الموضوع: ارجو المساعة من ذوي الخبرة عندي مشكلة بالسيارة

مرحبا
سيارتي .. رينو كليو 2001 هاتش باج
ماتور 1.4 cc
16 سلندر
السيارة فيها تقطيعة وفيها صوت فرقعة في الشكمان ( الاوكزوزت ) ..وطبعا تعبت عند الورش والميكانيكية
وكل واحد بحكي اشي وما وصلت لحل .. غيرت بواجي وكويلات وطرمبة بنزين وغيرت الثرتل وفحصت كمبيوتر وغيرت حساس الايدل وغيرت الشكمان (الاوكزوزت ) ...
السيارة صارت احسن شوي بس لسا المشكلة موجودة يعني بمشي في السيارة كويس وسحبها كويس بس احيانا بحس انو زادت قوة السيارة فجأة وانا على طريق مستقيم بس وانا في طلوع السيارة عزمها بيضعف واحيانا وانا على الغيار الثاني بيطلع صوت فرقعة خفيف ولكن لما اركب الغيار الاول بتصير طيارة ولما ارجع للثاني بتموت ... وفي بعض الاحيان بتكون ماشية وممتازة وفجأة بتقطع وعداد rpm بنزل على الاخر كانو ما فيها بنزين وبدها تطفي وبدعس بنزين ولكن بدون استجابة وما بتمشي الا اذا طفيت المحرك ورجعت شغلت وحشرت دعسة بنزين مع الدبرياج ( الكلتش ) عشان يرجع عداد rpm يرتفع وبتمشي طبيعي .. وهاي المشكلة بتصير معي مرة او مرتين في اليوم
اسف للاطالة بس عشان تكون الامور واضحة
وارجو المساعدة لآني قربت انجن