سؤال مهم: مقاس كاوتش او جنط اكبر

السلام عليكم
انا حابب افتح موضوع بيشغل ناس كتير وهو تغيير مقاس الجنط
يعني مثلا لو الجنط اصلا 15 وانا ركبت حنط 16 فمفروض اصغر قطر الكاوتش شويه عشان النسبه النهائيه تكون متوازنه

مفروض نسبه التغيير تكون في حدود من -3 الى +3 في المائه. واي تغيير اكتر من كده غلط. ياريت حد ياكد المعلومه ده

السؤال بقه:


طب لو انا حاسس ان الكاوتش مش مالي البطيخه بتاعه الكاوتش كلها وقاصد ان اجيب حاجه اكبر بنسبه مثلا 4 او 5 % ياتري هتبقى ايه النتيجه

هل الكاوتش هيحك ولا بس هيكون في ضرر على العفشه. وازاي انا بشوف عربيات ساعات سيفيك او لانسر راكب فيها كاوتش كبير اوي عن البطيخه بتاعه الكاوتش.

بغض النظر عن البطيخه اللى انا معرفش تقصد بيها ايه :) ........ ( اعتقد تقصد المسافه بين الكاوتش والرفرف )

عموما تركيب مقاس كاوتش اكبر واعلى هايبقى ليه عيوبه , خلينا ناخد مثال عشان يبقى فى ارقام واضحه

لو اخدنا مثال زى عربية حضرتك مثلا بتنزل بجنوط 15 وكاوتش 175/65 طبعا مقاس صغير وغريب شويه على جنوط 15

لو غيرناه مثلا ل 195/65 العيوب هاتبقى

العربيه هاتعلى 1.3 سم ودا كتير ( المفروض ان تعريض الكاوتش من 175 ل 195 هايعوض شويه )

الكاوتش هايقرب من الرفرف 2.6 سم وهايبقى عرضه للحك فى معظم الاوقات

هايبقى فى فرق فى قراية العداد

تسارع اقل شويه

لكن على ما اعتقد مش هايكون فى ضرر على العفشه

شكرا لردك
نعالي نمسك اهم نقطه (الكازتش هيقرب من الرفرف 2.6 سم)


السؤال بقه

امتى القرب ده يحك في الرفرف وامتى ميحكش وهل الناس بتاعه الكاوتشات تقدر تاكدلي ان الكاوتش مش هيحك او عندهم طريقه للاختبار قبل ما اشتري وادبس

اقتباس:

---

المشاركة الأصلية كتبت بواسطة eng_maged

شكرا لردك
نعالي نمسك اهم نقطه (الكازتش هيقرب من الرفرف 2.6 سم)

السؤال بقه

امتى القرب ده يحك في الرفرف وامتى ميحكش وهل الناس بتاعه الكاوتشات تقدر تاكدلي ان الكاوتش مش هيحك او عندهم طريقه للاختبار قبل ما اشتري وادبس

---

مش عارف هما هايختبروه ازاى , بس ممكن حضرتك اللى تعمل الاختبار بنفسك

هات مسطره وقيس المسافه بين اعلى نقطه فى الكاوتش واقرب نقطه ممكن يخبط فيها , وحاول تقيس فى كل الظروف يعنى والعربيه فاضيه وهى فيها ركاب والشنطه لو بيبقى فيها حاجات , كدا يعنى

لو المسافه كبيره 5-6 سم او اكتر يبقى ممكن , لو اقل يبقى غالبا مش هاينفع

او يبقى المقاس 195 تحديدا مش هاينفع , فى مقاسات تانيه هاتبقى اقل ارتفاعا وهاتبقى احسن من اللى راكب

185/65 هايقرب 1.3 سم

195/60 هايقرب 6 او 7 مللى فقط يعنى مش هايفرق فى الشكل بس كشكل فى العرض والثبات هايبقى احسن من الاصلى