wallahy enta shaga3teny fe mawdoo3 el suzoki 3omoman
coz ana ba7eb el SX4 hatchback w shaklaha keda el 3arabya el gaya kaman sanateen keda in sha2 allah
رقم العضوية : 597
تاريخ التسجيل : 11May2007
المشاركات : 614
الاقامة : Egypt
الحالة :
هاحكى لكم حكايتى مع مركز الخدمة بتاع مودرن موتورز او بمعنى اصح هاكلمها
انتم عرفين مشكلة عربيتى اللى ظهرت لما مركز خدمة ابو رواش منهم لله ما حطوا اديهم فى الاسبراتير والكاربراتير لما العربية وصلت 20 الف كيلو مرت وابتديت من بعدها تقطع وتستهلك بنزين كتير اوى وتدخن دخنة سوداء وتبطل على السرعه الخاملة وفى كل السرعات
المهم انا زرت مركز الخدمه اللى فى ابو رواش يجى 10 مرات من يوم ال 20 الف لحد ما وصلت 35 الف فى خلال 4 شهور لما ورونى الوي والاخر استقروا انهم يغيروا كاربراتير
قلت ماشى غيروا قلوا لى بس على حسابك
ليه يا اخونا انا فى الضمان لسة العربية ما عدتهوش يرد على مهندس فى الاستقبال اسمة اشرف يقولى اشمعنى عربيتك انتى اللى باظت اكيد ده عيب منك
طبعا رفضت وعقدت العزم انى اروح مركز الخدمة التانى اللى فى الهايكستب لانى بصراحة علت فية 3 صيانات فى الاول وكانوا ممتزيين لابعد الحدود
وفعلا اتصلت وحجزت ميعاد يوم 26 الجارى الساعه 1 الظهر
وفعلا رحت فى الميعاد لقيت الاسم على الباب لانهم مش بيدخلوا غير اللى حاجزين وركنت وتوجهت للاستقبال كان فيه هناك مهندس اسمة حسام ملتحى ومؤدب ادب جم بصراحه حاكيته له كل الحكاية وخرج معايا شاف العربية وقالى مش تقلق ولما قلت له على موضع الكاربراتير قالى عيب علينا لو غيرنا كاربراتير عربية موديل 2007 املا اللى موديل 90 نعمل فيها ايه نرميها فى النيل
المهم اتفضل ارتاح فى الاستراحه وهنادى عليك
قلت بس فيها ل 9 بالليل لانى كنت بافضل فى ابو رواش من 9 الصبح ل 5 مساءا واخد العربية زى ما هى وارجع مرة واتني وعشرة
المهم فاتت ساعة ونادوا عليا وقلى ممكن نغير طقم الكهرباء قلت ماشى لما نشوف اخرتها
وطلعت الاستراحه تانى ما فات نصف ساعه وسمعت صوت جهاز الانذار بتاع عربيتى برة اتخضيت قلت يمكن ياسوا منها ورموها بره
نزلت جرى باسال املهندس حسام قالى بقت زى الفل وانا خرجت جربتها بنفسى واهى بره دلوقتى وخلصت
بينى وبينكم ما صدقتش نفسى وسالته تانى الكام ده صحيح
قالى انا هنا لحد 9 بالليل اخرج جربها ولو فى حاجه اتصل بيا فى 12 وبعدين كلمة سوزوكى بالنجليزى وبعدين رقم 2 وعلى العموم الاصلاحات دى وقطع الغيار عليها ضمان 3 شهور او 5000 كيلو
شكرته جدا واديته كارتى وتوجهت للخزنة وانا باقول استر يا رب
اتفاجات لما دفعت 140 جنية منهم 45 جنية بس مصنعيات معقولة يا ناس المهم دفعتهم ومشيت
سبحان الله كانى لسة مستلمها من المعرض دلوقتى قبل ال 20 الف من يوم ما رحت ابو رواش
ما بقتش مصدق نفسى ادوس لها تطير اقف ما تطفيش يا نهار ابيض يا رجالة ده شىء وهمى
المهم انا هاتصل بالمهندس جسام اشكرة دلوقتى تانى على اللى اتعمل فى العربية وحلفت مية يمين ما اروح ابو رواش ده تانى كانو هيكلفونى 1500 جنية بس كربراتير غير ما يتبعه
ارجوكوا لا تستعملو مركز خدمة ابو رواش
اخوكم صاحب الماروتى
رقم العضوية : 7868
تاريخ التسجيل : 23Mar2008
المشاركات : 355
الاقامة : MNF
الحالة :
wallahy enta shaga3teny fe mawdoo3 el suzoki 3omoman
coz ana ba7eb el SX4 hatchback w shaklaha keda el 3arabya el gaya kaman sanateen keda in sha2 allah
رقم العضوية : 6128
تاريخ التسجيل : 20Feb2008
المشاركات : 217
الاقامة : giza
الحالة :
الحمدلله ياباشا
ان العربيه اتظبطت
وان شاء الله يكون درس مفيد لكل الناس
قولي بقي بتشوف عربيات سويفت هناك ممكن يعملولها صيانه
ولا مش بيشتغلوا غير في الجديد
وياريت ياباشا لو الاجابه بنعم
تقولي بقي ازاي اوصل هناك
لاني لسه بسوق جديد ومعرفش اوصل بسهوله
والف شكرا ليك ياجميل
رقم العضوية : 475
تاريخ التسجيل : 05May2007
المشاركات : 8,407
النوع : ذكر
الاقامة : الأسكندرية
السيارة: I30 & Megane estate
السيارة[2]: E36 Coupe 328i
دراجة بخارية: .
الحالة :
مبرووووووووووك يا باشا
الحمد لله[sor2]http://farm3.static.flickr.com/2639/3939929853_4547d6e150.jpg[/sor2]
رقم العضوية : 597
تاريخ التسجيل : 11May2007
المشاركات : 614
الاقامة : Egypt
الحالة :
الله يبارك فيكم كلكم
اتمنى فعلا الكل يستفاد من الموضوع ده
عنوانهم هما بالضبط لو اخدت ملاهى السندباد على شمالك واخدت الطريق ده على طول هتلاقى فى اخر الطريق ده كوبرى يمين ما تطلعهوش وامشى شمال هتلاقى تحت الكوبرى شمال مزلاقان سكة حديد برضو ما تدخلش شمال وخليك على طول فى الطريق اللى ادامك بعد حوالى 200 متر هتلاقيهم على اليمين
بس
رقم العضوية : 631
تاريخ التسجيل : 13May2007
المشاركات : 60
النوع : ذكر
الاقامة : القاهرة
السيارة: ميتسوبيشى لانسر 2007
السيارة[2]: فيات 128
دراجة بخارية: لا
الحالة :
ممكن بعد إذنك أرقام تليفوناتهم عشان لو الواحد حب يحجز ميعاد
رقم العضوية : 597
تاريخ التسجيل : 11May2007
المشاركات : 614
الاقامة : Egypt
الحالة :
26247893
26206142
رقم العضوية : 597
تاريخ التسجيل : 11May2007
المشاركات : 614
الاقامة : Egypt
الحالة :
26247893
26206142
رقم العضوية : 1320
تاريخ التسجيل : 04Jul2007
المشاركات : 499
النوع : ذكر
الاقامة : alex
السيارة: non
السيارة[2]: peugeot 2008
دراجة بخارية: non
الحالة :
ايوة بيعملوا صيانة ليها علي حسابك لانها برة الضمان
المفضلات