز...


المعادلة اللى عايز اغيرها وهاقول عليها قبل ماعملها ان شاء الله,, ان شاء الله هاغير السست الخلفية بسست كيا سيراتو وعارف ان العفشة هاتنشف شوية لكن الثبات عندى اهم وبعد ما اعملها ان شاء الله هاعمل تقرير كامل عن الموضوع.

يا ريت كل الملاك يكتبوانا تقريرهم عاشان الكل يستفيد

كلامك يا دكتور 10/10 بس المشكله الحقيقه السوست اللي مع اي حمل بتخلي العربيه تحك في المطبات لكن غير كدا العربيه جميله في البنزين والشكل لوحضرتك غيرت السوست قلنا عملتها فين وايه التقيم بتعها لاني بصراحه موضوع السوست مش بيضايقني لاني مش بيبقي معايا حمل تقيل بس لو ليها حل ممكن اعمله وشكرا

السلام عليكم
انا بقالي تقريبا من شهر مارس شاري العربيه هاي لاين وعملت بيها 5000 ولسه هروح الصيانه لو هنتكلم تقييمي ليها هتاخد مش اكثر من 6 على 10 كعربيه متوسطه لو هنقيم مميزاتها طبعا الاوبشن والنعومه والسحب (لو مش محمل ناس في العربيه)يبقى كويس لكن بتبقى عجيبه لو كنت محمل فيها ومشغل التكييف و الثبات كويس طول ما انت تحت 140 تقريبا
العيوب غريبه شويتين عدم الثبات عند سرعات عاليه بالمقارنه بالالنترا في نفس الطرق وعيب خطيير جدا وهو التنطيط لدرجة ان العربيه الي قاعد ورا بيترجرج كأنه راكب قطار الموت في الملاهي ده غير كل شوية الاقي سخونه جايه من التابلوه وتختفي او من تحت الكونسول الي تحت فرامل اليد وتختفي لوحدها (عادي) طنشت شويتين ولقيت الفتيس الاوتوماتيك ساعات مش دايما لما انقل بينطر العربيه نتشه صغيره ودي الي انا شفته من العربيه بصراحه وانا ناوي اكلمهم على المواضيع دي في التوكيل لعل وعسى الاقي رد مقنع مع اني مش متفائل