اية رايكو يا جماعة في الفولكس شيركو لاني بفكر اجيبها انا سمعت ان في مشاكل في الفتيس ال dsg الكلام دة صحيح؟؟
عرض للطباعة
اية رايكو يا جماعة في الفولكس شيركو لاني بفكر اجيبها انا سمعت ان في مشاكل في الفتيس ال dsg الكلام دة صحيح؟؟
ايوه صحيح و بلاش منها
بلاش منها لية يا باشا؟؟
لو غاوي بهدله في التوكيل و خسارة فلوس اشتريها بذمتك سمعت انهم نزلوها ٢٠١١ و ٢٠١٢
و انت نفسك عارف ان فيها قلق من الفتيس
مينفعش طب اعمل للعربية اسبيشل اوردر من التوكيل واجبها بفتيس مانيول عادي؟
لو بتتباع في حته تانيه غير مصر مانيوال اعتقد ممكن
انما لو ما بتتعملش اعتقد انهم مش هيصنعوا واحده مخصوص
انما السؤال هو فيه حد يشتري عربيه مانيوال ب ٣٠٠٠٠٠ جنيه
المانيوال ده اخره للفيرنا
موجودة بفتيس مانيول اة بس مسئلتش هل هينفع تتطلب ولا مش هيرضو والمانيول لسة موجودة في كل العالم مش هيتلغي لانة لمحبي القيادة الرياضية والطرق المفتوحة
العربية عليها ضمان يا باشا 3 سنين او 100 الف كيلو ايهما اقرب فكدة لو في عيب في فتيس ال dsg هيظهر قبل المدة دي وهيتغير علي حسابهم
انا سئلت علي حكاية الفتيس المانيول قالولي مش هينفع اسبيشيل اوردر مابينزلوش غير ال dsg
بص يا باشا انا العربيه دى مع واحد صاحبى و نصيحه بلاش منها
هى اه عربيه حلوه جدااااا وشكلها وهمى بره و جوه وكل حاجه بس للاسف فيها مشكلتين 2 أول مشكله إلى هى الفتيس طبعا و عربيه صاحبى دى جابت فتيس عند 43000 كيلو واتغير فى الضمان بس طلعواااا عينوا وبعها بعدها على طول , تانى سبب البنزين ان العربيه لازم لازم لازم بنزين 95 علشان ميحصلش مشاكل مع التربو ... و لو حضرتك بتدور على بديل ليها فى نفس الفئه والاداء يبقى ال BMW 118i احسن بكتير ان العربيه فعلا من جوه حاجه تانيه خالص غير ال 1 series إلى احنا عارفينها و الموتور بتاعها 160 حصان و خلفى و كمان فيها كذا فئه و ارخص من الشيروكو لو مش هتجيب الهاى لاين منها
بس الشيروكو شكل تاني ياباشا احلي من ال 118 بكتير وكمان ال 118 تعتبر فاضية جنبها يعني لو نزلت بموصفات الشيروكو هتعدي ال 300 الف بس انا مقلق من حكاية الفتيس دي لان فعلا ممكن ميرضوش يغيروة بسهولة وممكن اجي ابيع العربية معرفش حاجة تحير بصراحة
انا معاك طبعا ان الشيروكو احلى من ال ١١٨ من بره بس من جوه فعلا ال ١١٨ خيــــــــــــال و حضرتك روح و شوفها بتفسك و بالنسبه للسعر انا مش متفق معاك لان اعلى فئه فى ال ١١٨ تمنها ٢٧٤ ألف والشيروكو فئه واحده بس ب ٢٩٥ ألف يعنى اعلى فئه فى ال ١١٨ ارخص من الشيروكو و فيها كل حاجه موجوده فى الشيروكو و زياده عليها IDrive الجديد و كمان نازله بالفتيس بتاع ال 5 series E60 الجديد و بتتحكم فالsuspension comfort or sport + انك بتتحكم فى التربو و تعرف كل حاجه عن العربيه من ال I Drive يعنى انا راى الشخصى روح اى show room و شوفها و اعرف عنها كل حاجه بجد وشوف مناسبه ليك و لا لأ و القرار ليك فى الاخر
بس انا سمعت من مسئول مبيعات فولكس مصر انه تم علاج المشكله فى الفتيس dsg فى موديلات 2011 و 2012 والكلام ده كان فى برنامج دوس بنزين وكان فى معرض الاهرام على ما اتذكر ........ هل كلامه صحيح من واقع تجربة اى مشترى فى السنتين دول ؟؟
وهل الباسات cc بنفس الفتيس ؟؟ ....... وليه مافكرتش فيها؟؟