عايز ايجيب عربيه عائليه ومعرفش غير التيوتا افانزا اعمل ايه ؟؟؟؟؟؟؟؟؟؟؟؟؟؟؟؟؟؟؟؟
عايز ايجيب عربيه عائليه ومعرفش غير التيوتا افانزا اعمل ايه ؟؟؟؟؟؟؟؟؟؟؟؟؟؟؟؟؟؟؟؟
كيا كارينز
الكيا الكارينز مش كبيره زى التويتا افانزا دى ومش هتكفينا احنا البيت عندنا كبير احنا 7 :d والتويوتا دى الوحيده اللى تكفينا الا لو كان فى حاجه قداه ف الحجم كدا و شكرا لردك عليا
معلش معرفش ان حضرتك عايز 7 راكب , هى الكارينز واسعه بس مش 7 راكب
طيب انا هاقول لحضرتك الاقتراحات الموجوده من الارخص للاغلى
رينو لوجان mcv سعرها 108 الف اول فئه و 114 الف تانى فئه
تويوتا افانزا بس يستحسن تجيب ال 1500 سى سى لان ال 1300 هاتبقى ضعيفه اوى , سعر ال 1500 سى سى 132 الف
دايهاتسو جراند تيريوس سعرها يتراوح بين 150 و 170 الف حسب الفئه
بيجو 5008 سعرها فى حدود 200 الف
ستروين c4 جراند بيكاسو سعرها 225 الف
شيفروليه كابتيفا 270 الف
متشكر اوى للمعلومات دى بس استفسار تانى هى التويوتا ال 1500 cc فى منها مانيوال ؟؟؟
لا اوتوماتيك فقط
ال 1300 هى اللى فى منها مانيوال واوتوماتيك
مانيوال 112 الف اوتوماتيك 121 الف
جراند تريوس
جراند تيريوس اغلى شويه من آلافانزا بس افضل من وجهه نظرى و ماسكه نفسها حتى فى سعر اعاده البيع كمان. انا تقريبا ما شوفتش افانزا سليمه دائماً بلاقيها مبهدله بصراحه مش عارف ليه
على حسب ميزانية حضرتك , و انا برشح اللوجان ال mcv عن تجربة مع واحد صديقى
بص يا باشا اولا الزيرو زيرو ,, موضوع المستعمل دا بلاااااااااااااااااش خالص و مش مضمون
ثانيا اللوجان 2013 الاوتو اول فئة ب 108 يعنى قريبة منك ان شاء الله
ثالثا اللوجان 1600 و عزمها مرضى جدا فى مقابل الافانزا هتبقى 1300 لان ال 1500 غالية اوى
رابعا موضوع الشكل دا هو نسبى بس اللوجان انا شخصيا شايفها اشيك و حاسسها اوسع
خامسا مع انتشار اللوجان الفظيع سواء العادية او السانديرو او ال mcv ف العربية هتبقى قطع غيارها حنينة و سوقها هيبقى احسن بكتير اوووووووووووووووووووووى من ال الافانزا
والله باشا يا حسام باشا
حطيت كل الأختيارات أمام الراجل
ومن وجهة نظرى المتواضعة ومن خلال تجربتي للكارينز انا شايف انها افضل الأختيارات على الإطلاق ومن السهل أضافة كرسيين وانا شفت الموضوع ده بنفسى لأن الكارينز ليها الكراسى الأصلى بتضاف ليها مع الجوانب وتقريبا بتكلف حوالى 3000 جنيه
مع مراعاة ان كل هذه الفئات الصف الأخير للكراسى يفضل استخدامه للأطفال أو أشخاص نحيفة إلى حد ما
وانا مش ببالغ اذ قلت ان الكارينز السيارة العائلية الأولى فى مصر بالسعر ده
عايز رأيي إنت تسيبك من كل ده و تجيبلك الميكروباص السبعة راكب بتاع شيفورلية أو سوزوكي و ترخصة ملاكي عادي
شفرليه فان n200
8 راكب و شكلها مش وحش او سوزوكى فان 7 راكب ..
ليا الشرف اتفق مع حضرتك يا باشا و تحياتى لك
و على فكره انا مش ضد الكورى خالص بالعكس و انا ركبت النترا فتره و حبيتها جدا و الكارينز مع كذا حد اعرفه عربيه عائليه جدا و مناسبه جدا لعيله و الكورى فيه عربيات كتير محترمه و تتركب بغض النظر عن انى بحس انها بقى مغالى فى تمنها شويه بس علشان سوقها ماشى التجار و الوكلاء بيغالوا فى اسعار العربيات
تحياتى لحضرتك مره اخرى و اتمنى اتعرف عليك و اشوفك قريب ان شاء الله