شايفين شكل العك الى بيعملوه فى الالنترا فى السعوديه

شايفين شكل العك الى بيعملوه فى الالنترا فى السعوديه


http://img04.arabsh.com/uploads/imag...454f63f704.jpg


حد بيعمل كده ده حتى فى الميكروباصات مابيعملوهاش

ودا من ايه...هيا العربيه عندها تبول لا ارادي فبيشمعها ولا ايييه ؟

ايه ده هو بيمشوا بيها كده
ولا هي بتتصلح ؟؟

اقتباس:

---

المشاركة الأصلية كتبت بواسطة s o p h o s

ايه ده هو بيمشوا بيها كده
ولا هي بتتصلح ؟؟

---

بيمشو بيها كده وبيعملو الدواسات كمان كده

ودى عاده منيله عندهم وبيعملوها فى كل العربيات

عادي يا زعيم
ده بيبقي زي الفرش الجلد بتاع الارضيات اللي ناس كتير بتعمله هنا في مصر
و المشمع بيكون تقيل و تقدر تعتبره جلد بس شفاف و انا كنت عامله و بيحافظ علي ارضيه العربية زي الجلد بالظبط مع الاحتفاظ بالالوان الاساسيه بتاعة العربيه

بيعملوا جراب للعربية :d:d:d::d

ده ايه الرخامه دي دي حاطينها للابواب كمان ناس مخها تعبان ليه كدة بيجافظ علي العربية هوة علشان احافظ عليه اكلفتها كدة محطها جمبي في االشقة احسن علشان ممتوسخش من تراب اللي في الشارع !!!!!!!!!!!!!!!1

أنا كنت عايش في السعودية سنتين و عمري ما شفت الكلام العجيب دة ...

ده أسمه تكييس هو بيحافظ عالعربية بس أنا مش بالع شكله بصراحة زيادة عن اللزوم .

ياجماعه اللي عاملينه في العربيه دي اسمها " تكييس الأرضيات " علشان هما بياكلو وبيشربو وبيلعبو وبيعملو كل حاجه في العربيه, ودي بتخلي العربيه نضيفه ومتحافظ عليها.
بس بصراحه شكلها مش مبلوع خالص.
وعندهم حاجه كمان اسمها " تجليد الأرضيه" مش عارف هي هي نفس الكلام ده ولا لأ.

ده طبيعى جدا فى الخليج عامة والسعودية خاصة .. لاعتقادهم انهم المفروض يحافظوا ع العربية زى الزيرو بالظبط خاصة اذا اراد البيع هايبيعها كده بحالتها او يفك الكلام ده وتبقى زيرو من جديد
وفى اشكال كتير للحفاظ ده او الاكسسوارات مثل:
1. التظليل .. وده تركيب الفيميه المعروف عندنا بس بيكون حرارى عشان الحرارة المرتفعة هناك وحماية لأجزاء العربية من الداخل (يذكر ان الكامرى اول ما نزلت فى 2007 تابلوهها فلق من الشمس !!!) وفيه انواع كتير جدا اصلى ومضروب باسعار تبدأ من 200 ريال وتوصل لارقام فلكية 3000 ريال واكتر حسب حجم العربية مثل 3m - lumar - luminax - drive7 - solar - .... etc
2. حماية الواجهة .. ودى بتكون مع التظليل اما للفوانيس الامامية والشبورة فقط او للواجهة بالكامل فوانيس واكصدام وربع الكبوت والرفارف الجانبية وممكن كمان تشمل المرايات الجانبية والقوايم الامامية حسب مزاجك .. وهدفها حماية الطلاء من الغبرة خاصة للى بيسافروا كتير فى طرق كلها صحراوية هناك طبعا عن طريق لزق استيكرات بلاستيك شفافة بطريقة التفريغ .
3. تكييس الفرش .. وده زى الكسوة اللى بتتحط على المقاعد والكنب واما ان تكون مقفلة او بس تعريقة فى الظهر واما تكون قماش او جلد او فرو بالوانها (على فكرة هناك بيفضلوا محافظين على تغليف البلاستيك بتاع المصنع والزيرو لحد اما يركب الفرش ده او عالطول لحد اما يبيع العربية بالاستيكر كمان وورقة الجمارك على الزجاج !!!)
4. التشميع .. وده بيكون تركيب مشمع شفاف خفيف او سميك فى الارضيات خاصة العربيات الدفع الرباعى (تاهو - اكسبلورر - يوكون - ... الخ) او العادية وممكن كمان الابواب والكونصولات وفيه بيعملوها فى الشنطة بس وده بيكون زى طريقة الارضيات الجلد مع تفصيل الفرش ويشمل ايضا الدواسات اذا كانت قماش .. وهدفه بيكون حماية الموكيت الاصلى وسهولة التنضيف خاصة ان استعمال العربيات هناك بيبهدلها جامد خاصة مع وجود اطفال واغلب الخروجات بيكون فيها اكل وشرب فى العربيات (التيك اواى من شباك العربية وانت قاعد جواها!!!) وتكلفته من 150 ريال فما فوق .. اما التجليد بيكون نفس الوضع بس باستخدام جلد وليس مشمع .
5. التخشيب .. وده معناه اضافة او لزق خشب ابنوس (بلاستيك) فى التابلوه والابواب وغيرها من اجزاء السيارة الداخلية.
6. تركيب جنوط .. اما كروم او نواكل لامعة مقاسات كبيرة بتوصل ل22 بوصة وتعديل مقاسات الكفرات او الكاوتشات وممكن كمان الاوفسيت بحيث الجنط يكون بارز عن العربية واغلبها جنوط صينى تسمى زينة وليس اصلية.
7. الطلاء المط المطفى .. اما برش اسبراى او لزق جلاد ملون على كامل اجزاء السيارة كنوع من الشكل المختلف وبيكون بنفس لون العربية او مخالف له .
8. الصدامات الامامية والخلفية .. وبتكون نواكل او حديد اسود زى الديفندرات اللى عندنا هنا وهدفها شكل هجومى وحماية للعربية فى الحوادث او استخدامها فى ارهاب العربيات السيدان الصغيرة خاصة فى الاشارات والتقاطعات والدوارات وبتركب اغلبها فى سيارات الدفع الرباعى باشكال واحجام مختلفة.

وغيرها كتير من الاكسسوارات التى بتركب فى العربيات واماكن بيعها وتركيبها فى الرياض اشهرها بيكون فى شارع الغرابى بالبطحاء (كله محلات زينة) او طريق خريص الرئيسى
وفى باقى المدن السعودية فى اماكن بعينها او بحراج السيارات ..

برضه الى فى الصوره حاسس انه شغل عك وشغل ميكروباصات

حاجه عادية زي في اي بلد في ناس شغلهم محترم وناس عك زي مابتقول
دا في الرياض في افضل المحلات للحاجات دي وشغل محترم وكله بسعره بس علي فكرة الفكرة دي بيعملوها للناس الي علي قد حالهم زي الي راكب النترا ده والكامري والسوناتا بيبقي خايف عليها اما العربيات الشديدة قليل جدا الي بيعملوه فيها زي البي ام والمرسيدس وال اودي ولكزس