الف مبروك
انا مش عارف ليه بيلغو مؤشر الحراره فى الموديلات الجديده
عرض للطباعة
الف مبروك
انا مش عارف ليه بيلغو مؤشر الحراره فى الموديلات الجديده
الله يبارك فيك ياباشا .. ربنا يخليك
بخصوص سؤالك عن الفرش , هو كلفني كله كده على بعض بالخياطه الدبل .. 1300 جنيه , طبعا بعض خصومات كتير عملهالي الحاج أحمد ربنا يكرمه يارب .
بس خد بالك ان السعر بيختلف حسب الخامه اللي انت هاتختارها
يعني في خامات بتبتدي من 700 - 800 - 900 .. وفي الخامات الأعلى من كده بتبدأ من 1200 وانت طالع لحد ماتوصل لـ 1600 جنيه , والخياطه الدبل بتكلف 200 جنيه لوحدها انما ممكن تستعيض عنها بانك تدخل لونين في الفرش بنفس السعر وبكده تكون عملت توافق في الألوان ويطلع شكلها حلو اوي برضه .
وكمان انت ممكن تاخد رأي الحاج أحمد لأن ماشاء الله عليه عنده زوق عالي في حتة اختيار الألوان دي
لكن يفضل طبعا تخلي اللون متوافق مع لون العربيه من جوه ( الأبواب والطابلوه ) وممكن تخلي اللون التاني لو تحب يعني زي لون العربيه من بره , وفي الأول والآخر دي مسألة أزواق
بالتوفيق ان شاء الله ياباشا
الله يبارك فيكم جميعا .. ومتشكر أوي ياجماعه لكل اللي رد عليا
وأي استسفار انا مستعد وتحت أمر أي حد من أعضاء المنتدى الجميل
تحيــــاتي للجميع
ألف مبروك العربية الجديدة ربنا يديك خيرها ويكفيك شرها
ماشاء الله الفرش الجديد جميل جدا وفعلا شغل جينز كار جميل جدا وكل اللي جربهم شكر فيهم
وشكرا على التقرير الوافي
شكرااا لرد حضرتك طيب هو انا بالفعل عايز اعمل لونين بالفرش لان العربيه من جوا بيج الطبلوه والابواب ومن بره سودا وعشان كده هعمل لونين بس هعمل الخياطه الدبل لان شكلها حلو جداااا ماشاء الله بس انا عايز اعرف1200 انت عملت دواسه بالارضيه ولا لاء ؟؟ لانك كاتب بالتقرير بتاعك انهم عملو فرش للشنطه
ربنا يباركلك فيها و يديك خيرها يا رب
لا ياباشا .. أنا ماعملتش فرش للأرضيات , بس جينز كار عملولي فرش لأرضية الشنطه بس مجانا
وبالنسبه لفرش حضرتك انت ممكن تعمل لونين وتعمل معاهم خياطه دبل مافيش مشاكل , بس حاول بقى تخلي لون الخياطه الدبل واخد لون من اللونين اللي هاتعملهم عشان ماتبقاش الدنيا زحمه كده بالألوان .
وبالتوفيق ان شاء الله ياباشا
الف مبروك وربنا يعطيك خيرها ويحفظك من شرها
ممكن سؤال بس حضرتك اشتريتها منين وجبتها بسعر كام والفئة الاولى فى الاتوماتيك برضه سعرها كام
وجزاك الله خيرا
ماشاء اللة ماشاء اللة ربنا يحفظهالك يارب