السلام عليكم
انا معايا لانسر بوما 2008 اوتوماتيك 1600
بعد ما بعدى ال 120 130 الدريكسيون بيروح يمين وشمال شوية كدة
بس العربية بتكون ثابتة دة عادى ولا فيها حاجة ؟؟
عرض للطباعة
السلام عليكم
انا معايا لانسر بوما 2008 اوتوماتيك 1600
بعد ما بعدى ال 120 130 الدريكسيون بيروح يمين وشمال شوية كدة
بس العربية بتكون ثابتة دة عادى ولا فيها حاجة ؟؟
مدام بعد ال 120 ده كده فردتين الكاوتش اللي ورا محتاج ترصيص لو بعد ال80 يبقا اللي قدام احتياطي رصص الاربعه وريح دماغك منهم وعلي فكره لو عديت ال 140 الرعشه هتروح
ربط عفشه واظبط زوايا ورصص
لو عايز تسمع كلامى متفكرش فى الموضوع ده خالص وعلى فكرة ده طبيعى فى البومة جدا ومش مسألة كاوتش أو ترصيص لان الترصيص علشان الرجرجة فقط اما اللى حضرتك بتقول عليه ده فهذا شيىء مختلف والاخوة مش فاهمين قصدك خالص وانا فهمه كويس ومجربة فى كذا عربية بومة وكان عندى فى البومة قبل ما ابيعها نفس الشىء ودلوقتى عندى فى الشارك فى قليل شوية وعشان اثبتلك انى فهمك هقولك يا سيدى .
وانت سايق بالاخص على طريق الاسفلت فيه مش كويس يعنى مش مظبوط فى الميل بتاعه وبتجرى عند سرعة 130 بالظبط هتحس ان العربية خف وزنها ولو شيلت يدك من على الدريكسيون واتفرجت عليه هتلقيه بيلعب يمين وشمال حوالى 2 سنتيمتر يمين و2 سنتيمتر شمال وده طبيعى طيب ليه طبيعى هاشرح لحضرتك .
العربية عالية ووزنها أساسا خفيف فعند سرعة 130 الهواء بيكون شديد فيدخل تحت السيارة من الامام فيرفعها شوية فيخف وزنها اكثر وأكثر فلذلك الكاوتش يلعب يمين ويسار حسب أسفلت الطريق وبالاخص ان أغلب الطرق عندنا الاسفلت بتاعها زى الزفت مش شرط فى نعومته بس فى ظبتطه على ميزان المياة مثلا وبتالى هتحتس بذلك فى الطارة وهتشوفه مع ان العربية مش بتعوم ويلا بتحدف ولكن احساسك ان الدريكسيون خفيف ووزن العربية خفيف ده بيدى احساس بعدم الثبات .
علشان كدة انا دايما بقول ان البومة ومع احترامى لها مش ثابتة على الطريق وده اللى شرحته اللى قصده من بداية كلامى عن عدم ثبات البومة .
نصيحة :
متحنش فى دماغك الموضوع ده خالص ومهما عملت من ترصيص أو خلافة مش هيروح للاسف وصدقنى مهما فكرت ومهما الناس قالوا عكس ذلك كلامهم غلط عايز تصدقنى صدقنى مش عايز حضرتك حر فى رأيك انا بس عايز اريحك لان معظم كلام الناس طالما لم يجرب الشىء فى نفس الظرف هيكون رده حسب فهمه هو مش فهم حضرتك ولذلك هيكون غلط .
جزاك الله كل خير عالمعلومه دي بس حته انها في كل البومه دي صعبه شويه لاني كنت رايح الغردقه قبل رمضان وكان اول مشوار طويل اخده بالعربيه بعد ما اشترتها العربيه ماشاء الله عليها في الثبات لحد ال185 وقصه ان الرعشه موجوده او الاهتزار دي مالاقتها وهي معلومه صغيره اتعلمتها من الناس القديمه من ايام ال504 لاني بسافر كتير انك تظبط الكاوتش علي 25 بار بدل من 28 و30 حتي لو في قصه الوزن اللي حضرتك ذكرته الموضوع ده باذن الله راح يعالجه