اعلان وفاة "مايباخ" رسمياً

**SASA3** · 17-08-2012 02:54 PM

اعلنت شركة مرسيدس بنز رسمياً وفاة علامتها مايباخ لسيارات الفاخرة، واعلنت شركة دايملر (الشركة الأم لسيارات مرسيدس) سابقاً عن وقف انتاجها لسيارات مايباخ خلال عام 2011 إلا أنها استمرت بإنتاج نسخ قليلة لتمنع عملية وقف الإنتاج بدون جدوى.

توجد العديد من الاسباب لوقف انتاج مايباخ ومنها أن العلامة الفاخرة لم تبع في آخر سبع سنوات إلا 3000 سيارة فقط وعلى الرغم من اسعارها الباهظة إلا ان دايملر خسرت قرابة 330.000 يورو أي ما يعادل 439.260 دولار في كل موديل قامت ببيعه منذ عام 2002 والسبب في ذلك أن الشركة قامت باستثمارات بلغت مليار يورو أو 1.33 مليار دولار لاحياء علامة مايباخ التجارية وهو الأمر الذي يدل بقوة على حالة الشركة المالية القاتمة.

وقدمت شركة دايملر سابقاً أقوى العروض التسويقي بتخفيضات تصل إلى 100 ألف دولار لمن يقوم بشراء أحد طرازات مايباخ الفاخرة التي تم ايقاف انتاجها نتيجة للخسائر التي تسببتها للشركة من حيث ارتفاع تكاليف انتاجها والخسائر التي الحقتها.

والآن قامت مرسيدس للمرة الثانية بالمزيد من العروض لتخفيض على اسعار مايباخ ولبيع ما تبقى من السيارات الفاخرة، ليحل مكانها سيارة مرسيدس إس كلاس (بولمان) طراز 2014.

خسارة الواحد كان عاوز يوى على واحده من برة اليومين الى فاتوا دول
يلا نصيب

**Land_Cruiser** · 17-08-2012 02:59 PM

واضح ان الأزمات الاقتصاديه فى العالم كله مأثره جامد . بالمناسبه انا شفت يجى نصف العربيات المايباخ اللى انتجوها دى فى الكويت بس زمانها دلوقتى تمنها اضرب هناك بعد الخبر ده فاللى عايز واحده يلحق يجيبها من هناك بسعر لقطه

**michohat** · 17-08-2012 03:11 PM

خليهم يقفلوا مايباخ ويا سلام بقي لو شركة النصر اشترت الاسطمبات هتشوفوا شاهين جديده

**mem** · 17-08-2012 04:56 PM

خساره كبيره لشركة عريقة زى مرسيدس
وان شاء الله ترجع بعد فتره تانى واقوى من الاول

**Elawany13** · 17-08-2012 05:37 PM

الخبر ده متهيألى انى قريته من شهور طويلة

**SASA3** · 17-08-2012 05:51 PM

المشاركة الأصلية كتبت بواسطة michohat

خليهم يقفلوا مايباخ ويا سلام بقي لو شركة النصر اشترت الاسطمبات هتشوفوا شاهين جديده

يا حلااااااااااااااوة

دا هيبقى حته مسخ انما ايه

تخيل كده مايباخ و وراكب فيها ماتور شاهين
هههههههههههه

**SASA3** · 17-08-2012 05:52 PM

المشاركة الأصلية كتبت بواسطة mem

خساره كبيره لشركة عريقة زى مرسيدس
وان شاء الله ترجع بعد فتره تانى واقوى من الاول

و ترجع ليه ما المايباخ دى كانت الفئة العربيات السوبر رفاهية بالقوى يعنى

و هما شالوها و خلوها تبع ال اس كلاس و ما ادراك ما ال اس كلاس

**SASA3** · 17-08-2012 05:53 PM

المشاركة الأصلية كتبت بواسطة elawany13

الخبر ده متهيألى انى قريته من شهور طويلة

هى فعلا الكلام ده بقالة ييجى اكتر من سنه و قاعدين يقولوا عاوزين يقفلوها و كلام من ده و مرة يقولوا لا هنخليها و مرة يقولوا لا دا فى شركة فى الصين هتشتريها

بس دلوقتى بقا خلاث معدتش فيه منها بحححححححححح