سؤال هام فى الكشف عن مكنه اى عربيه قديمه ورائحه الزيت

ياجماعه
لو بشترى عربيه فى التسعينات
ببص ازاى على المكنه؟؟ والصوت بيبقى ازاى؟ والعادم بتاع الشكمان مهم؟
وايه حكايه خرطوم الفايظ؟؟ ومكانه؟ ازاى اعرف ان المكنه شقيانه؟ وهل لو شغلت التكييف المكنه تترج؟
كنت بتفرج على عربيه و بفتح فتحه الزيت لقيت دخان خفيف اوى ارج دا معناه ايه بلون اشبه بلشفاف؟ دا طبيعى؟وبدون ريحه بس مقياس الزيت اسود!!!
ولاحظت انالعربيه فى اول وتانى نقله بتنتش كده دا بسبب ايه؟


وللشق التانى من السؤال

الفتيس الاوتو بكشف عليه ازاى هل لو العربيه ماشيه وحسيت بلنقله يبقى تمام ولا لو كان ناعم؟؟
ارجو الاجاب الكافيه ومن الخبراء فقط

1-فتحه تزويد الزيت لما تفتحها والموتور داير المفروض هتلاحظ خروج هوا سخن بس لو شميت ريحه عادم تبقي الشنابر وكاوتش الصباب بيهرب كبس لفوق
2-فتحه فايظ الزيت اللي غالبا بتبقي متصله بمكان ما في العمه المففروض انها تبقي معرقه زيت علي خفيف قوي انما لو مغرقه الدنيا تبقي المكنه بتنخ زيت
3-حط صباعك في الشكمان المفروض انه ما يتهببش .لانه لو هباب كتير يبقي الحرق مش مظبوط
4-ريحه الزيت ولونه مش مقياس لحاله الموتور
5-الفتيس الاوتو هتجري بالعربيه وتجيب دواسه البنزين للاخر لو حسيت ان العربيه وقفت للحظه تحت رجلك يبقي الفتيس ضعيف انما لو استجابتها سريعه يبقي تمام وموضوع احساسك بالنقلات متوقف علي قدم او حداثه التكنولوجيا المستخدمه في صناعه الفتيس ربنا يوفقك

مشكور للاجابه لوو انك مجاوبتنيش على حته معينه
كنت بتفرج على عربيه و بفتح فتحه الزيت لقيت دخان خفيف اوى ارج دا معناه ايه بلون اشبه بلشفاف؟ دا طبيعى؟وبدون ريحه بس مقياس الزيت اسود!!!
ولاحظت انالعربيه فى اول وتانى نقله بتنتش كده دا بسبب ايه؟
انتا عديت النقطه دى
انا لما فتحت الفتحهمشمتش ريحه بس لقيت دخان شفاف لحد ما خارج دا ايييييييييييييييييييييييي ه؟؟

مش فاهم قصدك ايه بخرطوم الفايظ انا مش عارف مكانه وناس قالتلى ميطلعش اى دخان اصلا لا اسود ولا ابيض انتا بتقول معرقه زيت يعنى ايه معرقه ولو معيوبهتطله زيت بكثافه؟ ولا بخر زيت؟

زيت الموتور بيسخن
طبيعي انه فيه نسبه بخر خفيف ..عادي
في العربيات القديمه عملوا خرطوم فايظ لبخار الزيت علشان يدخل علي الكربراتير لتزييت بعض الاجزاء وفي نفس الوقت التخلص منه مع الحريق
-ماينفعش انك تشوف دخان من فتحه الزيت ده مش طبيعي الطبيعي هو هوا سخن والريحه مش بتفرق
-لون الزيت اسود برده مش مقياس لسؤ حاله الموتور
-لو معلوماتك في الميكانيكا بسيطه انصح سيادتك تستعين بميكانيكي امين وربنا يوقك

طب لسه حته ان العربيه وانا بجربها نتشت وقطعت على الاول والتانى مع انها كانت سخنه
ومعنى كلامك ان الدخان الخفيف اوى اللى قعد مده بسيطه جدا لما فتحت فتحه الزيت معناه ان المكنه بتحرق زيت فبلتالى عاوزه عمره؟

النتشه دي ممكن بوجيهات او بنزين وحش لكن مالهاش علاقه بالمتور ان كان كويس او وحش

النتشه دي تظبيط مالهاش دعوه بصحه الموتور
تظبيط توقيت الكهربا-كربراتير مش نظيف-بوجيهات تعبانه او موبينه لانها لما بتسخن بتقطع
الدخان لو معيار معين لو زاد تبقي المكنه بتنفخ زيت انما لو خفيف عادي

ياجماعه انا مش عاوز اظلم صاحب العربيه
لما بفتح بلاقى دخنه خفيفهماليه لابيض الشفاف ثوانى وتروح دا معناه انها بتحرق زيت والمكنه خفيفه؟؟

ولو مش كده ايه ظواهر ان المكنه خفيفه؟؟ وفى على فكره صفاره او ونه خفيفه جدا منتظمه

?????????????????

يامسهل

أنا هجاوبك على حاجة كمان بالنسبة للفتيس الاوتو بالاضافة الى كلام الزميل hellboy
في مقياس الزيت الاوتو ده بتشيله وتشم الزيت لو ريحته ريحة شياط ابعد عنها وده طبعا والعربية سخنة وجاية من مشوار محترم وحاجة كمان امسك الزيت بين اديك لو حسيت ان في شوائب كتير برضه ابعد
بس ده مش مقياس اوي لأن ممكن يكون معاد تغير زيت الفتيس جه أو الفلتر بتاعه عايز يتغير (في بعض الموديلات لاتحتوي على فلتر)