كاسيت اللوجان 2013 متشفر وشغال
يعني لما استلم هعرف اجربه ؟؟
ولا لازم اروج التوكيل ؟
كاسيت اللوجان 2013 متشفر وشغال
يعني لما استلم هعرف اجربه ؟؟
ولا لازم اروج التوكيل ؟
منتظر باهتمام
بالنسبة للسانديرو أوتوماتيك موديل 2013 الكاسيت ال mp3 مش محتاج تروح التوكيل
كود الكاسيت عادة بيكون مكتوب فى كتيب الصيانة..........و عادة مش هتحتاج تدخله.
و بفرض أنك مش لاقى الكود فى كتيب الصيانة هتكلم 16202 و تمليهم رقم الشاسيه و هيدولك الكود.
لاحظ حاجة لوجربت الكاسيت ولاقيته مش شغال المعرض مش حيعملك حاجة لان غالبا ورق العربية حيكون طلع باسمك ومش معقول حيغير الورق علشان الكاسيت توكل على الله وانت ونصيبك وممكن تجربه ولومحتاج الشفرة حيفصل كل 5 ثواني انا معايا اتو 2013 وولم احتاج وضع شفرة
أعتقد مش بيكون متشفر فى العادة
توكل على الله و خد معاك cd......أنا معرفش بيشغل فلاشات و لا لأ............مش هتخسر حاجة.
و فعلاً لو جربت و فيه مشكلة أعتقد لازم ترجع فيها للتوكيل مش للمعرض.
عموماً لو لا قدر الله فيه حاجة جرب فى المعرض تطلب يحلوها و شوف رد فعلهم أيه..........مع أنها المفروض مش قصتهم.
و ربنا يباركلك فيها و يكفيك شرها إن شاء الله.
الكاسيت مشفر و بيفصل كل كام دقيقة لو طفيت العربية و دورت تانى هيشتغل شوية و بعدين يفصل لازم تروح التوكيل تاخد الكود بدون ميعاد سابق او حجز الموضوع بسيط بس احتفظ بالكود لانك لو شيلت البطارية هيرجع يطلب الكود تانى و الف مبروك و ربنا يديك خيرها و يكفيك شرها ان شاء الله
عاوز اعرف هو موديل 2013 فى اضافات اليو اس بى والبلوتوث ولا لا ارجو الافادة من حضراتكم ان فى ناس استلمو بالاضافات وناس لا
2013 فى يو اس بى و بلوتوث
معايا الكزد وعرفت طريقة إدخال الأرقام . ياريت أضغط على إيه بعد إدخال الأرقام ع الشاشة ؟!
وأشغل البلوتوث ازاى بالموبايل 73إن ؟
الكاسيت متشفر يا جماعة...أنا لسة مستلم اﻷوتو 2013 بالبلوتوث و usb و مرخصتش لسة فمش قادر أروح أجيب الشفرة من التوكيل...بس أنا جربت فيه كل حاجة فى الفترة الصغيرة اللى بيشتغلها قبل ما يفصل و بصراحة رائع بجد حتى ربط الموبايل بالبلوتوث سهل و الصوت نقى للغاية
أ/ أبو محمود..هو حضرتك جبت الكود من التوكيل و لا إزاى؟
عشان تفعل الكود بعد إدخاله مكتوب بالكتالوج بتاعه أنك تضغط رقم 6 فلو صح هيكتبلك كومبليت...بالنسبة للبلوتوث إعمل أكتيفيشن ليه اﻷول على موبايلك و يكون على وضع (ظاهر للجميع)..وإضغط زرار Tel فى الكاسيت و إختار pair device وإضغط ok سيظهر لك أربعة أرقام على الشاشة إعمل نفس الخطوات على موبايلك و لما تلاقى جهاز إسمه my radio ظهر فى قائمة بحث البلوتوث لموبايلك إختاره،،فسيطلب منك إدخال الرقم، أدخل اﻷرقام اللى كتبهالك الكاسيت على الشاشة فسيظر لك الموبايل و الكاسيت رسالة pairing is complete و هتلاقى تفاصيل أكتر عن طريقة اﻹستخدام موجودة بالكتالوج الرمادى بتاع الكاسيت
وألف مبروك و عقبالى لما أعرف الكود بتاعى زيك
بجد بجد .
جزاك الله خيرا .
شرحك الوافى الجميل .
ياريت تعمل موضوع خاص بيك حول كيفية تشغيل الكاسيت بالبلوتوث واإدخال الكود ليتم تثبيته . تحياتى بدلا من مشوار التوكيل وتضييع الوقت .
أنا استلمت سانديرو أوتوماتيك 2013 بس مفيهاش بلوتوث ولا يو اس بي ازاى عربيات فيها وعربيات مفيهاش ده تهريج من الشركة بصراحة
ممكن بعد اذنكوا يا جماعة اللى معاة الكاسيت اللى فيه بلوتوث و يو اس بى يصوره هو والمالتي اللى فى التارة ويرفعة على المنتدى هنا
وجزاكم الله خيرا
يا جماعة علشان تشفير الكاسيت لازم لازم تروح التوكيل
والتوكيل بيرفع رقم الشاسية بالكامل من العربية
وبيعمل بحث عنه في موقع رينو الام .علشان يعرف الكود بتاعك .
وبيقولك اتصل تعرفه تاني يوم .
أنا إشتريتها من السبع و هو موزع معتمد..الحقيقة كان جاى مع العربيات اللى إستلمها السبع ورقة بها أرقام شاسيهات العربية و سريالات الكاسيتات و الكود المطلوب مكتوب بخط اليد و واضح أن دى خدمة بيقدمها السبع و الله أعلم...بس الطريقة المثلى اللى بتحصل فى التوكيل و من غير حجز مسبق هو أنهم بيدخلوا قضبان معدنية رفيعة فى أربعة مداخل فى أركان الكاسيت اﻷربعة..و بيخرج الكاسيت جزئيا للخارج و بتلاقى تيكت عريض عليه أرقام و حروف و بعض مواصفات الكاسيت و بالمناسبة هو ماركة دايو و مصنوع فى كوريا...ده حصل معايا فى السبع أول يوم و بعدين كلمونى و قالولى تعالى السيريال نقلناه غلط...فلما رحتلهم تانى يوم مفكوهوش تانى و شفت معاه الورقة السابق ذكرها فى أول كلامى....