اتكلم مع المعرض فى الاول و شوف ايه اخرهم مين عارف يمكن يحلوا المشكله و يرضوا يغيرولك العربيه و توفر على نفسك المشاكل و لو ما عرفتش توصل معاهم لحل كويس لازم تعمل شكوى لبتوع حمايه المستهلك و ساعتها انصح حضرتك ما تستخدمش العربيه علشان ميقولوش ان ده عيب استخدام و يتحججوا و يماطلوا. الفانتازيا عربيه ممتازه اكيد و المفروض انها بتنزل بعد فحص دقيق لكل مكوناتها بس الموضوع ده مش مشكله الماركه و لا الموديل و ممكن يحصل فى اى ماركه. دى ازمه ضمير المعرض اللى جايبها و اللى فى الاغلب عارف ان فيها مشكله و بيدبس الناس فيها و الله اعلم هو عمل فى العربيه ايه و لا كان مستوردها و هو عارف انها معيوبه و مدخلها على اساس انها هتتباع قطع غيار و بعد كده طمع و باعها على انها فابريكه مثلا. للاسف فى ظل ازمه عدم الضمير كل الاحتمالات وارده و أيا كانت النتيجه انصح حضرتك انك ما تخليهمش يحلوا الموتور و لا حاجه لانهم بمجرد ما هيعملوا كده مش هيبقى هناك اى معنى لعمل شكوى فى جهاز حمايه المستهلك و بكده هتضيع حقك بايدك