الموضوع: عن الركن و البلطجة اتحدث !!

المشاركة الأصلية كتبت بواسطة axel

للأسف العيب ع الناس و اللي بيخافوا و يدوا او لما تكلم يقولك حرام أصله واقف ما الواحد بيقف يشتغل 12 ساعة و يمكن اكتر و لا هو حرام و احنا حلال فينا

نيجي بقي لنوع السايس البلطجي و اقرب مثل لسه حاصل معايا من فترة قريبة في روكسي طبعا كله شايفهم واقفين اللبس الفسفوري و مكتوب شركة ايه و محافظة القاهرة و بالتذاكر اعتقد انهم مأجرينها من المحافظة لأني كنت اسمع ياما بتبقي تبع المحافظة و اللي واقفين معاهم كارنيه المحافظة ياما بتتأجر فواقفين بالتاذاكر لقيت اللي جاي بيقولي 3 ج الركنة و 2 ج ليا كنت هطول لساني قولتله انا بدفع اللي بدفعه
و يا ريت في الشوارع العامة ده حتي في الشوارع الداخلية الاقي سايس اللي يعرف العطارة الهندية في عباس العقاد فيه هناك كذا محل الشارع طبعا يعتبر متفرع من عباس العقاد لكن مش لدرجة يقف فيه سايس برده تلاقيه ناطط
و لا العتبة بـ20 ج اذا كان عجبك و كلهم واقفين بمواسير الماية او الشومة جنبهم و طب و ع ايه فيه هناك باركنج متعدد الادوار قدام المديرية الركنة بالساعة و في كل دور عدد لا بأس به من اللي واقفين يساعدوك ع الركنة و واقفين بالشوم برده و مواسير المية عشان اي حاجة تحصل

للأسف العيب غير ع الناس اللي بتدفع و المفروض محدش يقبل يدفع الا بمزاجه او ميدفعش هو حر ديه شوارع عامة مش جراجات خاصة بالاضافة ان العيب برده ع اللي سايبيهم في الشوارع زي الميكروباصات و فعلا معاك حق الكلام ده اتقالي كتيير لما بقوله الشرطة يقولي نفس الجملة مهما بيسترزقوا مننا يا باشا طب اقوله ايه ؟؟

و اللي يجي يقولي ادفع الأول بقوله انا بدفع لما ارجع يقولي 3 ج اقوله انا بدفع زي ما بدفع لو الواد واخدها بلطجة مبدفعش حاجة و بمشي و اسيبه يخبط دماغه في اجدعها رصيف

و ما شاء الله انا وقفت مع واحد فيهم بس مش من النوع السابق كان راجل كبيير و باين عليه محترم مش بلطجي زي الاشكال اللي بنشوفها بنتكلم و بشوف ايه دماغ الناس ديه الراجل كان معاه صنعة ( نقاشة و تشطيبات ) و حصلتله مشاكل و قفلوا له محله بالوسايط و عشان ياخدوا المحل و يضموه مش فاكر القصة اوي فسابها و اشتغل سايس ما شاء الله اللي كان بيكسبه في سنة بيكسبه في اقل من شهر
بس الراجل يستاهل لأنه مبيقولكش هات ده مكنش راضي ياخد فلوس مني حتي و اي حد يطلع اللي يدهوله ناس طلعت مدتوش حاجة عادي متكلمش و لا حتي بص بتناحة

و عامة انا اوقات كتير مبقتش انزل بالعربية عشان اريح نفسي من الركنة ان مكنش سايس تلاقي اللي حاطط طوب و حديد و يقولك متركنش هنا
و ده مثل من اللي بيحصل معايا بس يومها مسكت نفسي عشان اللي معايا باقي الوقت لما بكون لوحدي او مع اصحابي بيبقي الشخص هو اللي جابه لنفسه
http://www.nilemotors.net/nile/261739-a.html

ياما قرف السواقة و الميكروباصات فبقيت اسيب العربية و انزل مواصلات ارحم

انا عارفة الحتة بتاعة عباس دى, بردو كنت جاية اركن لقيت واحد بيتطنطلى قدام العربية, رحت طلعت 50 متر قدام وركنت فى حتة مكانش فيها حد عشان وجع الدماغ ده..

المشكلة ان انا مثلاً جبت العربية عشان اترحم من المواصلات اللا أدمية اللى فى مصر, يقوم يطلعلى حوار الأشكال دى, تخلينى أسيب عربيتي و أنزل أركب مواصلات تانى!!!

و بعدين لما ألاقى بلطجى لطيف كده واقفلى بسلاح, مفروض ابلطج عليه يعنى و لا هاضطر إنى أدفع وخلاص؟؟ و لا أطلع كارنية الظباط بقى و أعيشله فى دور انا بنت ظابط و امشى من هنا والكلام المستهلك ده " اللى مش باطيق اللى بيعمله اصلاً!!" ؟؟

بجد ايه الحل !! و طبعاً الشرطة لا حياة لمن تنادى !! =/